Perspective Of Nilofer Anbarasu

Waiting for Diwali leave approval

2011-10-13T23:19:00.000-07:00

மைக்ரோ விமர்சனம்

2010-04-26T11:20:00.000-07:00

தீராத விளையாட்டு பிள்ளை: நான் அவன் இல்லை படத்தின் சாயல் சில இடங்களில் இருந்தாலும் வித்தியாசமான படம். டயலாக் டெலிவரி மற்றும் வாய்ஸ் மாடுலேஷுன்னில் விஷால் நன்றாக ஸ்கோர் செய்திருக்கிறார். வழக்கம்போல் பிரகாஷ்ராஜ் ஆரம்பத்தில் சிரிக்கவைத்து பின்னர் பயமூர்த்துகிறார். மொத்தத்தில் தீராத விளையாட்டு பிள்ளை படத்தின் நீளத்தை குறைத்திருந்தால் நம் செல்ல பிள்ளை.

தமிழ் படம்: லொள்ளு சபாவில் அரைமணி நேர எபிசோடாக வர வேண்டிய கான்செப்ட்ஐ முழுநீள படமாக எடுத்திருக்கிறார்கள். சீனுக்கு சீன் பல ஹீரோக்களை கேலி செய்து நம்மை ரசிக்க வைக்கிறார்கள். ஓ மகஸீயா பாடல் கலக்கல் ர(ரா)கம். சைக்கிள் சக்கரம் சுற்றும் போது ஹீரோ பெரியாலாவது, ஒரே பாடலில் ஹீரோ பணக்காரன் ஆவது என அணைத்து தமிழ் சினிமாதனத்தையும் கலாய்த்திருக்கும் இந்த படம் ஒரு நல்ல டைம் பாஸ்.

கச்சேரி ஆரம்பம்: இன்னொரு தமிழ் படம்.

குட்டி: செம்ம போர்.

வேட்டைக்காரன்: வழக்கம் போல் பாடல்கள் சூப்பர், சண்டை சூப்பர், பஞ்ச் டயலாக் சூப்பர், ஹீரோ யின் சூப்பரோ சூப்பர். சற்றே காமெடியிலும், கதையிலும் கவனம் செலுத்தியிருந்தால் படமும் சூப்பராக இருந்திருக்கும்.

Director's Note on Raavan

2010-04-22T11:31:00.000-07:00

TEN HEADS,
TEN MINDS,
A HUNDRED VOICES,
ONE MAN

Did such a man ever exist…?
Was he just a myth…or a metaphore…?
Is Raavan the line that divides Good from Evil...?
Does our understanding change when we look from the opponents perspective…?
The bond between the hunter and the hunted-between the captor and the captive seems to be a bond of do or die….
The tension between opposites often seems so electric, that it isolates them from the rest of the world , leaving just the two-all alone…
Are Ten Heads better than one….?
Is there a Ram inside Raavan? And a Raavan
inside each of us?
- Mani Ratnam
http://www.raavan-thefilm.com/

First ever ODI 200: Congratulations Sachin

2010-02-25T01:47:00.000-08:00

Tendulkar broke the record for the highest ODI score, going past the 194 made by Zimbabwe's Charles Coventry and Pakistan's Saeed Anwar.

வைகோ - நான் - போட்டோகிராபர்

2010-01-08T11:57:00.000-08:00

கல்லூரி நாட்களை லேசாக நினைத்தால் கூட பலநூறு சுவாரஸ்யமான நிகழ்வுகள் முண்டியடித்துக்கொண்டு வந்து விழுகிறது. அதற்கு சாட்சியாய் சில புகைப்படங்களும்கூட. பூமியும் மனிதனின் மனமும் ஒன்று என்பது என் கருத்து. பூமிக்குள் புதைந்து கிடக்கும் பலப்பல ரகசியங்களைப்போல் மனதிலும் பலப்பல அழகிய நிகழ்வுகள் நவரசமாய் விரிந்து கிடக்கும்.இந்த நிகழ்வுகள் எப்போது வேண்டுமானாலும் யாரால் வேண்டுமானாலும் வெளிவரலாம். இந்த அழகான நிகழ்வுகள் நினைவில் தோன்றும்போது அப்போது எடுக்கப்பட்ட புகைப்படம் ஒன்று உடன்னிருந்தால் அந்த நிமிடங்களை நம் கண்முன் கொண்டுவந்து நிறுத்தும். என் கல்லூரி நாட்களில் அப்படி மறக்க முடியாத சம்பவங்கள் நிறையவே உண்டு. அப்படிப்பட்ட புகைப்படங்களில் சில கீழே. ஆனால் இந்த படங்களை மட்டும் பார்க்கும் போது அந்த நிகழ்ச்சியை காட்டிலும் அந்த படத்தை எடுத்த முகம் தெரியாத கேமராமேன் தான் நினைவில் வருவார், காரணம் கீழே

முதல் படம்: இது காலேஜ்ல நடந்த ஒரு கலை நிகழ்ச்சியில் டான்ஸ் ஆடியபோது எடுத்த படம். நிகழ்ச்சியின் சிறப்பு விருந்தினர் வைகோ. மேடைக்கு முன்னாள் உட்கார்ந்துகொண்டு எல்லா நிகழ்ச்சியையும் பார்த்துக்கொண்டிருந்தார். சரியாக ஏழு மணிக்கு எங்கள் டான்ஸ் ப்ரோக்ராம் என்று சொல்லியிருந்தார்கள். ஆனால் இடையில் யாரோ ஒரு ஐடியா மணி, முதலில் எல்லா Girls ப்ரோக்ராம்மையும் வைத்துவிட்டால் அவர்கள் சீக்கிரம் வீட்டுக்கு போவார்கள் அதற்கு பின்னர் பாய்ஸ் ப்ரோக்ராம் வைத்துக்கொள்ளலாம் என்று சொல்ல அதன்படி ஒன்பது வரை contineousஆகா Girls ப்ரோக்ராம் அறங்கேற்றப்பட்டது. ஒன்பது ஐந்துக்கு வைகோ கிளம்பிவிட்டார். எங்களுக்கு ஒன்பது முப்பதுக்கு மேடையை கொடுத்தார்கள். சரி Girlsம் (வைகோவும்) இல்லாவிட்டாலும் பரவாயில்ல என்று மேடை ஏறி ஆடினோம். போட்டோகிராபருக்கு என் மேல் என்ன கோவமோ தெரியவில்லை. கிட்டத்தட்ட ஐந்து நிமிடம் ஆடியிருக்கிறேன், ஆனால் அவர் ஒரே ஒரு போட்டோ மட்டும் எடுத்திருக்கிறார் அதுவும் ஆடிய ஐந்து பேரில் சரியாக என்னை மட்டும் கவர் செய்யாமல். படத்தை யாராவது பார்க்கும் போதோ அல்லது நான் காட்டும் போதோ ரைட் சைடுல பின்னால ஆடுறது நான்தான் அப்படீன்னு நானே அவர்கள் கேட்பதற்கு முன்னால் சொல்லிவிடுவேன். என்னுடன் பழகியவர்கள் நம்பி சிரிப்பார்கள், புதியவர்கள் நம்பியது போல் சிரிப்பார்கள்.

இரண்டாவது படம்: ஸ்போர்ட்ஸ் டே அன்று எடுத்த படம் இது. பாட்மிட்டன் போட்டியில் வெற்றிபெற்றதர்காக நாங்கள் மேடை ஏறினோம். ம.தி.மு.க தலைவர் வைகோவும், சூப்பர்ன்டென்ட் ஆப் போலீஸ் ஆபாஷ் குமார் I.P.Sம் விழாவின் முக்கிய விருந்தினர்களாக வந்திருந்தார்கள். வெற்றி பெற்றவர்கள் அனைவருக்கும் வைகோ பரிசு வழங்கிக்கொண்டிருந்தார், எங்கள் பெயர் அடுத்த ஐந்து நிமிடத்தில் வரப்போகிறது என்று எங்களை அழைத்து மேடை அருகில் நிற்க சொன்னார்கள். சரியாக எங்கள் பெயர் வருவதற்கு முன்பு மேடையில் இருந்த ஒரு புரோபசர் புண்ணியவான், வைகோவை அமரும்படி கேட்டுக்கொண்டு அடுத்து வருபவர்களுக்கு ஆபாஷ் குமார் பரிசு வழங்குவார் என்று அறிவித்தார். அப்பொழுதெல்லாம் ஓரளவுக்கு வைகோவை தமிழகத்தின் இரண்டு பெரிய தலைவர்களுக்கான ஒரு மாற்று சக்தியாக மக்கள் பார்த்த காலம். அவரிடம் பரிசு வாங்குவதில் எனக்கும் ஒரு தனி சந்தோஷம் இருந்தது. அதை கெடுத்த அந்த புரோபசரை வாழ்த்திக்கொன்டிறுக்கும் போதே சக டீம் நண்பர்கள் மேடை ஏறி பரிசை தொட்டுக்கொண்டு போஸ் கொடுக்க ஆரம்பித்துவிட்டார்கள், சுதாரித்துக்கொண்ட நானும் மேடை ஏறி அவர்களோடு சேர்ந்துகொண்டேன். ஒரு வாரம் கழித்து, பரிசு வாங்கும் போட்டோ கைக்கு கிடைத்தது, பிரித்து பார்த்தேன், நான் நன்றாக தெரிந்தேன், ஆபாஷ் குமார் நன்றாக தெரிந்தார் ஆனால் வைகோவை காணோம். போட்டோகிராபர்ரின் திறமை அப்போதுதான் புரிந்தது, வைகோவை கவர் செய்யாமல் சரியாக எடுத்திருந்தார். வழக்கம்போல் இந்த படத்தை மற்றவர்களிடம் காட்டும் போதும், பின்னால கருப்பு துண்டு தெரியுதில்ல அதுதான் வைகோ அப்படின்னு நானேசொல்லிவிடுவதுண்டு.

மூன்றாவது படம்: இதுதான் எல்லாத்த விடவும் பெரிய ஹைலைட். நாலு வருஷம் படிப்பு முடிந்து அன்று காலேஜில் கான்வகேஷன் டே. சிறப்பு விருந்தினராக மீண்டும் அதே வைகோ. பொடாவில் கைதாகி சிறையிலிருந்த வைகோ, விடுதலையாகி கலந்துகொண்ட முதல் (அரசியல் சார) நிகழ்ச்சி என்பதால் பரபரபுக்கு கொஞ்சமும் பஞ்சமில்லாமல் இருந்தது. "இந்த கல்லூரி மேடையை எக்காரணத்தை கொண்டும் அரசியலுக்கு பயன்படுத்தமாட்டேன்.." என்று சொல்லி ஆரம்பித்த வைகோவின் உரையில் மாணவர்களும், பெற்றோர்களும் சொக்கிப் போனதென்னவோ உண்மை. பட்டமளிப்பு விழா ஆரம்பம் ஆனது, இந்த முறை எப்படியும் அவருடன் போட்டோ எடுத்துவிடவேண்டுமென நினைத்துக்கொண்டேன். வைகோவும், துணைவேந்தரும் மாறி மாறி ஒவ்வொரு மாணவருக்கும் பட்டத்தை கொடுத்துக்கொண்டிருந்தார்கள், வாங்கிய மாணவர்கள் இருவருக்கும் இடையே நின்று புகைப்படம் எடுத்துக்கொண்டு கீழே இறங்கினார்கள். நானும் சென்றேன், பட்டத்தை வாங்கினேன், புகைப்படம் எடுத்தேன், இந்த முறை எப்படியும் போட்டோவில் வைகோவுடன் நாம் நன்றாக தெரிவோம் என்று எண்ணிக்கொண்டு கீழே இறங்கி வந்தேன். விழா முடிந்தவுடன் காலேஜ் ஆபீஸ்ல் இருந்து வந்த ப்யூன் ஒருவர் கான்வகேஷன் போட்டோ வேண்டுமென்பவர்கள் ரூ 100 செலுத்தி அட்ரஸ் கொடுத்துவிட்டு போனால், கொரியரில் போட்டோ அனு்பப்படும் என்று சொன்னார். முதல் ஆளாக நூறு ரூபாயும் அட்ரஸ்ம் கொடுத்துவிட்டு வந்தேன். அனுப்புகிறார்கள், அனுப்புகிறார்கள் ஆறு வருடமாகி இன்னமும் அனுப்பிக்கொண்டிருக்கிறார்கள். "முதல்ல எல்லாம் காரணத்த சொல்லிட்டு அடிப்பானுங்க, ஒரு ஆறுதலா இருக்கும், இப்ப எல்லாம் காரணமே சொல்லாம அடிக்குரானுங்க" என்று வடிவேலு சொல்வது போல், முன்னாடி எல்லாம் எனாதானோனு எடுத்த போட்டோவயாவது காட்டுனானுங்க, ஒரு ஆறுதலா இருந்தது, இப்ப அதையும் காட்ட மாட்டேனுரானுங்க, நெனச்சாலே குறுகுறுன்னு இருக்கு. ஹும்ம்ம்.

KEYWORDS: P.S.R ENGINEERING COLLEGE, SIVAKASI, PSREC, SEVALPATTI.

ட்விட்டர் விமர்சனம்

2009-12-16T10:36:00.000-08:00

பழசிராஜா: பில்ட் அப் கொடுத்த அளவுக்கு படத்தில் பிரம்மாண்டம் என்றெல்லாம் ஒன்றும் இல்லை. லாங் ஷாட்டில் கூட மொத்தம் நூறு படை வீரர்களே தெரிகிறார்கள். Patriotism என்ற ஒரு உணர்வால் படம் தப்பிப் பிழைத்திருக்கிறது. சரத்குமார் இருந்திராவிட்டால் படம் ரொம்பவே போர் அடித்திருக்கும்.

சிவா மனசுல சக்தி: நல்ல ஒரு கலக்கலான படம். சிவா என்கிற அந்த லோக்கல் சென்னைவாசி கேரக்டருக்கு அப்படியே பொருந்துகிறார் ஜீவா. சந்தானத்தின் காமெடியும் யுவனின் இசையும் படத்திற்கு மிகப்பெரிய பக்கபலம். அனுயாவின் பிறந்தநாள் காட்சியோடு படத்தை முடித்திருக்க வேண்டும், தேவையில்லாமல் அதற்கு பிறகு ஒரு 10 நிமிடம் காட்சிகளை இழுத்து கடைசியில் கடுப்படித்துவிட்டார்கள். மற்றபடி சூப்பர்.

யோகி: அமீர் வேகமாக ஓடுகிறார், ஸ்டைல் ஆகா நடக்கிறார், நன்றாக ஆடுகிறார் அப்படியே கொஞ்சமாக நடிக்கிறார். நத்திங் ஸ்பெஷல் அபௌட் தி மூவி. ஜஸ்ட் ஒரு ரவுடியின் மறுப்பக்கம். அவ்வளவுதான்.

நான் அவன் இல்லை 2: அவனா நீ? முதல் பார்ட்டில் இந்தியாவில் நான்கு பெண்களை ஏமாற்றுவார், இது பார்ட் டூ அதனால் வெளிநாட்டில் நான்கு பெண்களை ஏமாற்றுகிறார். படம் முழுவதும் ஒரே கவர்ச்சி மழை. படத்தில் வரும் அணைத்து கேரக்டர்களும் சொல்லும் ஒரு வசனம் "ரொம்ப இன்டெலிஜென்ட் கிரிமினல் அவன்". பேசாம படத்துக்கு இதையே தலைப்பா கூட வைத்திருக்கலாம். கிளைமாக்ஸ் முடிந்தவுடன் வணக்கத்திற்கு பதில் சிம்பாலிக்காக ஒரு எச்சரிக்கை போட்டார்கள், அது வேற ஒன்னும் இல்ல நான் அவன் இல்லை பார்ட் த்ரீ வருமாம்.

Sixth sense technology - Very impressive

2009-11-17T10:20:00.000-08:00

As Albert Einstein said "The true sign of intelligence is not knowledge but imagination", Pranav Mistry's cute imagination to interact real world and digital word leads to a historic innovation of sixth sense technology.

Please follow the link to unveil the true potential of sixth sense technology demonstrated by Pranav.
Thanks Pranav to making it free, open-source. Really very beautiful and amazing.

இவர்கள் நடித்திருந்தால்....

2009-10-23T11:02:00.000-07:00

சில படங்கள் பார்க்கும் போது இந்த கேரக்டரில் இவருக்கு பதில் இவர் நடித்திருந்தால் நன்றாக இருக்கும் என்று தோன்றும். ஆனால் அந்த நடிகரை படத்தில் போடாததிற்கு வியாபார ரீதியாக பல காரணங்களை படைப்பாளிகள் சொன்னாலும் அவற்றை எல்லாம் புறந்தள்ளிவிட்டு அவருக்கு பதில் இவர் நடித்திருந்தால் எவ்வளவு நன்றாக இருக்கும் என்று நினைக்கும் சாதரண ரசிகனின் மனநிலையில் இருந்து....

உன்னைப் போல் ஒருவன்: இது ஒரு காமன் மேன் பற்றிய கதை. இந்த கேரக்டரில் நசுருதின் ஷா பொருந்தியத்தில் பதில் ஒரு பங்கு கூட கமல் பொருந்தவில்லை என்பது என் கருத்து. கமலுக்கு பதில் 'நிழல்கள்' ரவி நடித்திருந்தால் படம் தற்போது பெற்ற வெற்றியை விட மிகப்பெரிய வெற்றியை பெற்றிருக்கும்.

நினைத்தாலே இனிக்கும்: கல்லூரி மாணவராக ப்ரிதிவிராஜை நம்மால் நினைத்துகூட பார்க்க முடியவில்லை ஆனால் இயக்குனருக்கு எப்படி அவரை போட மனசு வந்ததென்று தெரியவில்லை. அதிலும் ஷக்தியுடன் பார்ப்பதற்கு ஏதோ ஷக்தியின் மாமா போல் இருக்கிறார். ப்ரிதிவிராஜுக்கு பதில் ஜெய் நடித்திருந்தால் நன்றாக இருந்திருக்கும்.

பொம்மலாட்டம்: இந்த படத்தை பார்க்கும் போதெல்லாம் நானா படேகருக்கு பதில் மம்மூட்டி நடித்திருந்தால் நன்றாக இருக்கும் என்று எனக்கு அடிக்கடி தோன்றும். மம்மூட்டியின் மெச்சுரிட்டியான உடம்பும் இயல்பான குரலும் கதைக்கு ரொம்பவே பொருந்தியிருக்கும்.

Cardio Workout

2009-10-22T09:51:00.001-07:00

Started going to GYM from today onwards.
Only cardio workout! :)
Wanted to burn calories and condition the psyche.

தீபாவளி வாழ்த்துக்கள்

2009-10-15T03:08:00.000-07:00

டிராபிக் ஜாம்

2009-10-02T10:03:00.001-07:00

இனிமே பீக் ஹவர்சில் வண்டி ஓட்டக்கூடாது என்று நேற்று வீட்டிற்குள் வரும்போது நினைத்துக்கொண்டேன். நம்ம ஊரில் உள்ள டிராபிக்குக்கு பயந்தே எப்போதும் பீக் ஹவர்சில் எங்கேயும் செல்வதில்லை. அப்படியிருந்தும் சில நேரங்களில் மாட்டிக்கொள்வதுண்டு. இன்று தீபாவளி டிரஸ் எடுப்பதற்காக பைக் எடுத்துக்கொண்டு கிளம்பினேன். காலை 12 மணிக்கு கிளம்பி மாலை 5 மணிக்கு முன்பு திரும்ப நினைத்திருந்தேன். ஆனால் திரும்பும்போது மழை பிடித்துக்கொண்டதால் ஒரு மணிநேரம் தாமதமானது. சரியாக 6 மணியளவில் மழை விட கிளம்பினேன், எதிர்பார்த்து போலவே டிராபிக்கும் அதிகமாகி நன்றாக மாட்டிக்கொண்டேன். வேகமாக சென்ற வாகனங்கள் எல்லாம் மெதுவாக செல்ல ஆரம்பித்து ஒரு கட்டத்தில் ஊர்ந்து செல்லவேண்டிய நிலைமை. வண்டியை நிறுத்தவும் முடியாது வேகமாக ஒட்டவும் வழியிருக்காது ஆனால் நகர்ந்துகொண்டே இருக்க வேண்டும். கொஞ்சம் கூட ரிலாக்ஸ் செய்ய முடியாத நேரம். இது போன்ற நேரங்களில் தான் எனக்கு எப்போதுமே ஷூவுக்குள் இருக்கும் உள்ளங்காலும் ஹெல்மெட்டுக்குள் இருக்கும் உச்சந்தலையும் அரிக்கும். எனக்கு மட்டுமல்ல என் வண்டிக்கும்தான், அதுவரை நன்றாக ஓடிய வண்டி இந்த மாதிரி நேரங்களில் ஆப் ஆகிவிடும். ஆப் ஆனவுடன், ஏதோ நான் தான் ஒட்டுமொத்த ரோட்டையும் பிளாக் செய்திருப்பதுபோல் என்னை நோக்கி பல ஹாரன்கள் பறந்தன. என்னைப்போல் என் வண்டி மட்டுமல்ல உலாபேசியும்தான். சும்மா நேரத்தில் கூப்பிடாதவன் எல்லாம் வரிசையாக ரவுண்டு கட்டி கூப்பிட்டு நலம் விசாரித்தார்கள். மொத்தத்தில் இருபது நிமிட பயணம் ஒன்னரை மணி நேர பயணமாக மாறி ஒரு வழியாக வீடு வந்து சேர்ந்தேன். வீட்டினுள் வந்தவுடன் வழக்கம்போல் மீண்டும் நினைத்துக்கொண்டேன் "இனிமே பீக் ஹவர்சில் வண்டி ஓட்டக்கூடாது ".
Picture Courtsey: Funny Farm Boutique

குட்டி விமர்சனம்

2009-09-26T11:19:00.000-07:00

நாடோடிகள்: நட்பு காதல் ஏமாற்றம் என்று போகிறது கதை. சுப்ரமணியபுரத்தின் இரண்டாம் பாகம் போல் இருக்கிறது. கோவிலுக்குள் சசிகுமார் நண்பர்களுடன் நுழையும் போது ஆரம்பிக்கும் பின்னணி இசையும் அதை தொடர்ந்து வரும் சம்போ சிவசம்போ பாடலும், படமாக்கப்பட்ட விதமும் சூப்பர். நாடோடிகள் மொத்தத்தில் ஒரு நல்ல என்டர்டெய்னர் .

மோதி விளையாடு: சரண் படங்களுக்கே உண்டான ஒரு சுவாரஸ்யமான ட்விஸ்ட் இந்த படத்திலும் உண்டு. அதுவே படத்தின் பிளஸ்ம் கூட. கலாபவன் மணிக்கு பதில் அந்த கேரக்டரில் வேறு யாரையாவது போட்டிருக்கலாம், அவர் உருவத்திற்கும் அந்த கேரக்டருக்கும் கொஞ்சம் கூட சம்பந்தமே இல்லை. வித்தியாசமான கதை ஆனால் action படங்களுக்கே உண்டான விறுவிறுப்பு மிஸ்ஸிங். ஏதோ அசல் டப்பிங் படம் பார்ப்பது போல் இருக்கிறது.

அச்சமுண்டு அச்சமுண்டு: என்னைப் போல் ஒருவன் இயக்கியிருக்கும் படம். தப்பா நினைச்சுகாதீங்க பேசிகல்லி இந்த படத்தோட டைரக்டர் ஒரு ப்ளாக்கர் அதைத்தான் சொன்னேன். பிரசன்னா, சினேஹா, மகள் மற்றும் பெயிண்டர் என்று நான்கே கேரக்டர்களை சுற்றி படம் நகர்கிறது. ஆங்காங்கே பயம் ஏற்ப்படுவது உண்மை. முதல் படத்திலேயே வித்தியாசமான கதையை கையாண்டது மட்டுமில்லாமல் மக்களுக்கு ஒரு விழிப்புணர்வை ஏற்ப்படுத்தும் கதையை எடுத்ததிற்கு இயக்குனருக்கு பாராட்டுக்கள்.

பசங்க: அப்படி ஒன்னும் பிரமாதம் இல்லை. ஓகே ரகம். பல இடங்களில் கனா காணும் காலங்கள் பார்ப்பது போலவே இருக்கிறது. சசிகுமார் என்ற பெயரே படத்தின் ரீச்சுக்கு காரணமே அன்றி வேறில்லை.

Happy Independence Day

2009-08-14T11:50:00.001-07:00

அய்யன் வள்ளுவரும் ஹீரோ ஹோண்டாவும்

2009-08-09T10:32:00.001-07:00

ஹீரோ ஹோண்டா வண்டி வாங்கி மூன்று மாதங்கள் ஆகின்றது. இரண்டாவது ப்ரீ சர்வீசுக்காக நேற்று பெங்களூரில் இருக்கும் ஹீரோ ஹோண்டா சர்வீஸ் சென்டெரில் (Nikki motors) கொடுத்திருந்தேன். இன்றைக்கு டெலிவரி தருவதாக சொல்லியிருந்தார். விடும் போதே வாரநாட்களில் வேலைக்கு போக வண்டி தேவைப்படுவதாலும் நேரமின்மையாலும்தான் வீக்கெண்டில் கொண்டுவந்து விடுகிறேன், நாளை கண்டிப்பாய் கொடுத்துவிடும்படி மேலாளரிடம் சொல்லியிருந்தேன். இன்று வண்டியை எடுப்பதற்காக காலை 11 மணியளவில் சர்வீஸ் சென்டருக்கு சென்றால், சென்டர் பூட்டியிருந்தது. செக்யூரிட்டியிடம் கேட்டபோது, இன்று வள்ளுவர் சிலை திறப்பை ஒட்டி சில அமைப்புகள் ஸ்டிரைக் அறிவித்திருப்பதால் காலை திறந்தவுடன் மூடிவிட்டதாக பதிலளித்தார். மேனேஜர், supervisor என்று யாருடைய உலாபேசி என்னையும் தர மறுத்துவிட்டார். நேரம் ஆகா ஆகா டெலிவரி எடுக்க வந்த கஸ்டமர்களின் எண்ணிக்கையும் அதிகமாகிக் கொண்டே போனது. கிட்ட தட்ட 12 பேர் கூடிவிட்டோம். ஒரு நண்பரின் மூலமாக மேனேஜரின் நம்பர் கிடைத்து அவரை தொடர்புகொண்டேன். அவர் கன்னடத்தில் ஏதேதோ சொல்லிக்கொண்டே போக, எனக்கு கன்னடம் தெரியாத காரணத்தால் அவரை நிறுத்தி, ஆங்கிலத்தில் சொல்லுமாறு கேட்டேன். அரைகுறை ஆங்கிலத்தில் அவர் சொல்ல, நான் பதிலுக்கு, சர்வீஸ் செய்யாவிட்டாலும் பரவாயில்லை, நான் அடுத்த வாரம் கொண்டு வந்து மீண்டும் விடுகிறேன் தயவு செய்து இப்போது வண்டியை கொடுக்குமாறு சொன்னேன். இப்படியே இருவரும் பேசிக்கொண்டே போக,பேச்சு லேசாக வாக்குவாதமாகி ஒரு கட்டத்தில் செல்லை சுவிட்ச் ஆப் செய்து விட்டார். வள்ளுவர் சிலை திறப்பை மறந்துவிட்டு சர்வீசுக்கு கொடுத்தது என் தவறு என்று நினைத்துக்கொண்டு, இனியும் காத்திருப்பதில் பயன்னில்லை என்று உணர்ந்து அங்கிருந்து கிளம்பிவிட்டேன். அப்படியே ஒரு பஸ் பிடித்து சில வேலைகளை முடித்துக்கொண்டு மாலை வீடு திரும்பினேன். நேற்று நல்லாத்தான் பேசுனான் இன்னைக்கு சண்டையாகிப் போச்சு என்று நடந்த விபரத்தை சொல்லிவிட்டு டி.விஐ போட்டேன்.

இந்த இரண்டும், இரண்டு சிலை திறப்பு விழாக்களை குறிப்பது அல்ல. இரு மாநில மக்களது இதயங்களை திறந்திருக்கிற சிறப்பு விழாக்கள் -- சிலையை திறந்து வைத்து கலைஞர் மனம் திறந்த பேச்சு

என்று தலைப்புச் செய்தியில் வாசித்தார்கள்.

KEYWORDS: திருவள்ளுவர், சர்வக்ஞர்.

ஒற்றுப்பிழை

2009-06-23T22:00:00.000-07:00

உறையூர் மன்னன் கோப்பெருஞ்சோழனுக்கும் பிசிராந்தையாருக்கும் உண்டான நடப்பை பற்றி படித்திருக்கிறோம். இருவரும் ஒருவரை ஒருவர் பார்க்காமலேயே நண்பர்களாக இருந்தார்களாம், மன்னன் உயிர்விட்ட போது இவரும் உயிர்விட்டாராம். அவர்களுக்கு இடையே உள்ள அலைவரிசையை நினைக்கும்போது சற்றே மெய்சிலிர்க்க வைக்கிறது இல்ல. இப்படிதான் இன்று காலை எனக்கும் மெய்சிலிர்த்தது. கேலண்டர் பார்த்து தேதி கிழிக்கும் பழக்கம் எனக்கு அறவே கிடையாது. சில சமயங்களில் பிரதோஷம் எப்போ வருகிறது என்று பார்ப்பேன். அது கூட எப்போதாவதுதான். இன்று காலை வழக்கம் போல் கேலண்டரை கடந்து செல்லும் போது ஏதோ ஒரு உந்துதல் இன்றைய தேதி சீட்டை பார்க்கவேண்டுமென்று தோன்ற, மேல உள்ள தாள்களை கிழித்து பார்த்தால் எனக்கே ஆச்சர்யம் "கண்ணதாசன் பிறந்தநாள்" என்று போட்டிருந்தது. இது போல் சென்ற ஆண்டும் ஒரு விஷயம் இதே நாளில் நடந்ததால் புல்லரித்துவிட்டது. இந்த நாளில் அவர் சொன்ன குட்டி கதை ஒன்று உங்களுக்காக.

"குருகுல முறைக்கு பழையபடி திரும்பினாலொழிய நாடு உருப்படாது. ஒற்றுப்பிழை, அதற்கு ஒருத்தன் எழுதியிருந்தான், அதற்குப்பிறகுங்குறதுக்கு 'ப்'பண்ணாவ காணோம், அதற்க்குபிறகுன்னு எழுதியிருக்கான். அவனுக்குச்சொன்னேன் என்பதில் 'ச்'அண்ணாவை காணோம், அவனுக்குசொன்னேன்னு எழுதியிருக்கான். இந்த ஒற்றுப்பிழை இருக்குன்னு எல்லாத்தையும் திருதிப்புட்டு வாத்தியார் கீழ குறிப்பு போட்டிருக்கார் "ஒற்று்பிழை அதிகம்", 'ப்'பண்ணாவ காணோம். இந்த வாத்தியார்கிட்டதான் அவன் படிச்சாகணும்."

பின்குறிப்பு: நான் எழுதும் தமிழில் நிறைய ஒற்றுப்பிழை இருப்பதாக நண்பர்கள் சொல்வதுண்டு. திருத்த முயற்சி செய்துகொண்டிருக்கிறேன் :-)

What an Idea!

2009-04-17T00:10:00.003-07:00

வெற்றியின் ரகசியம்

2009-03-21T22:47:00.000-07:00

அறிவாளியாய் இரு, முட்டாளாய் நடி.

கோடம்பாக்கம் ஸ்kool - Old Wine in a New Bottle

2009-02-24T00:23:00.000-08:00

தமிழ் சேனல்களை பொறுத்தவரை புது விதமான நிகழ்ச்சிகளை அறிமுகப்படுத்துவதில் விஜய் டிவி எப்போதுமே நம்பர் ஒன். ஜோடி நம்பர் ஒன், காபி வித் அணு, நீயா நானா, பாடும் ஆபீஸ், கலக்கப் போவது யாரு என்று பல நிகழ்ச்சிகளை இதற்க்கு உதாரணமாக சொல்லலாம். எத்தனையோ புதிய நிகழ்ச்சிகள் வந்திருந்தாலும் பல ஆண்டுகளுக்கு முன்னாள் ஒளிபரப்பான யூகி சேதுவின் நையாண்டி தர்பார் இன்றைக்கும் எனக்கு பிடித்த நிகழ்ச்சிகளில் ஒன்று. இது போன்ற நிகழ்ச்சிகளின் வெற்றியை நமக்கு அடையாளம் காட்டுவதே மற்ற டிவிக்களில் (காப்பியடிக்கப்பட்டு) வரும் இதே போன்ற நிகழ்ச்சிகள்தான். இந்த வரிசையில் இப்போது புதிதாக சேர்ந்திருப்பது கோடம்பாக்கம் ஸ்kool. மேடைகளில் மிம்மிக்கிரி செய்யும் கலைஞர்கள் அதிகம் பயன்படுத்திய கான்செப்ட் தான் கதை. ஒரு காலேஜ்ல ரஜினி, கமல், விஜயகாந்த் எல்லாம் படிக்கிறாங்க என்று பல குரல்களில் பேசிக்காட்டுவார்கள், இங்கு அதையே நாடகமாக ஆக்கியிருக்கிறார்கள். வகுப்பின் ஆசிரியராக சுவாமிநாதனும், மாணவர்களாக ராசுக்குட்டி, சின்ன கவுண்டர், மமீதா, ஆண்ட்ரியா, வீராசாமி, சவுண்டு மணி, பில்லா, Prestige பத்மநாபன் மற்றும் பலர். எல்லோருமே கலக்கலாக இமிடேட் செய்தாலும் ஹய்-லைட் பில்லாவாக நடித்திருக்கும் சிவகார்த்திகேயன் தான். அஜித் ஸ்டைலில் அவர் பேசுவதும் பின்னணி இசையில் பில்லா தீம் மியூசிக் வருவதும் பெர்பெக்ட் காமெடி. இந்த நிகழ்ச்சியின் வெற்றியே மொக்கை வசனங்கள்தான். சும்மா சொல்லக்கூடாது அந்தக்கால "Prestige"பத்மநாபனில் இருந்து இந்தகால மமிதா வரை அனைவரும் ஒரேமாதிரி மொக்கை போடுகிறார்கள். கூடிய சீக்கிரம் கோலிவூட் காலேஜ், ஜாலி கிளாஸ் என்ற பெயரில் மற்ற சேனல்களில் இது போன்ற நிகழ்ச்சிகள் வரும் என்று எதிர்பார்க்கிறேன்.

விபூதி

2009-02-23T02:35:00.000-08:00

படத்துல இருக்குறது என்னன்னு தெரியுதா? விபூதி (திருநீறு) தான் அது. சுமார் 40 வருசத்துக்கு முன்னால, எங்க ஐயா (அம்மாவோட அப்பா) எங்க மாமாவுக்கு கொஞ்சம் விப்பூதி கொடுத்தாராம். அதை அவர் பத்திரமா வச்சிருந்து 6 வருஷம் முன்னால எங்க அண்ணன் கப்பல் வேலைக்குப் போகும்போது, மடலில் இருந்து கொஞ்சம் விபூதி எடுத்து அதோடு இந்த விப்பூதி கொஞ்சம் கலந்து "தைரியமா போயிட்டு வாங்க, எப்பவாவது பயமா இருந்தா இந்த விபூதிய எடுத்து பூசிக்குங்க, அய்யா கொடுத்தது" என்று சொல்லி கொடுத்தாராம். ஒரு இரண்டு வருஷம் முன்னாடி நான் வேலைக்காக முதன் முதலாக மும்பை போனபோது எங்க அண்ணன் இந்த விபூதியில் இருந்து கொஞ்சம் எடுத்து அதோடு வீட்டில் சாமி முன்பு இருந்த விபூதி கொஞ்சம் கலந்து ஒரு பேப்பரில் மடித்து "அய்யா கொடுத்த விபூதியாம் இது, நான் வேலைக்கு போறப்ப மாமா கொடுத்தாங்க, அதுல கொஞ்சத்த இதுல வச்சுருக்கேன், வேனுங்குறப்ப எடுத்து பூசிக்க" என்று சொல்லி என்னிடம் கொடுத்தார். எங்க அய்யாவையே இதுவரை பார்த்திராத எனக்கு, கையில் உள்ள திருநீறில் ஒரு சில துகள்கள் அவர் கைபட்டது என்று நினைக்கும் போதும், பூசிக்கொள்ளும் போதும் ஏதோ அவரிடம் ஆசிர்வாதம் வாங்கிய உணர்வு வரும்.
சில நேரங்களில் சமய அடையாளங்கள் என்பதையும் மீறி ஆத்மதிருப்திக்கு இதுபோன்ற விஷயங்கள் ரொம்பவும் தேவைப்படுகிறது.

எதிர் நீச்சல்

2009-02-23T00:01:00.000-08:00

உன்னைக் கேட்டு என்னைக் கேட்டு எதுவும் நடக்குமா? - அந்த
ஒருவன் நடத்தும் நாடகத்தை நிறுத்த முடியுமா?

Oscar goes to......

2009-02-22T13:09:00.000-08:00

02/22/09, 1.20PM:

Picture Courtesy: Cartoonist Mike Mikula

உலகமே எதிர்பார்க்கும் ஆஸ்கார் விருதுகள் இன்று மாலை அறிவிக்கப்படவுள்ளன. முன்பு எப்பொழுதையும் விட இந்த முறை இந்தியர்களுக்கு கிடைப்பதற்கான வாய்ப்பு அதிகமாக இருக்கிறது. நாம் அதிகம் எதிர்பார்க்கும் Slumdog Millionaire பட குழுவினருக்கும் குறிப்பாக A.R.Rahmanக்கு விருது பெற வாழ்த்துக்கள்.

Update: 02/22/09, 9.00PM:

Picture Courtesy: NDTV

8 விருதுகளை தட்டிச்சென்ற Slumdog Millionaire பட குழுவினர்க்கும், உலகஅரங்கில் இந்தியாவிற்கு பெருமை தேடிதந்த 'Madras Mozart' A.R.Rahmanக்கும், 'Sound Wizard' Resul Pookuttyக்கும் வாழ்த்துக்கள்.

மடகாஸ்கர் | சுல்தான் தி வாரியர்

2009-02-15T21:23:00.000-08:00

இது ஒரு அனிமேட்டட் மூவி, மருந்துக்கு கூட மனிதர்களின் வாசம் படத்தில் கிடையாது. நியூயார்கில் உள்ள சென்ட்ரல் பார்க் ஜூவில் படம் ஆரம்பிக்கும் முதல் காட்சியிலேயே எவ்வளவு நுணுக்கமாக அனிமேஷன் செய்திருக்கிறார்கள் என்பது புரிந்துவிடுகிறது. ஒரு ஐம்பத்து பேரை ஒரு காட்சியில் காண்பிக்கிறார்கள் என்றால், அனைவருடைய உடல் அசைவுகள், காற்றில் அசையும் அவர்களுடைய ஆடை வரை அனைத்தையும் துல்லியமாக அனிமேஷன் மூலம் சாத்தியப்படுதியிருக்கிறார்கள். படத்தில் Marty என்கி்ற வரிகுதிரையும் Alex என்கி்ற சிங்கமும் உங்கள் மனதை கொள்ளை கொள்வது உறுதி. Marty காட்டு வாழ்க்கை விரும்பி ஜூவில் இருந்து தப்பித்து செல்ல, அதனுடைய உற்ற நண்பனான Alex, Melman (ஓட்டகசிவுங்கி), மற்றும் Gloria (காண்டாமிருகம்) அதனை தேடி ஜூவில் இருந்து தப்பிக்கும். இந்த மூன்று மிருகமும் ரயில்வே ஸ்டேஷனில் Martyஐ சந்திக்க, அங்கிருக்கும் மக்கள் எல்லாம் அலறியடித்துக்கொண்டு ஓடுவதும், இந்த மிருகங்களை போலீஸ் துப்பாக்கி முனையில் சுற்றி வளைப்பதும், பின்னனி இசையும் சேர்ந்து அணிமேட்டது படம் பார்க்கிறோம் என்கின்ற உணர்வையே மறக்கடிக்கிறது.

கேமராவில் காட்டை படம்பிடிப்பது எவ்வளவு சிரமமோ அதைவிட சிரமம் அனிமேஷனில் படம்பிடிப்பது. இந்த படத்தில் அனிமேஷன் மூலம் ஒரு அடர்ந்த காட்டையே உருவாக்கியிருக்கிறார்கள். செடி, கொடி, மரம், புல், பூச்சி என்று எதையும் விட்டுவைக்கவில்லை. சாப்பிட அசைவம் கிடைக்காமல் ரொம்ப கஷ்டப்படும் சிங்கம் ஒரு கட்டத்தில் உணர்வை அடக்கமுடியாமல் தன் நண்பனான வரிகுதிரையிம் மீதே பாய்வதும் பின்னர் வருந்தி தன்னைத்தானே சிறைவைத்துகொள்வதும் அருமையான செண்டிமெண்ட். கிளைமாக்ஸ் இல் படையெடுத்து வரும் நரிகளிடம் இருந்து தன் நண்பர்களை காப்பாற்ற சிங்கம் சண்டைபோடுவது காமெடி கலந்த action காட்சி.

குழந்தைகளுக்காக எடுக்கக்கூடிய இது போன்ற படங்கள் நம்மை போன்ற பெரியவர்களுக்கும் பிடித்திருப்பது இயக்குனருடைய திறமையாக இருந்தாலும், self evaluate செய்து பார்த்தல் மிகப்பெரிய மரங்களுக்கு கீழே முளைத்திருக்கும் மெல்லிய சின்ன சின்ன காளான்களை போல் நமக்குள் இன்னும் அந்த பிள்ளை மனசு துளிர்விட்டபடி இருப்பது புரியும்.

சுல்தான் தி வாரியர் - கிட்டதட்ட இரண்டு ஆண்டுகளாக தயாரிப்பில் உள்ள படம், பல கோடிகள் முதலிடு, ஒரு அனிமேட்டட் படத்திற்கு இவ்வளவு செலவு செய்கிறார்களே படம் ஓடுமா என்று அவ்வப்போது தோன்றும். Madagascar பார்த்தபின்பு, சற்றே அனலிஸ் செய்து படத்தை எடுத்து, நல்ல முறையில் மார்க்கெட்டிங் (குசேலன் போல் இல்லாமல்) செய்தால் நிச்சயம் வெற்றி பெரும் என்று தோன்றுகிறது. அனிமேட்டட் படம் என்பதால், இரண்டரை மணி நேரம், 5 பாடல், 4 சண்டை காட்சி போன்ற சராசரி ரஜினி பட பார்முலா இதற்கு பொருந்தாது. சற்றே அதிலிருந்து வெளியில் வந்து 1.45 மணி நேர படமாக, விறுவிறுப்பு குறையாமல் நிறைய presence of mindஉடன் கூடிய காமெடி கலந்து எடுத்தால் செஞ்சுரி அடிப்படுது உறுதி. மேலும் தமிழ் சினிமாவிற்கு ஒரு புது ரூட்ஐ காட்டிய பெருமையையும் தட்டிசெல்லலாம். நிறைய அனிமேஷன் படமும் வருவதற்கு வாய்ப்பு ஏற்ப்படும். ரஜினி என்ற பெயர் இருந்தால் போதும் படம் ஓடிவிடும் என்ற நினைப்புடன் படம் எடுதுக்கொண்டிருந்தால், தயாரிப்பாளர் அடிக்கடி குசேலனை நினைத்துக் கொள்வது நலம்.

பொய்கால் குதிரை

2009-02-14T02:46:00.001-08:00

லாஜிக் இல்லா மேஜிக் என்ற வார்த்தை எதற்கு பொருந்துகிறதோ இல்லையோ இந்த படத்திற்கு கரெக்ட்டா பொருந்தும். எந்த லாஜிக்கும் இல்லாமல் சிரிப்பு ஒன்றையே மையமாக வைத்து படத்தை எடுத்திருக்கிறார்கள். மெய்மறந்து ஒரு இரண்டரை மணி நேரம் நாம் சிரிப்பதுவே இயக்குனர் சிகரம் + கிரேசி கூட்டணியின் வெற்றி. கிரேசி மோகன் எழுதிய A Marriage Made In Saloon நாடகத்தை அப்படியே படமாக எடுத்திருக்கிறார் கே.பி. திரைக்குமுன்னே கவிஞர் வாலியையும், கதாநாயகனாக ராமகிருஷ்ணாவையும், நகைச்சுவை நடிகராக சார்லியையும் இப்படத்தின் மூலமாக திரையுலகிற்கு அறிமுகமாகியிருக்கிறார்கள்.

படத்தின் ஜீவநாடியே 'பந்தய' சம்பந்தமாக வரும் வாலிதான். எதற்கெடுத்தாலும் பந்தயம் கட்டி சும்மா பூந்து விளையாடுகிறார். பந்தயம் என்றால் சாதரணமான பந்தயம் அல்ல, ஆந்திராவில் என்.டி.ஆர் ஜெயிப்பாரா தோப்பாரா? அந்த பொண்ணு வடநாடா தென்னாடா போன்ற ரசிக்கும்படியான பந்தயங்கள். அதிலும் அந்தகால சினிமா,அரசியல் தெரிந்தவர்கள் சற்று அதிகமாகவே பந்தயத்தையும் வசனத்தையும் ரசிக்கலாம். அந்த அளவுக்கு நிகழ்காலத்தோடு ஒட்டிப்போகும் வசனங்கள். ஒரு கட்டத்தில் எதிர்பாராத விதமாக கதாநாயகனே இவரை பந்தயத்திற்கு இழுக்க சும்மா சூடு பிடிக்கிறது படம். பந்தயத்தில் ஜெயிப்பதற்காக இவர்களுக்குள் நடக்கும் ஆடு புலி ஆட்டம்தான் கதையே.

வசனம் கிரேசி மோகன், தன்னுடைய இயல்பான நகைச்சுவையை இழக்காமல் அதேசமயம் கே.பி விரும்பும் எதார்த்தத்துடன் எழுதியிருக்கிறார். உதாரணத்திற்கு ஒன்று, ஹீரோ தன் அப்பாவிடம் நீங்கள் ஊருக்கு போயிட்டு திரும்பிவரதுகுள்ள ஒரு பெண்ணை காதலித்து காட்டுகிறேன் என்று சொல்லுவர், அதற்க்கு அவுங்க அப்பா "பரிட்சையிலதான் கஜினி ஸ்டைல்ல படைஎடுக்குற, அட்லீஸ்ட் காதல்லயாவது ரஜினி ஸ்டைல்ல சுருசுருப்பா இரு" என்பார். அதேபோல் கல்லூரியில் காதல் என்பதை ஒரு பாடமாக வைத்ததற்கு மாணவன் எதிர்ப்பு தெரிவிக்க, சக மாணவன் ஒருவன் எழுந்து "கமலஹாசன் கல்வி மந்திரியா வந்து சிலபஸ்ச எல்லாம் மாத்தினப்போ என்ன தூங்கிக்கிட்டு இருந்தியா" என்பர். இந்த இரண்டு வசனத்தையும் அடுத்து அடுத்து கேட்கும்போது ரஜினி, கமல் என்ற இரண்டு மிகப்பெரிய நடிகர்கள் தங்களை எப்படி ஆரம்ப காலத்தில் நிலைநிருதிகொன்டார்கள் என்பது புரிகிறது. ரஜினி ஸ்டைல், கமல் ரொமான்ஸ்.

நாயகியாக 'வத்தலகுண்டு' விஜி. நான் ஒரு ஊனமுற்றவரைதான் திருமணம் செய்துகொள்வேன் என்று மேடையில் சபதம் எடுத்துக்கொள்ளும் போதும் சரி, கிளைமாக்ஸ்ல், கொள்கையை தூக்கி குப்பையில போடுங்க என்று சொல்லும்போதும் சரி க்யூட்.....க்யூட்....க்யூட். கிளைமாக்ஸ்ல் விஜி, வாலியை பார்த்து, இவருக்கு பந்தயம் வைக்கிறத தவற வேற என்ன தெரியும் என்று கேட்க "பந்தயம் வச்சா என்னம்மா தப்பு, ராமாயணத்துல இல்லையா, வில்ல உடைக்கிறவுங்களுக்குதான் என் பொண்ணு ஜானாகிய கொடுப்பேன்னு ஜனகர் பெட்டு வைக்கலையா, சம்பந்தம் வச்சா பெட்டு, ஜனகர் வச்சா சுயம்வரமா?" என்று எதிர்வாதம் செய்யும் இடம் யதார்த்தத்தை மீறி ரசிக்கவைக்கும் இடம். நாயகன் ராமகிருஷ்ணா நல்ல எதார்த்தமான நடிப்பு ப்ளஸ் புதுமுகத்திற்கு உண்டான லேசான வெட்கம இரண்டும் கலந்து அருமையாக கேரக்டரோடு பொருந்திப் போகிறார் அல்லது பொருத்தி இருக்கிறார் கே.பி. முடி திருத்தும் இடத்தில் வாலி, ராமகிருஷ்ணா, ரவீந்தர், கமல் ஆகிய நான்கு பேருக்கு இடையில் காதல் பற்றி நடக்கும் விவாதம் எத்தனை முறை ஒன்ஸ் மோர் கேட்டாலும் தகும். ஸ்டாக்(Stock) கேரக்டர்கள் அமைப்பதில் தான் நம்பர் ஒன் என்பதை அப்போதே நிருபித்து இருக்கிறார் கே.பி. மூன்று முடிச்சு படத்தில் மனச்சாட்சி, பொய் படத்தில் விதி போல் இதில் புகைப்படமாய் இருக்கும் கமல். கமலுக்கும் முடி திருத்துபவரான ரவீந்தருக்கும் இடையில் ஒரு கற்பனை உலகத்தை படைத்தது இருவரும் பேசிக்கொளும் படி அமைத்திருப்பது இன்றும் புதுமையே.

ஒரு தலைமுறையின் புத்திசாலித்தனம் அடுத்த தலைமுறையினருக்கு காமன்சென்ஸ் என்று சொல்லுவார்கள். பல தலைமுறைகள் தாண்டி இப்போதும் கூட இந்த கதையும் திரைக்கதையும் பார்த்தல் புத்திசாலிதனமாகவே தெரிகிறது.

கொஞ்சம் ஓவரா இல்ல...

2009-02-12T20:24:00.001-08:00

விண்ணுலகை கலக்கப்போகும் அஜித் மகள்,
2011ல் ஆட்சியை பிடிக்கும் இளையதளபதி விஜய்.

Picture Courtesy: Received via mail

ஆன்-லைன் மூவி தியேட்டர்

2009-02-10T00:49:00.001-08:00

ஆரம்பத்தில் தியேட்டரில் படம் பார்த்தோம், பின்னர் DVDயில் படம் பார்த்தோம், பிறகு ஆன் லைனில் புக் செய்துவிட்டு e-ticketஐ கொண்டுபோய் படம் பார்த்தோம், இப்போது டெக்னாலஜியின் அடுத்த கட்டம் Virtual Theater, அதாவது ஆன்-லைன் மூவி தியேட்டர். ஆன் லைனில் புக் செய்துவிட்டு ஆன் லைனிலேயே படம் பார்க்கலாம். முதன் முறையாக Onlycinema.com அறிமுகப்படுத்தியிருக்கிறது. மதியம் 12 மணியிலிருந்து இரவு 11 மணிவரை ஒரு மணிநேர இடைவெளியில் ஒரு நாளைக்கு மொத்தம் 12 காட்சிகள். நம்ம வசதிக்கேற்ப ஷோ டயமிங்ஐ தேர்ந்தெடுத்துக்கொள்ளலாம். ஷோ டயமிங்ஐ லோக்கல் டைம்க்கு மாற்றவேண்டிய அவசியமில்லை, நீங்கள் login செய்வதை வைத்து அதுவே உங்கள் லோக்கல் டைம்முக்கு மாற்றி காட்டும். டிக்கெட் புக் செய்தவுடன் உங்கள் ஈமெயில் முகவரிக்கு ஒரு கண்பர்மேஷுன் மெயில் வரும் அதில் உங்கள் ஷோவுக்கான பாஸ்வோர்ட் இருக்கும். அமெரிக்காவில் உள்ளவர்களுக்கு இரவு 10 மணி ஷோவும், இந்தியாவில் உள்ளவர்களுக்கு காலை 11.30 ஷோவும், லண்டனில் இருப்பவர்களுக்கு காலை 2 மணி ஷோவும் ஒன்றே. இந்த ஷோவுக்கு இந்தியாவில் உள்ள நீங்களும் அமெரிக்காவில் உள்ள உங்கள் பிள்ளைகளும் லண்டனில் இருக்கும் பேரக்குழந்தைகளும் டிக்கெட் புக் செய்துவிட்டால், நீங்கள் எல்லோரும் ஒரே தியேட்டரில் படம் பார்க்கலாம். வெவ்வேறு இடத்திலிருந்து :)

டிக்கெட் வாங்குவதற்கு முன்பே படத்தின் சில காட்சிகள் டிரைலர் போல் ஓடுகிறது, அதை பார்த்துவிட்டு புக் செய்யலாம். டிரைலர் பார்த்தேன், எக்சலெண்ட் விஷுவல் DivX குவாலிட்டி. படத்தை டவுன்லோட் செய்ய முடியாது என்று போட்டிருக்கிறார்கள், ஆனால் மென்பொருள் உதவியுடன் டிரைலர்ஐ டவுன்லோட் செய்ய முயற்சித்துப் பார்த்தேன், அப்பழுக்கில்லாமல் நன்றாகவே டவுன்லோட் ஆகிறது. படத்தையும் டவுன்லோட் செய்ய முடியும் என்றே நம்புகிறேன்.

சில குறிப்புகள்:
நீங்கள் படம் பார்ப்பதற்கு கீழ்க்கண்ட மென்பொருள்களை உங்கள் கம்ப்யூட்டரில் நிறுவவேண்டும்.

1. Internet Explorer 6.0 or above, Firefox 1.5 or above, or Safari 2.0 or above
2. JavaScript and Cookies must also be enabled
3. Adobe Flash Player 9.0 or above
4. Microsoft Windows XP SP2, Microsoft Windows Vista, Macintosh OS X or Linux

சில முக்கிய குறிப்புகள்:
1. நம்ம ஊர் தியேட்டர்க்குள் தண்ணி அடிக்க அனுமதிக்கமாட்டார்கள், ஆனால் virtual theaterல் நண்பர்களுடன் தண்ணி அடித்துக்கொண்டே படம் பார்க்கலாம்.
2. அபிமான நடிகனை திட்டும் வில்லன் மீது கோபப்பட்டு ஸ்க்ரீன்ஐ கிழிக்க வேண்டாம், மீறி கிழித்தால் பின்னர் புது மானிட்டர் வாங்கவேண்டிவரும் என்பதை நினைவில் கொள்க.
3. பாஸ்வோர்டை நண்பர்களுடன் பகிர்ந்துகொள்ள வேண்டாம், மீறி பகிர்ந்துகொண்டால், உங்கள் காசில் நண்பர் குடும்பம் படம் பார்க்கும், நீங்கள் வெளியில் இருந்து யூ-டியுபில் மீண்டும் டிரைலர் பார்க்கவேண்டியதுதான்.
4. ஷோ ஆரம்பம் ஆகும் நேரம் எந்த முக்கிய VIPயின் வருகைக்காகவும் மாற்றப்படமாட்டது. சரியாக டைம்முக்கு ஷோஆரம்பித்துவிடும். ஆகவே 10 நிமிடம் முன்பாகவே login செய்து காத்திருக்கவும்.
5. படம் பார்க்கும்போது படத்தை pause செய்ய இயலாது. Online streaming ,அப்படியே பார்க்கவேண்டியதுதான். வீட்டில் ப்ரொஜெக்டர் இருப்பின், கம்ப்யூட்டரில் இருந்து outputஐ ப்ரொஜெக்டருக்கு கொடுத்து ஸ்க்ரீனிலே படம் பார்க்கலாம்.

தற்போது வெண்ணிலா கபடி குழு ஓடிக்கொண்டிருக்கிறது. 10 டாலர் கொடுத்து ஒரு டிக்கெட் வாங்கிவிட்டால் வீட்டில் உள்ள அனைவரும் படம் பார்க்கலாம். இந்தவார வீக்கெண்டில், நீங்கள் எந்த ஷோவுக்கு புக் செய்யப்போகிறீர்கள் என்பதை முன்கூட்டியே தெரிவித்தால் நானும் அதே ஷோவுக்கு புக் செய்கிறேன், இருவரும் ஒரே தியேட்டரில் படம் பார்த்துவிட்டு மெசெஞ்சரில் சிலாகித்துகொள்வோம் :-)

தமிழீழம்

2009-02-08T15:07:00.000-08:00

தினசரி நாளிதழ், பத்திரிக்கை, இணையதளம் முதல் துண்டறிக்கை வரை பிரதான பிரச்சனையாக அலசப்படுவது ஈழம். ஈழம் அல்லது ஈழம் சார்ந்த விசயமே எங்கும் எதிலும். கட்சி தலைவர்கள் விடும் அறிக்கைகள் எல்லாம் தங்கள் நிகழ்கால பதவியையும் எதிர்கால அரசியலையும் குறிவைத்தே இருக்கிறது. சாமானியன் கூட சற்றே உணர்ச்சிவசப்பட்ட நிலையில் ஏதோ ஒரு சாராருக்கு சாதகமாகவே கருத்தை வெளியிடுகிறான். யோசித்துபார்த்து முடிவெடுக்கும் திறனையே தமிழன் இழந்து ஊடகங்கள் திணிக்கும் செய்தியின் பிரதிபலிப்பாகவே மாறிவிட்டான். சீமானின் பேச்சை ஐந்து நிமிடம் கேட்டால் ஈழத்துக்கு ஆதரவாகவும், 'துக்ளக்' சோ பேச்சை பத்து நிமிடம் கேட்டால் ஈழத்திற்கு எதிராகவும் பேசுகிறான். இதற்க்கு இடையே கலைஞருடைய அறிக்கையை வேறு கேட்டு குழம்பிப்போகிறான். இத்தனையும் சராசரி தமிழனுள் சரமாரியாக திணித்து கண்ணிருந்தும் கண்ணாடி தேடும் மடையர்களாக மாற்றியிருக்கிறது இந்த ஊடகம். இந்த நிலையில் நடுநிலையாக இரு பக்கத்தையும் சீர்துக்கிப் பார்த்து எழுதிய கட்டுரை ஒன்று படித்தேன், உக்கிரம் அடைந்துள்ள இன்றைய ஈழப் பிரச்சனையில் தவறு எங்கே இருக்கிறது என்பது இந்த கட்டுரையை படித்தால் புரியும். நிச்சயம் ராஜபக்சேவிடம் இல்லை.

எனக்கு பிடித்த ஓடாத படங்கள்

2009-02-06T23:06:00.000-08:00

ஹவுஸ்புல்
இருவர்
ஏர்போர்ட்
எவனோ ஒருவன்
முகவரி
மாயாவி
நாயகன்
ஒரு ஊருல ஒரு ராஜகுமாரி
ஃ (அக்கு)
கனா கண்டேன்
ஜுலி கணபதி

கலைஞரை அழைத்த பில் கேட்ஸ்

2009-02-03T00:01:00.000-08:00

திருப்பதியில் சாமி தரிசனம் செய்வதற்காக e-ticket புக் பண்ண சென்னை தி.நகரில் உள்ள வெங்கடேஸ்வரா கோவிலுக்கு ஒரு முறை சென்றிருந்தேன். சாமி கும்பிட்டு, டிக்கெட்டும் புக் செய்துவிட்டு வெளியே வரும்போது, கோவிலுக்கு எதிரே இருந்த ஸ்கூலில் ஏதோ கண்காட்சி என்று போர்டு வைத்திருந்தார்கள். நமக்குத்தான் இந்த மாதிரி எக்ஸ்ஷிபிஷுன் எல்லாம் ரொம்ப பிடிக்குமே, நேரே அதை நோக்கி நடந்தேன், கோக்ககோலாவுக்கு எதிராக ஏதோ ஒரு அமைப்பு நடத்திக்கொண்டிருக்கும் Anti-cola campaign அது. சுதேசி தயாரிப்புக்களை ஆதரித்தும், பன்னாட்டு கம்பெனிகளின் தயாரிப்புக்களுக்கு எதிராகவும் விழிப்புணர்வை ஏற்ப்படுத்தும்படி பல விளம்பரங்கள் வைத்திருந்தனர்கள். அதில் கலைஞரை நையாண்டி செய்து வரையப்பட்டிருந்த ஒரு கார்ட்டூனும் கவிதையும் ரொம்பவே கவர்ந்தது. அதிகம் ரசித்த காரணத்தால் அப்படியே உலாபேசியில் படம் பிடித்தேன். அந்த போஸ்டரும் கவிதையும் கீழே .

அன்பு உடன்பிறப்பே,
தம்பி பில்கேட்ஸ் என் இல்லம் தேடி வந்து
அமெரிக்காவுக்கு வந்தே ஆகாவேண்டும் என்று எனக்கு
அன்புக்கட்டளையிட்டத்தை நீ அறிவாய். இந்த நாடே அறியும்.
அந்த அன்புத்தம்பி நேற்று என் கனவிலே வந்தான்
“கோலாவுக்கு உங்கள் நாட்டில் தடையாமே அண்ணா
இது என்ன கொடுமை!” என்று குமுறினான்.

“கலங்காதே தம்பி,
நாடி வந்த நட்புக்காக ஓடிவந்து
நஞ்சும் குடிப்பான் தமிழன்” என்றேன்

தம்பி கோலா என்பது இரண்டெழுத்து
அதை காக்கும் நம் கொள்கை என்பது மூன்றெழுத்து.

வரைந்தது யார், கலைஞர் நடையில் இதை எழுதியது யார், என்று தெரிந்துகொள்ள ஆர்வம் இருந்தாலும் குறிப்பு எதுவும் அருகில் வைக்கவில்லை. இதை எழுதிய எழுத்தாளருக்கும் வரைந்த ஓவியருக்கும் வாழ்த்துக்கள். எக்சலன்ட் கிரியேட்டிவிட்டி.

குட்டி விமர்சனம்

2009-02-02T01:47:00.000-08:00

மகேஷ் சரண்யா மற்றும் பலர்: கிளைமாக்ஸ்ஐ மட்டுமே நம்பி படம் எடுத்திருக்கிறார் இயக்குனர். கிளைமாக்ஸ் அவ்வளவு சுவாரஸ்யமில்லாமல் போனாலும் மட்டமாக இல்லை. படத்தில் சந்தியாவினுடைய முடிவு யாரும் எதிர்பார்க்காத ஒரு திருப்பம். தன் வீட்டில் உள்ள ஒவ்வொருவரிடமும் தன் காதலை பற்றி சக்தி சொல்வது ரொம்ப அழகு. ரொம்ப போர் அடிக்கும் போது இந்த படத்தை பார்க்கலாம்.

வில்லு: Bond பட ஸ்டைலில் எடுத்திருப்பதாக பிரபுதேவா ஒரு பேட்டியில் சொல்லியிருந்த்தார். James Bondஐ யாரும் இந்த அளவுக்கு கேவலப்படுத்த முடியாது என்பது படத்தை பார்த்த பிறகுதான் தெரிந்தது. ஏகப்பட்ட காட்சிகள் சற்று புதுமையாக தெரிந்தாலும், அவை அனைத்தும் தெலுங்கு படங்களில் இருந்து காப்பியடித்தது என குல்டி நண்பர்கள் சொன்னார்கள். படம் பார்த்துவிட்டு வெளியே வரும்போது, நயன்தாரா நடித்திருந்தால் குருவி கூட ஓடியிருக்குமோ என்று தோன்றியது.

படிக்காதவன்: டப்பா பிலிம். படம் ஆரம்பித்தவுடனே கொட்டாவி வருகிறது. கிச்சு கிச்சு மூட்டினால்தான் நகைச்சுவை காட்சிகளில் சிரிப்பு வருகிறது. படம் முடிந்தவுடன் பெரு மூச்சு வருகிறது. அடிக்கடி தமனா வருவதால் சற்றே ஆறுதல் வருகிறது.

பூ: அத்திப்பூ, குறிஞ்சிப்பூ வரிசையில் சசியின் பூ (நூறாண்டுக்கு ஒரு முறை பூக்கின்ற பூவல்லவா... )

மென்சோகம்

2009-02-01T23:56:00.000-08:00

பெண்கள் எப்போதுமே அழகானவர்கள், ஆண்களிடம் இல்லாத ஒரு மென்மை, நளினம் அவர்களிடம் உண்டு. ரயில்வே ஸ்டேஷனிலும், பஸ்
ஸ்டாண்டிலும் கொளுத்தும் வெயிலில் அரக்க பறக்க ஓடிக்கொண்டிருக்கும் போது, முன் பின் அறிமுகமில்லாத ஒரு அழகிய பெண் நம்மை கடந்து சென்றால் நம்மையும் அறியாமல் கண்கள் அவள் பக்கம் திரும்புவதும், பேருந்தில் ஜன்னலோர சீட் பிடித்து உட்கார்ந்த பிறகும் நம் நினைவை விட்டு விலகாமல் சற்று நேரம் இங்கேயும் அங்கேயுமாக ஓடியாடுவார்கள். குறிப்பாக பதின்ம வயதுடைய பசங்களுக்கு தினசரி வாழ்க்கையில் இது ஒரு அங்கமாகவே இருந்திருக்கும். அழகு, கவர்ச்சி, ஆபாசம், இந்த மூன்றுக்கும் என்னைக்கும் தண்ணிருக்குமானளவு வித்தியாசமிருந்தும் நடிகைகளுக்கு மட்டும் இது பாலில் கலந்த தண்ணிராக எப்போதும் பிரிக்கவே தெரியாது. கவர்ச்சியாக நடிப்பதில் தவறில்லை ஆனால், ஆபாசமாக நடிக்கமாட்டேன் என்று காலம் காலமாக சொல்லி வருகிறார்கள். கவர்ச்சியை மட்டுமே இளைஞர்கள் விரும்புகிறார்கள் என்றொரு மாயை இவர்களிடம் உள்ளது. உன்மையில் அரைகுறை ஆடை, கவர்ச்சி இரண்டையும் விட பல பெண்கள் மென்சோகத்தில் ரொம்பவே அழகாக இருப்பார்கள். அதிலும் இது போன்ற தருணத்தில் அவர்களிடம் குடிகொள்ளும் அமைதி, முகத்திற்கு மேலும் சற்று வசிகரத்தை அதிகப்படுத்தும். எவ்வளவோ அழகானவர்களிடம் இல்லாத ஒரு வசீகரம் இந்த மென்சோகம் கொண்டவர்களிடம் நான் உணர்திருக்கிறேன். குறிப்பாக ஜானி படத்தில் ஸ்ரீதேவியும், பார்த்திபன் கனவு படத்தில் ஸ்ரீகாந்தின் மனைவியாக வரும் சினேகாவும், குஷி, மொழி போன்ற பல படங்களில் ஜோதிகாவும் இந்த மென்சோகத்தை ரொம்பவே அருமையாக வெளிப்படுத்தியிருப்பார்கள். ஆண்கள் கூட மென்சோகத்தில் ரொம்பவே நிதானமாக ஆண்மையுடன் தேஜஸ் ஆகா காணப்படுவதுண்டு. பச்சைக்கிளி முத்துச்சரம் படத்தில் சரத்குமாரும், இதயம் படத்தில் முரளியும் இதற்கோர் உதாரணம். பதிவர்களில் காயத்திரியின் எழுத்துக்களில் இதை உணரலாம். இவர் பதிவுகளில் ஒவ்வொரு வரியிலும் இந்த தாக்கத்தை அழகாய் வெளிப்படுத்தியிருப்பார். சற்றே தள்ளி நின்று யோசித்துப் பார்த்தால், இறுதியில் ஒரு கேள்விதான் எழுகிறது. சோகத்தை அழகாக பார்ப்பது என்னுடைய தவறா அல்லது மற்றவர்கள் அதை பர்ர்க்க தவறுகிறார்களா என்பது தான் அது.

டீ கடை பெஞ்சு சுவர்

2009-02-01T00:28:00.000-08:00

அலுவலகத்துக்குள் டீ காப்பி இருந்தாலும் சற்றே வெளியே வந்து அருகில் உள்ள டீ கடையில் டீ குடிப்பது வழக்கம். ஒரு நெடுஞ்சாலையில் உள்ள பெரிய மரத்துக்கு கீழே அந்த டீ கடை இருக்கும், கடையை சுற்றி எப்போதும் புதுப் போஸ்டர்கள் ஒட்டப்பட்டிருக்கும். புதுப் போஸ்டர்கள் என்றால் ஏதோ தினம் ஒன்று என நினைத்துவிட வேண்டாம். காலையில் இருக்கும் போஸ்டர் மதியம் இருக்காது, மதியம் இருக்கும் போஸ்டர் இரவு இருக்காது, அவ்வளவு வேகமாக ஒன்றின் மேல் ஒன்றாக மாறி மாறி ஒட்டிக்கொண்டிருப்பார்கள். அதிக மக்கள் பார்க்கும் இடம் என்பதாலேயே இந்த சிறப்பு, எவ்வளவு திருஷ்டிசுத்தி போட்டாலும் குறையாத கண்பார்வை கொண்ட இடம். அரசியல் கூட்டம், சினிமா தொடக்க விழா, போராட்டம், கண்டனம், காதுகுத்து என பல தரப்பட்ட போஸ்டர்கள் ஒட்டப்பட்டிருக்கும். கொளுத்தும் வெயிலுக்கு இடையில் அந்த மரத்தின் நிழலில் இந்த போஸ்டர்களை படித்துக் கொண்டே டீ குடிப்பது எனக்கு ரொம்ப பிடிக்கும். அப்படி ஒரு நாள் பார்த்ததுதான் இந்த போஸ்டர். உள்ளாட்சி தேர்தலை புறக்கணிக்க சொல்லி ஒட்டப்பட்டிருந்தது. ஓட்டு போடுவது என்பது ஒரு குடிமகனுடைய முக்கிய கடமை அதை புறக்கணிப்பதென்பது மாபெரும் தவறு என்ற கருத்துடையவன் நான். இருந்தாலும் டீ குடித்துக்கொண்டே வாசிக்க ஆரம்பித்தேன். போஸ்டர்ரில் இருந்த மைய கருத்தோடு உடன்பாடில்லாவிட்டாலும் அந்த உக்கிரமான வார்த்தைகளுக்காக உலாபேசியில்* அதை படம் பிடித்தேன். அந்த வரிகள் கீழே.

உள்ளாட்சி தேர்தலின் நோக்கம்
அதிகாரத்தை பரவலாக்குவதல்ல,
ஊழலை பரவலாக்குவதே!
தேர்ந்தெடுக்கவும் திருப்பி அழைக்கவும்
உரிமைகொண்ட சட்டம் இயற்றவும்
நடைமுறைபடுத்தவும் அதிகாரம்கொண்ட
மக்கள் சர்வாதிகார மன்றங்களை
நிறுவ போராடுவோம்.

கக்கூசுக்கு கட்டண கழிப்பிடம்
குப்பை வார பிரெஞ்சு கம்பெனி
ஆரம்ப சுகாதாரத்துக்கு அமெரிக்க மிஷனரி
பாலம் போட மலேசிய கம்பெனி
ம…..புடுங்கவா மாநகராட்சி.
பொறுக்கிதின்ன போட்டி போடும்
மாநகராட்சி தேர்தலை புறக்கணிப்போம்.

விதை,உரம்,பூச்சிகொல்லிமருந்து வாங்க,
உணவு,தானியம்,காய்கறிகள்,
விலை நிர்ணயம் செய்வது
டாடா, அம்பானி, பன்னாட்டு கம்பெனி.
நெசவு,தீப்பெட்டி,கைவினை தொழிலின்
கழுதை நெறிப்பதும் பன்னாட்டு கம்பெனி.
உள்ளூர் பொருளாதாரத்தை பாதுகாக்க முடியாத
உதவாக்கரை உள்ளாட்சி தேர்தலை புறக்கணிப்போம்.

விவசாயிக்கே நிலம்,விலை பொருளுக்கு
விலை நிர்ணயம் செய்யும் அதிகாரம்,
இவையே கிராம மக்களுக்கான
உண்மையான அதிகாரங்கள்.
உள்ளாட்சி வழங்கும் அதிகாரம்
பொறுக்கி தின்பதற்கான அதிகாரமே.

விலை பொருளுக்கு விலை நிர்ணயம் செய்ய,
வெளி (நாட்டு கம்பெனி) ஆட்சி,
கக்கூஸ் ,சைக்கிள் ஸ்டாண்ட், சுடுகாடு
நிர்வாகம் பண்ண உள்ளாட்சி,
உள்ளாட்சி தேர்தலின் நோக்கமே
அதிகாரத்தை பரவலாக்குவதல்ல
ஊழலை பரவலாக்குவதே.

M.L.A சீட்டை ஏலம் விட்ட யோகியர்கள்
உள்ளாட்சி தலைவர் பதவியை ஏலம் விட்டவர்களை
குண்டர் சட்டத்தில் உள்ளே தள்ளுவோம் என்கிறார்கள்,
பின்பக்க வாயில் சிரிப்பு வருதுங்கோ .
உள்ளாட்சி தேர்தலின் நோக்கமே
அதிகாரத்தை பரவலாக்குவதல்ல
ஊழலை பரவலாக்குவதே.

இதை யாரு எழுதினது அப்படின்னு நீங்க கேக்குறது புரியிது. போஸ்டரின் கீழே ம.க.இ.க - பு.மா.இ.மு - பு.ஜ.தொ.மு (யாருப்பா நீங்க?) என்றிருந்தது. இது இரண்டாண்டுகளுக்கு முன்பு நடந்த நிகழ்ச்சி. தமிழில் டைப் செய்ய தெரியாத காரணத்தால் அப்பொழுது ஆங்கிலத்தில் பதிவிட்டிருந்தேன். அதன் தமிழாக்கமே இது.

*உலாபேசி - ஒரு சிறுகதையில் வினையூக்கி உலாபேசி என்ற வார்த்தையை பயன்படுத்தியிருப்பார். கவித்துவமாக இருந்ததால் ரொம்பவே பிடித்துப் போய்விட்டது.

40 M.Pகள் இருந்தென்ன பயன்?

2009-01-30T20:20:00.000-08:00

Picture courtesy: Kumudam

மூன்று முடிச்சு - சரியான வில்லன் மூஞ்சி

2009-01-25T18:07:00.000-08:00

ரஜினி என்றாலே ஸ்டைல் என்றான பிறகு அவர் நடித்த படங்களில் ஏதாவது ஒரு வகை ஸ்டைல் ரசிகர்களுக்காக திணிக்கப்படுவதுண்டு. ஆரம்ப கால படங்களில் ஸ்டைல் என்ற முத்திரை அவர் மீது விழுவதற்கு முன்பு வந்த படங்களில் குறிப்பிடத்தகுந்தவை இந்த மூன்று முடிச்சு. இந்த படத்தில் ரஜினியினுடைய எல்லா மேனரிசமும் ஒரு வகை ஸ்டைல்தான். ஸ்டைல் என்று சொல்லத்தெரியாமல் மக்கள் அவரை ரசிக்கத் தொடங்கிய காலம். கமலும் ஸ்ரீதேவியும் ஒருவரை ஒருவர் காதலிக்க, ரஜினி ஸ்ரீதேவியை ஒருதலையாய் காதலிப்பார். சாதாரண முக்கோண காதல் கதை போல் ஆரம்பித்தாலும், ரஜினியின் கோரமுகம் வெளிப்படும் போது சற்றே வேகமெடுக்கிறது கதை. வில்லனான ரஜினியே படம் முழுவதும் பூரணமாக நிறைந்திருக்கிறார். வில்லனுக்கு முக்கியத்துவம் கொடுத்து அப்போது எடுக்கப்பட்டிருந்தாலும் இப்போது பார்க்கும்போது ஏதோ ஆன்டி-ஹீரோ சப்ஜெக்ட் போலத்தான் தெரிகிறது. ரஜினி மட்டும் ஹீரோவாக நடிக்காமல் வில்லனாகவே தொடர்ந்திருந்தால் சூப்பர்ஸ்டார் ஆகியிருக்கமாட்டார் ஆனால் நிச்சயம் சூப்பர் வில்லனாகியிருப்பார்.

தொடர்ந்து தப்பு செய்யும் வில்லன் போல் இல்லாமல், மூர்கமாக தவறு செய்துவிட்டு பின்னர் மனசாட்சிக்கு பயந்து ஓடி ஒளியும் வில்லன். கடந்த 15 வருடங்களாக ரஜினிக்காகவே எழுதிய வசனங்களை கேட்டு பழகிப்போன நமக்கு, சாதரண ரஜினிக்காக, பிரசாத் என்கின்ற கதாபாத்திரத்துக்காக எழுதிய வசனங்களை கேட்கும் போது ரொம்பவே இயல்பாய் இருக்கிறது. ஒரு காட்சியில், ரஜினியின் தந்தை பிரசாத்தை பத்தி என்ன நினைக்கிறன்னு கேட்பார், அதற்க்கு ஸ்ரீதேவி "சரியான வில்லன் மூஞ்சி" என்பார். ஸ்ரீதேவியை கல்யாணம் செய்யும் ஆசையில் ரஜினி சுற்றிவர, பாலச்சந்தரின் சேட்டையால் ரஜினியின் அப்பாவும் ஸ்ரீதேவியும் கல்யாணம் செய்துகொள்ள, ஸ்ரீதேவிக்கு தலைமகனாகிவிடுவார் ரஜினி. இந்த படத்தின் மொத்த கதையை நம் கவியரசர் வெறும் ஆறு வரியில் அழகாய் சொல்லியிருப்பார். இந்த ஆறு வரியை, இரண்டு இரண்டு வரிகளாக முக்கிய கதாபாத்திரங்களான கமல், ரஜினி, ஸ்ரீதேவி பாடும்படி படமாக்கியிருப்பார் கே.பி. படத்தில் வெவ்வேறு இடங்களில் இந்த வரிகள் வரும்.

கமல்: வசந்த கால நதிகளிலே வைரமணி நீரலைகள்
நீரலைகள் மீதினிலே நெஞ்சிரண்டின் நினைவலைகள்
ரஜினி: மணவினைகள் யாருடனோ மாயவனின் விதிவகைகள்
விதிவகையை முடிவு செய்யும் வசந்த கால நிரலைகள்
ஸ்ரீதேவி: நிரலைகள் முடிந்ததெல்லாம் நெஞ்சில்வந்த நினைவலைகள்
நினைவலைகள் முடிந்தயிடம் தாய்மகனாம் சூழ்நிலைகள்

ஒரு காட்சியில் ரஜினியை பார்த்து ஸ்ரீதேவி "போடா கண்ணா.... போ" என்பார். இதுவே இன்னைக்கு ஒரு கதாநாயகி ரஜினியை பார்த்து சொல்லமுடியுமா? இப்படி அவ்வப்போது பல வசனங்கள் நம்மை நிகழ்கால சூப்பர்ஸ்டார் ரஜினியோடு ஒப்பிட்டு பார்க்க வைக்கிறது. இரண்டாண்டுகளுக்கு முன்பு வந்த பொய் படத்தில் விதிக்கு உருவம் கொடுத்திருப்பார் கே.பி. அதை சற்றே வித்தியாசமாக உணர்ந்தேன். 1976ல் வந்த இந்த படத்தை பார்த்த பிறகுதான் தெரிந்தது, இதெல்லாம் கே.பிக்கு ஜுஜுபி என்று. இந்த படத்தில் மனசாச்சிக்கு உருவம் கொடுத்திருக்கிறார். ரஜினி ஒவ்வொரு முறை தப்பு செய்த்தபிறகும், மனசாச்சி வந்து கேள்விகேட்கும், தவறை எல்லாம் வரவு வைத்துக்கொண்டே வரும். மனசாச்சிக்கு பைத்தியக்காரன் போன்ற ஒரு தோற்றத்தை கொடுத்திருப்பார். தவறு செய்த பிறகு ஒவ்வொரு முறையும் வந்து கேள்விகேட்கும் மனசாச்சி, ஏன் தப்பு செய்வதற்கு முன்பு வந்து எச்சரிக்காதா என்ற நம் நியாயமான கேள்விக்கு படத்தின் கடைசியில்

விதைக்கின்ற வேளையிலே விளங்காத மனசாட்சி...
விளைவுக்குப் பின்னாலே விரைந்துவரும் மனசாட்சி....
தனக்காகத் தன்னுடனே போராடும் மனசாட்சி....
தவறுபவன் கண்களுக்குப் பைத்தியந்தான் மனசாட்சி.

இந்த நாலு வரியில் பதில் சொல்லுகிறார். வசனங்கள் ஒவ்வொன்றும் அக்மார்க் கே.பி ரகம். ஸ்ரீதேவியின் அக்காவாக வரும் Y.விஜயா ஒரு துணை நடிகை, கமலுடன் பேசிக்கொண்டிருக்கும் போது, இயக்குனர் தூக்குப் போடும் காட்சியில் நடிக்க அழைப்பார், உடனே விஜயா கமலை பார்த்து "நா தூக்குல தொங்கிட்டு அப்புறமா வீட்டுக்கு வரேன். நீங்க போங்க." என்பார். கல்யாணத்துக்கு வயது ஒரு தடை இல்லை என்று ஸ்ரீதேவி சொல்லும்போது அங்கு வரும் ஒரு வயதானவர் "கீட்ஸ் சொல்லல, ஷெல்லி சொல்லல, நம்மூர் செல்வி சொல்லிட்டா" என்பார். இது போன்ற வசனங்களை கேட்கும்போது நம்மையும் அறியாமல் ஒரு புன்முறுவல் உதடுகளில் வந்து மறையும். ரஜினியின் அப்பாவாக ஒருவர் நடித்திருக்கிறார், பல படங்களில் பார்த்திருந்தாலும் பெயர் தெரியவில்லை. அந்த கதாபாத்திரத்துக்கு கணக்கச்சிதமாய் பொருந்துகிறார். அப்படியொரு நிதானமான நடிப்பு.

இந்த படத்தில் ரஜினியினுடைய நடிப்பை பார்த்த நமக்கு, சூப்பர்ஸ்டார் என்ற வட்டத்துக்குள் வந்த பிறகு ரஜினி சிரத்தை எடுத்து நடிப்பத்தை தவிர்த்து விட்டாரா? அல்லது இயக்குனர்கள் அவருடைய நடிப்பை பயன்படுத்திக் கொள்ளவில்லையா? என்ற சந்தேகம் வருகிறது. காரணம் இந்த படத்தில் அப்படியொரு அருமையான நடிப்பை வெளிப்படுத்தியிருக்கிறார் ரஜினி.

ஒரு நிமிட விமர்சனம்

2009-01-15T10:57:00.001-08:00

பொம்மலாட்டம்: நல்ல த்ரில்லர் படம். நானா படேகருக்கு பதில் மம்மூட்டியை போட்டு தமிழ்/மலையாளத்தில் ரிலீஸ் செய்திருந்தால் இன்னும் மிகப் பெரிய வெற்றி பெற்றிருக்கும். ஹிந்தியில் தற்போது எவ்வளவு பெரிய வெற்றி அடையும் என்று தெரியவில்லை ஆனால் மம்மூட்டி நடித்திருந்தால் மலையாளத்தில் இந்த படத்தை கொண்டாடியிருப்பார்கள் என்பது உண்மை. நானே படேகருக்கு நிழல்கள் ரவியின் குரல் அற்புதமாய் பொருந்தியிருப்பது படத்திற்கு மிகப் பெரிய பிளஸ்.

வாரணம் ஆயிரம் - a perfect autobiography. படம் ரொம்ப ஸ்லொ என்று பரவலாக சொல்லப்படுகிறது, பயோகிராபி என்று வந்துவிட்டாலே, மெதுவாக சொன்னால்தான் கதையோடு பயணிக்கிற ஒரு அனுபவம் கிட்டும். அருமையான படம். சூரியா ரொம்பவே மெனக்கெட்டிருக்கிறார். ரீனா, ஆராதனா, மாயா வரிசையில், இந்தப் படத்தில் ஹீரோயின் பெயர் மேக்னா. எங்கிருந்தது தான் இப்படி அழகான பெயர்(பிகர்)களை கௌதம் பிடிக்கிறாரோ.

திண்டுக்கல் சாரதி: சன் டி.வியின் தொடர் விளம்பரத்தால், சுமாரான படம் சூப்பர் படமாக மாறியிருக்கிறது. பெரிதாக எந்த குறையுமில்லை. நல்ல கதை, அதற்கேற்ற ஆர்டிஸ்ட். வடிவேலுவுக்கு ஒரு புலிக்கேசி போல் கருணாசுக்கு சாரதி. விவேக்குடைய 'சொல்லி அடிப்பேன்' தான் எப்போது வரும்முன்னு தெரியல.

திருவண்ணாமலை: ஏழுமலை, மருதமலை வரிசையில் அர்ஜுனுக்கு வந்துள்ள படம் திருவண்ணாமலை. இரட்டை வேடத்தில் அர்ஜுன். செகண்ட் ஹீரோவாக பேரரசு!. அர்ஜுனைக் காட்டிலும் பேரரசுவுக்கே அதிக பஞ்ச் வசனங்கள். வில்லன்கள் அனைவரும் அருமையாக கத்துகிறார்கள். பாதி படத்திற்கு மேல் செம்ம போர். எப்போது படம் முடியுமென்று தோன ஆரம்பித்துவிட்டது. பேரரசுவின் அடுத்த படம் திருத்தணி, பரத் ஹீரோவாம், போதுமடா சாமி.

சிலம்பாட்டம் : கதை பழசாக இருந்தாலும், போர் அடிக்காமல் போகிறது. இரட்டை வேடத்தில் சிம்பு. ஐயர் வேடம் பொருந்தாமல் போனாலும், கிராமத்து கேரக்டர் 'தமிழரசு' ரொம்ப நல்லா பொருந்தியிருக்கு. யுவனின் இசை, action, செண்டிமெண்ட், சந்தானம் காமெடி, பில்லா கெட்- அப், சானாகான் கிளாமர், சினேகா மாமி என சிலம்பாட்டம் எல்லாம் கலந்த காக்டெயில்.

கொம்பு: கரண், விந்தியா நடித்திருக்கும் படம் (எப்போ வந்ததுனு எல்லாம் என்னைக் கேக்கக் கூடாது). வில்லன் தன்னுடைய பால் பண்ணை வியாபாரம் நன்றாக நடக்க வேண்டும் என்பதற்காக விந்தியாவின் பால் பண்ணையில் பல குழப்பங்களை விளைவிப்பார். வில்லனின் சதியை முறியடித்து பால் பண்ணையை வெற்றிகரமாக நடத்த வித்தியாவிற்கு கரண் உதவுவர். பிளாஷ்பேக்கில் கரண் மும்பையை கலக்கிய தாதாவம். இப்படி போகுது கதை. ஒரு அ(பி)ட்டு படம் பார்த்த எபெக்ட்.

கலிபோர்னியாவில் பிள்ளையார் நோன்பு

2009-01-14T23:19:00.000-08:00

நகரத்தார்களின் தனித்தன்மையைக் காட்டும் விழாக்களுள் ஒன்று பிள்ளையார் நோன்பு, இதில் 'இழை எடுத்துக்கொள்ளுதல்' என்பது ஒரு விஷேசமான ஒன்று. குடும்பத்தில் ஒவொருவருக்கும் ஒரு மாவிளக்கு எரிகின்ற இழையுடன் வழங்கப்படும், அதை அவர்கள் வாங்கி சுடர் அணையாமல் அப்படியே வாயில் போட்டுக்கொள்வார்கள். "ஒளி வடிவமான இறைவனை நமக்குள்ளே எழுந்தருளச் செய்யும் செயல்" என இதை நம்பினர். இந்த வருடம் எனக்கு கலிபோர்னியாவில் இழை எடுத்துக்கொள்ளும் வாய்ப்பு கிடைத்தது விநாயகரின் விருப்பமே, அது இன்னும் சில ஆண்டுகளாவது தொடரவேண்டும் என்பது என்னுடைய வேண்டுதலே. இந்த முறை Livermoreல் உள்ள சிவா விஷ்ணு கோவிலில் விழா ஏற்பாடுகள் செய்யப்பட்டிருந்தன. இந்த விழாவில் பங்கெடுத்துக்கொள்ள முன்பே ஈ-மெயில் மூலம் register செய்திருக்கவேண்டும், நான் செய்யவில்லை, அங்கே போய் spotடில் register செய்தேன். இழை எடுத்துக்கொள்ள ஒரு புள்ளிக்கு 20$ என நிர்னைத்திருந்தாகள். பெயர்கள் வாசிக்க வாசிக்க, வரிசையில் நின்று, மேடையில் இருந்த பெரியவர்களை வணங்கி அனைவரும் மாவிளக்கை பெற்றுக்கொண்டோம். பின்னர் உப்பு-5, கல்க்கண்டு-4, பேரிச்சம்பலம்-2, மஞ்சள்-3, குங்குமம்-4, குழந்தைகள் டிரஸ் -2செட் , பழம்-2 ஏலம் விடப்பட்டது. வழக்கம்போல் உப்பு அதிக விலைக்கு (1001$) போனது. விழாவில் "பிள்ளையார் நோன்பு மலர்" வெளியிடப்பட்டது. மொத்தம் 192 குடும்பங்கள் பே ஏரியாவில் (Bay Area) வசிக்கிறார்கள். இந்த குடும்பங்கள் எந்தெந்த கோவிலை சேர்ந்தவர்கள் என்ற புள்ளிவிபரம் கீழே.

இளையாத்தன்குடி - 43
மாத்தூர் - 38
வைரவன் கோவில் - 32
இரணி கோவில் - 21
பிள்ளையார்பட்டி - 19
இலுப்பக்குடி - 15
சூரக்குடி - 9
NA - 9
நேமம் கோவில் - 6
வேலங்குடி - 0
மொத்தம் 192

இட்லி, வடை,கந்தர்ப்பம், பால்கோவா, பொங்கல், சாம்பார், சட்னி போன்றவற்றை பலரும் செய்து கொண்டுவர, பறிமாறப்பட்டது. மேலும் விபரங்கள் இங்கே

Congratulations A.R.Rahman

2009-01-11T19:04:00.000-08:00

Congratulations Rahman. Our 'Madras Mozart' A.R.Rahman won the Golden Globe for best original score for the film "Slumdog Millionaire". Also the film won three other Golden Globe for best drama, best director and best screenplay.

I want an Oscar for Slumdog score: A.R.Rahman
A.R.Rahman is a genius: Director Danny Boyle
A.R.Rahman's Filmography.
Slumdog Millionaire: imdb review (8.7/10)
More pictures are here.

Valkyrie - ஹிட்லருக்கு எதிரான ராணுவ கிளர்ச்சி

2009-01-10T18:20:00.001-08:00

இரண்டாம் உலகப் போரில் ஹிட்லருடைய பங்கு என்ன என்று நான் சொல்லத் தேவையில்லை. ஹிட்லர் உலகையே ஆள நினைத்த நேரம், அவரது ராணுவத்தில் இருந்த சில உயர் அதிகாரிகள் அவரை கொன்றுவிட்டு ஆட்சியை பிடிக்க செய்யும் ஒரு முயற்சிதான் valkyrie (வால்க்ரி). நடந்த ஒரு உண்மைச்சம்பவம், ஒரு பெயர் கூட மாற்றமில்லாமல் அப்படியே படமாக வந்திருக்கிறது. இது போல் இராணுவம் ஆட்சியை பிடிக்க முயல்வதை coup attempt என்று ஆங்கிலத்தில் சொல்லுவார்கள். பாகிஸ்தானில் முஷரப் ஆட்சியை பிடித்தது இந்த வகைதான்.

ஹிட்லருக்கு மிக நெருக்கமாக இருக்கும் அதிகாரிகளில் ஒரு பத்து பதினைந்து பேர் சேர்ந்து 1944 july 20 அன்று அவரை கொல்ல செய்யும் முயற்சிதான் படம். ராணுவக் கிளர்ச்சிக்கு தலைமை தாங்கும் Colonel Stauffenberg கேரக்டரில் நடித்திருக்கிறார் Tom Cruise. உலகப் போர் நடந்துகொண்டிருந்த சமயம், திடீரென ஜெர்மனி நகரங்களின் மேல் குண்டு விழுந்து சேதம் ஏற்ப்பட்டால், அதை சமாளிக்கும் பொருட்டு கொண்டுவந்த சட்டம் தான் 'Valkyrie' அல்லது operation Valkyrie.

பதவிக்காக நடக்கும் மற்ற ராணுவப் புரட்சி போல் இல்லாமல், ஒரு சர்வாதிகாரியின் பிடியில் இருந்து நாட்டை மற்றும் ராணுவ வீரர்களை காப்பாற்றும் பொருட்டு நடந்த ஒரு ராணுவப் புரட்சி இது. ஜெர்மனியின் மீது திடீர் குண்டு மழை பொழிந்தால், நிலைமையை சமாளிக்க உதவும் சட்டமான Valkyrieயில் சில மாற்றங்களை கொண்டுவருவார் Staffenburg. இந்த சட்டத்தின் படி திடீர் தாக்குதலில் ஹிட்லர் உயிர் இழந்தால், நாட்டின் மொத்த கட்டுப்பாட்டையும் ஜெர்மனியின் reserve army தனது கட்டுப்பாட்டில் கொண்டுவரும். ஹிட்லர் செத்தால் கூட அவருடைய கையெழுத்து இல்லாமல் நாட்டில் எதுவும் நடக்காது என்று தெரிந்தது, அவரிடமே அந்த சட்டத்தில் கையெழுத்து வாங்கி ஒப்புதலும் பெற்றுவிடுகிறார் Stauffenberg.

பாகிஸ்தான் போன்ற ஜனநாயக நாட்டில் ஏற்ப்படும் ராணுவக் கிளர்ச்சிக்கும், ஹிட்லர் போன்ற சர்வாதிகாரியின் கீழ் உள்ள நாட்டில் நடக்கும் ராணுவப் புரட்சிக்கும் நிறைய வேறுபாடு உண்டு. ஜனநாயக நாட்டில் இது போன்ற திட்டம் தோல்வி அடைந்தால், நாட்டை விட்டு வெளியேற்றப்படும் வாய்ப்பு உண்டு, ஆனால் சர்வாதிகார நாட்டில் மரணம்தான். அதுவும் உடனே.

ஒரு leather suitcaseல் pencil detanatorஐ எடுத்துக் கொண்டு Wolf's Lairக்கு செல்வார் Stauffenberg. Wolf's lair - இது தான் ஹிட்லருடைய ராணுவத் தலைமையகம், முக்கிய கூட்டங்கள், முடிவுகள் எல்லாம் இங்கேதான் எடுக்கப்படும். Bunker என்று சொல்லப்படும் பதுங்குக் குழிக்குள் தான் கூட்டம் நடைபெறும். Wolf's Lairக்குள் Staffenburg செல்லும் காட்சி படமாக்கப்பட்டிருக்கும் விதம் பரபரப்பின் உச்சம். Pencil detonator முனையை கத்தியால் வெட்டிவிட்டு அதை leather suitecaseல் வைத்துக்கொண்டு அந்த கூட்டத்தில் கலந்துகொள்வார் Stauffenberg. அது வெடிப்பதற்கு 10 நிமிடங்கள் முன்பாக suitecaseஐ அங்கேயே வைத்து விட்டு தான் மட்டும் தன் சகா Haeftenனுடன் வெளியேறிவிடுவார். எதிர் பார்த்தது போல் குண்டு வெடிக்கும். சிறிது நேரம் தாமதித்தாலும் நிலைமையை கட்டுக்குள் கொண்டு வர முடியாது என்பதை உணர்ந்து Valkyriஐ அமுல்படுத்த உத்தரவிடுவார் Staffenburg. முதலில் தயக்கம் காட்டினாலும் பின்னர் வேறு வழியின்றி Olbricht, operation Valkyreஐ அமுல்படுத்துவார்.

பொதுவாக ராணுவக் கிளர்ச்சி ஏற்படும்போது என்னென்ன அரங்கேறுமோ அவ்வளவும் நடக்கும். அரசுக்கு விசுவாசமான அதிகாரிகள் சிலர் கைது செய்யப்படுவார்கள். ரேடியோ, நாளிதழ் போன்ற ஊடகங்களை இராணுவம் தனது கட்டுப்பாட்டில் கொண்டுவரும். எல்லாம் Stauffenberg நினைத்த மாதிரி போய்க்கொண்டிருக்கும் . இந்த நேரத்தில் இன்னொரு அதிகாரியான General Friedrich Fromm, Wolf's lairஐ தொடர்பு கொண்டு விசாரிப்பார், எதிர் முனையில் "Fuhrer is fine. Another failure attempt" என்று பதில் வரும். அத்தோடு இன்னும் சிறிது நேரத்தில் ரேடியோவில் ஹிட்லர் நாட்டு மக்களுக்கு உரையாற்றுவார் என்றும் அறிவிப்பு வரும். கண்முன் நடந்த குண்டுவெடிப்பு எப்படி பொய்யாகும் என்ற குழப்பத்தில் Staffenburg இருக்கும் போது, கிளர்ச்சியாளர்களை பிடிக்க General Fromm மறைமுகமாக உத்தரவிடுவார். அனைவரும் கைது செய்யப்பட்டு துப்பாக்கி முனையில் நிற்க வைத்து சுட்டுக் கொள்ளப்படுவார்கள். இத்துடன் படம் முடியும். அதன் பிறகு, ஹிட்லர் 8 மாதங்கள் கழித்து தற்கொலை செய்து கொண்டதாகவும், Staffenburgயுடைய மனைவி 2002ல் இறந்ததாகவும் screenனில் போடுகிறார்கள்.

நடந்து முடிந்த வரலாரை படமாக எடுக்கும்போது எந்த பகுதி வேண்டும் என்பதைவிட எந்தப் பகுதி வேண்டாம் என்பதில் மிகத் தெளிவாக இருக்கவேண்டும். ஒரு சிறு காட்சி கூட கதையின் மொத்த சுவாரஸ்யத்தை குறைத்துவிட வாய்ப்புண்டு. இது போன்ற வரலாற்று முக்கியத்துவம் வாய்ந்த சம்பவங்கள் பார்வையாளர்களுக்கு முன்பே தெரியும், அப்படி கதை தெரிந்தவர்களைக் கூட ஒரு நிமிடம் அசையவிடாமல் படம் பார்க்க வைப்பது ரொம்ப கடினம். இது போன்ற அனைத்து விஷயங்களையும் மனதில்கொண்டு அற்புதமாக இயக்கியிருக்கிறார் Bryan Singer. அருமையான படம்.

சினிமா புள்ளி விபர விளையாட்டு - Meme

2009-01-01T12:57:00.000-08:00

ப்ளாக்கில் இது வரை வந்த தொடர் விளையாட்டுக்களிலேயே மிகவும் வெற்றிபெற்ற தொடர் என்று இதை சொல்லலாம். கிட்டத்தட்ட எழுதாதவர்களே இல்லை என்னுமளவுக்கு மிகப்பெரிய ரீச் ஆனா ஒரு தொடர். நாகர்ஜுனனால் ஆரம்பிக்கப்பட்டு போஸ்டன் பாலவின் மூலம் பாப்புலர் ஆனா இந்த Memeஐ (எனக்கு நானே) நானும் தொடர்வதில் சந்தோஷமே. இந்த விளையாட்டை தொடர்வதற்கு என்னையும் அழைத்த கௌரி மற்றும் பூச்சான்டியார் இருவருக்கும் என் நன்றி. தொடர்ந்து வந்த கேள்விகள் போக இரண்டொரு கேள்விகள் எக்ஸ்ட்ரா கேட்டு பதில் சொல்லியிருக்கிறேன்.

1 - அ. எந்த வயதில் சினிமா பார்க்க ஆரம்பித்தீர்கள்?
சரியாக நினைவில்லை.
1 - ஆ, நினைவுதெரிந்து கண்ட முதல் சினிமா?
'முதல் மரியாதை' - அப்பா அம்மாவுடன் திருச்சியில் பார்த்ததாக நினைவு.
1 - இ. என்ன உணர்ந்தீர்கள்?
படம் பார்த்துவிட்டு வெளிய வரும்போது, என்னப்பா முதல் மரியாதைன்னு பேரு வச்சுட்டு எல்லாரும் மரியாதை இல்லாமல் பேசுறாங்க என்று நான் கேட்க எல்லோரும் சிரித்துவிட்டார்கள்.

2. கடைசியாக அரங்கில் அமர்ந்து பார்த்த தமிழ் சினிமா?
ச-ரோ-ஜா

3. கடைசியாக அரங்கிலன்றிப் பார்த்த தமிழ் சினிமா எது, எங்கே, என்ன உணர்ந்தீர்கள்?
பொம்மலாட்டம். ஆன்-லைனில். நானா படேகருக்குப் பதில் அந்த கேரக்டரில் மம்மூட்டியை போட்டு தமிழ் மற்றும் மலையாளத்தில் வெளியிட்டிருந்ததால் மிகப்பெரிய வெற்றிப்பெற்றிருக்கும் என்று தோன்றியது. இது போன்ற தரமான த்ரில்லர் படங்கள் மலையாளத்தில் நிச்சயம் வெற்றிபெறும்.

4. மிகவும் தாக்கிய தமிழ் சினிமா?
கதிர் இயக்கிய இதயம். நான் அதிக முறை பார்த்த சினிமாவும் இதுதான். படத்தின் இடையிடையே காட்சிகளின் பின்னணியில் கதிரின் குரலில் வரும் சின்ன சின்ன கவிதைகள் ரொம்பவும் பிடிக்கும்.

இந்த பாதங்கள் மண் மீது நடக்கவேண்டியவை அல்ல......
மலர்கள் மீது.

5-அ. உங்களை மிகவும் தாக்கிய தமிழ் சினிமா-அரசியல் சம்பவம்?
விருமாண்டி. சண்டியர் என்று பெயர் வைத்ததை எதிர்த்து நடந்த போராட்டங்களும் கண்டனங்களும் ரொம்பவும் கீழ்த்தரமானவை. கமல் போன்ற பெரிய நடிகர்களே இந்த மாதிரி விஷயங்களில் பின்வாங்கும் போது , சிறு கட்சியாக இருந்தாலும் ஒரு அரசியல்வாதியை எதிர்ப்பது அவ்வளவு சுலபமல்ல என்பது புரிந்தது .

5-ஆ. உங்களை மிகவும் தாக்கிய தமிழ்ச்சினிமா - தொழில்நுட்ப சம்பவம்?
மிகவும் தாக்கிய தமிழ் சினிமா நிறைய உண்டு. அதில் சில, நாயகன், மௌன ராகம், லவ் டுடே, காதல் கொண்டேன், ஜூலி கணபதி, உன்னை சரணடைந்தேன். தாக்கிய தொழில்நுட்ப சம்பவம் - குட்டையாக வரும் அப்பு கமலும் வெள்ளையாக வரும் சிவாஜி ரஜினியும்.

6. தமிழ்ச்சினிமா பற்றி வாசிப்பதுண்டா?
நிறைய. கிட்டத்தட்ட பொழுதுபோக்கே அதுதான். தினத்தந்தியில் வரும் குருவியார் பதில்,வரலாற்று சுவடுகள், வாரமலரில் வரும் துணுக்குமூட்டை, வண்ணத்திரையில் வரும் குட்டி குட்டி சினிமா செய்திகள் ரொம்ப பிடிக்கும். இந்தியாவில் இருந்த வரையில் விகடன் தவறாமல் படிப்பேன். இப்பொழுதெல்லாம் ஆன்-லைனில் குமுதம், sify படிப்பதோடு சரி.

7. தமிழ்ச்சினிமா இசை?
பாடல் வரிகளுக்கு அதிகம் முக்கியத்துவம் கொடுப்பேன். இன்ன மாதிரியான இசை என்று குறிப்பிட்டு சொல்லும் அளவுக்கு இசையறிவு கிடையாது. அனைத்து வகை பாடல்களும் பிடிக்கும். இளையராஜாவின் பழைய பாடல்கள், ரகுமானின் புதிய பாடல்கள், யுவன் ஷங்கரின் அனைத்து பாடல்களும் பிடிக்கும்.

8. தமிழ் தவிர வேறு இந்திய, உலக மொழி சினிமா பார்ப்பதுண்டா? அதிகம் தாக்கிய படங்கள்?
ஆரம்பத்தில் இல்லை. தற்போது நிறைய ஹிந்தி மற்றும் ஆங்கில படங்கள் பார்க்கிறேன். பிடித்த படங்கள் சத்யா, Wednesday, Monsoon Wedding, Phone Booth, American Gangster, Kill Bill, Gladiator, The Terminal, The Shawshank Redemption, 16 Blocks, The Prestige.

9. தமிழ்ச்சினிமா உலகுடன் நேரடித்தொடர்பு உண்டா? என்ன செய்தீர்கள்? பிடித்ததா? அதை மீண்டும் செய்வீர்களா? தமிழ்ச்சினிமா மேம்பட அது உதவுமா?
நேரடித் தொடர்பு எதுவும் இல்லை

10. தமிழ் சினிமாவின் எதிர்காலம் பற்றி என்ன நினைக்கிறீர்கள்?
தயாரிப்பில் கார்ப்பரேட் நிறுவனங்களின் வரவு, தமிழ் சினிமாவிற்கு வரமா சாபமா என்பது போகப்போகத்தான் தெரியும். இன்றைய நிலையில் கார்பொரேட் நிறுவனங்களால் நடிகர்களுக்கு நல்ல சம்பளம் கிடைக்கிறது என்பதை தவிர வேறு ஒரு முன்னேற்றமும் கிடையாது. நடிகர்களின் கால்ஷீட்ஐ வாங்கி வைத்துக்கொண்டு கதைக்காக அலைகிறார்கள், இது ஒரு மோசமான போக்கு. அதே போல் இந்த நிறுவனங்கள் தமிழ்நாடு முழுவதும் நூற்றுக்கும் மேற்ப்பட்ட திரையரங்குகளை வாங்கி வைத்திருக்கிறார்கள், தங்கள் நிறுவனம் தயாரிக்கும் அல்லது விநியோக உரிமை வாங்கும் படங்களை மட்டும் அதில் வெளியிட்டு, குறைந்த பட்ஜெட்டில் தயாராகும் சில நல்ல படங்களுக்கு தியேட்டர் கிடைக்காமல் செய்கிறார்கள். இதுவும் ஒரு மோசமான போக்கே. இது போன்ற விஷயங்களை தவிர்த்துப் பார்த்தால் இந்திய அளவில் பேசப்படும்படியான மெகா ஹிட் படங்களை வருங்காலத்தில் கோலிவுட் நிச்சயம் தரும் என்று தோன்றுகிறது.

11. அடுத்த ஓராண்டு தமிழில் சினிமா கிடையாது, மற்றும் சினிமா பற்றிய சமாசாரங்கள், செய்திகள் எதுவுமே பத்திரிகைகள், தொலைக்காட்சி, இணையம் உள்ளிட்ட ஊடகங்களில் கிடையாது என்று வைத்துக்கொள்வோம்? உங்களுக்கு எப்படியிருக்கும்? தமிழர்களுக்கு என்ன ஆகும் என்று நினைக்கிறீர்கள்?
இது நிச்சயம் நடக்க வாய்ப்பு இல்லை. ஒரு வேலை நடந்தால், தமிழர்களுக்கு பைத்தியம் பிடித்தது போல் இருக்கும், மக்கள் நிறைய சிந்திப்பார்கள், அதனால் பல நல்ல ஆக்கப்பூர்வமான விஷயங்கள் தமிழ்நாட்டில் நடக்கும்.

12. தமிழ் திரையுலகை விட்டு ஒதுங்கியிருக்கும் அல்லது வாய்ப்பு இல்லாமல் இருக்கும் கலைஞர்களில் நீங்கள் அதிகம் விரும்பும் நபர்கள் யார் யார்?
நடிகர் பிரதாப் போத்தன், 'காக்கா' ராதாகிருஷ்ணன், 'இதயம்' கதிர், 'லவ் டுடே' பாலசேகரன், ஒளிப்பதிவாளர் அப்துல் ரகுமான்.

13. அதிக நாட்களாக நீங்கள் பார்க்க வேண்டிய லிஸ்டில் இருக்கும் படங்கள் எவை?
தண்ணீர் தண்ணீர், புன்னகை, அவள் அப்படித்தான், குரோசோவாவின் இகிரு, சத்யஜித் ரெயின் பதேர் பாஞ்சாலி.

இந்த விளையாட்டை தொடர்வதற்காக விதிமுறைப்படி நான் ஐந்து பேரை அழைக்கவேண்டும், ஜெஸிலா, ஜன்னல், கிறுக்கல் ஆகியோரை அழைக்கிறேன். எனக்கு தெரிந்து இந்த மூவரை தவிர அனைவரும் எழுதிவிட்டார்கள், ஆகையால் புதிதாக வந்த பதிவர்கள் யாரேனும் விருப்பமிருப்பின் இங்கிருந்து தொடரலாம்.

Picture Courtesy: Photo.net, SpbIndia, College Publisher, Tamil Oviyam, India Film, SeventyMM

எண்ணங்கள் ஆயிரம்: அறிவியலை மிஞ்சும் ஆன்மீகம்

2008-12-14T20:25:00.000-08:00

புத்தகம்: எண்ணங்கள் ஆயிரம்
வெளியீடு: கண்ணதாசன் பதிப்பகம்
விலை: ரூ.15

கண்ணதாசனுடைய பெரும்பாலான புத்தகங்களை படித்திருந்தாலும் இந்த புத்தகம் தான் என்னுடைய ஆல் டைம் பேவரைட். மிகப்பெரிய வீடாயினும் அதை திறப்பதற்கு ஒரு சிறிய சாவி வேண்டியிருப்பதைப் போல், 62 பக்கமே கொண்ட இந்த புத்தகம் உங்கள் மனதை திறக்கும் ஒரு சாவி என்றால் அது மிகையல்ல. புத்தகத்தை படிப்பதன் மூலம் நிச்சயம் உங்களுடைய எண்ணங்கள் விசாலமடையும். எதையும் தாங்கும் ஒரு பக்குவம் ஏற்ப்படும். படித்து முடிக்கும் போது, இந்த தலைப்பு எவ்வளவு பொருத்தமானது என்பதை நம்மால் உணர முடியும். நேற்று வந்த எழுத்தாளருடைய புத்தகங்கள் கூட 100 ரூ, 150 ரூபாய் விற்கும் போது 18 கட்டுரைகள் கொண்ட இந்த புத்தகம் வெறும் 15 ரூபாய்தான். நல்ல ஹோட்டல்களில் இன்றைக்கு ஒரு வேலை சாப்பாடு கூட 25 ருபாய் விற்ப்பதை நினைக்கும் போது இந்த புத்தகத்தின் விலை ஒரு ஆச்சரியமே.

2003வரை மொத்தம் 23 பதிப்புகள் வெளிவந்துள்ளன. February 2004ல் இந்த புத்தகத்தை வாங்கினேன். அன்றிலிருந்து இன்று வரை நான் படிப்பதற்காக வெளியூர் சென்ற போதும் சரி வேலை நிமித்தமாக வெளிநாடு வந்த போது சரி இந்த புத்தகமும் என்னோடு பயணித்திருக்கிறது. கிட்டத்தட்ட 20 முறைக்கு மேலேனும் படித்திருப்பேன், ஒரு முறை கூட அலுப்பு தட்டியதே இல்லை. இத்தனை முறை படிப்பதற்கு இது என்ன வேத நூலா என்று யாரேனும் கேட்டால், 'அதற்கும் மேலே' என்பதுவே என் பதிலாக இருக்கும்.

"சில ஆண்டுகளுக்கு முன்னாள் நண்பர் 'சோ' அவர்கள், தனது 'துக்ளக்' பத்திரிக்கையில் ஏதாவது எழுதவேண்டுமென்று கேட்டார். 'எண்ணங்கள் ஆயிரம்' என்ற தலைப்பையும் அவரே சொன்னார். சில காலம் அந்த தலைப்பில் எழுதிவந்தேன்." என்று இந்த புத்தகம் உருவான கதை பற்றி கவிஞரே முன்னுரையில் சொல்லுகிறார். பிறக்கும் குழந்தை ஆணா பெண்ணா என்பது தெரியாமலே எப்படி பெயர் வைக்கமுடியும் என்று பலரும் கேட்கும் நிலையில், பெயர் வைத்துவிட்டு பெயருக்கு தகுந்தாற்ப்போல் 18 குழந்தையையும் பெற்றெடுத்திருக்கிறார் கவிஞர்.

18 கட்டுரைகள் எழுதியிருக்கிறார் என்று சொல்லுவதைக் காட்டிலும் பலதரப்பட்ட எண்ணங்களை அழகாக எழுத்தாக்கியிருக்கிறார் என்றே சொல்லவேண்டும். தன்னம்பிக்கை, அரசியல், ஆன்மிகம், காமராஜர், நேரு, இந்திரா, இந்தியா, ஜனநாயகம் என்று ஒவ்வொரு கட்டுரையும் ஒவ்வொன்றை/ஒவ்வொருத்தரை எடை போடும் தராசாகவே தெரிகிறது.

நேருவைப் பற்றிய கட்டுரையில், மக்கள் அவர் மீது கொண்டிருந்த அன்பின் பிரதிபலிப்பாகவே உள்ளது. நேருவின் மறைவைப் பற்றிய இரண்டு பக்க கட்டுரையில்,
"உன் ஆசையின் விளைவே அரசியல் சட்டம். எங்கள் அனுபவத்தின் விளைவே அதில் நாங்கள் செய்யும் திருத்தம். கடலளவு மனம் படைத்த கருணைத் தலைவனே !. மன்னனாக பிறந்து, மனிதனாக வாழ்ந்து, தெய்வமாக மறைந்த மரகதச் சிலையே !. எங்கள் மனமே உன் கோவில். உன் திருமுகமே நாங்கள் ஆராதிக்கும் சிலை" என்கிறார். நேரு எப்படி வாழ்ந்தார், அவருடைய மறைவு எப்படிப்பட்ட ஒரு வெற்றிடத்தை நாட்டில் ஏற்படுத்தியிருந்தது என்பதற்கு இந்த கட்டுரை ஒரு நல்ல எடுத்துக்காட்டு.

"கோழிக்குஞ்சைப் பிடித்துவிட்ட தைரியத்தில், யானையையும் பிடிக்க ஒருவன் தயாராகிறான். கேரம்போர்டில் வெற்றி பெற்றுவிட்ட மயக்கத்தில் கிரிக்கெட் பந்தயத்திற்கு ஒருவன் தயாராகிறான். நம்பிக்கை தரும் வெற்றிகளைக் காட்டிலும் தோல்விகள் அதிகம். நம்பிக்கையின் அளவு எவ்வளவு இருக்க வேண்டும் என்பதை மனிதர்கள், மிருகங்களிடமிருந்து கற்றுக்கொள்ளவேண்டும். தங்கள் சக்திக்கேர்ப்பவே அவைகள் நம்பிக்கை வைக்கின்றன." என்று 'நம்பிக்கை' என்னும் கட்டுரையில் வெற்றியும் தோல்வியும் மனிதனின் மனதை எந்தளவுக்கு பாதிக்கின்றன என்று சொல்லுகிறார். இது போன்ற வரிகளை படிக்கும் போது, பக்கத்தின் இடதுபக்கமோ அல்லது வலதுபக்கமோ பென்சிலால் கோடுபோடுவது என் வழக்கம். இந்த புத்தகத்தை படித்து முடித்த்தபோது மொத்த புத்தகமும் கோடாகிப்போயிருந்தது. குழந்தையின் சிரிப்பைப்போல, சில வரிகள் சோர்வடையும் போதெல்லாம் நினைவில் வந்து சாமரசம் வீசுகின்றன. அப்படி அனுபவித்து படித்த வரிகள் சில...

"மனிதன் வெளியில் இருந்து விளையாடுகிறான்; தெய்வம் மறைந்து நின்று விளையாடுகிறது. தெய்வத்தை நம்புகிறவன், தோற்றாலும் ஜெயிக்கிறான்; நம்பாதவன் ஜெயித்தாலும் தோற்கிறான்."

"நீ கிறுக்கியதெல்லாம் ஓவியமானால், குறுக்கே நின்று அதை திருத்தியவனுக்குப் பெயர்தான் பகவான்."

"'நான்' என்று நினைக்காதீர்கள்; நினைத்தால் ஆண்டவன் 'தான்' என்பதைக் காட்டிவிடுவான்."

"எதிலிருந்து ஜனனம் நிகழ்கிறதோ, அதிலே ஆண்டவன் இருக்கிறான். அதில் ஆபாசம் என்ன இருக்கிறது."

"பத்து பேர்களின் தகத்தை தீர்த்து விட்டு பாறையைத் தோண்டிப் பாருங்கள்; தண்ணீர் கிடைக்கும்." என்கிறார். அறிவியலை மிஞ்சும் ஒரு ஆன்மீகமாகவே இந்த புத்தகம் எனக்கு தோன்றுகிறது.

இரவு ஏழு மணிக்கு மேல் தெருவின் மூலையில், சிம்மினி விளக்கின் வெளிச்சத்தில், ஒரு சிறிய லேகியத்தை காட்டி, உஷ்ணம், வாய்வு, பித்தம், என்று உலகில் உள்ள எல்லா வியாதிகளையும் சொல்லி அதற்கெல்லாம் ஒரே மருந்து இந்த லேகியம் என்று சிலர் விற்றுக்கொண்டிர்ப்பார்கள். அத்தனை வியாதியையும் அந்த லேகியம் குணமாக்குகிறதோ இல்லையோ இந்த புத்தகம் குணமாக்கும் என்பேன் காரணம், James Bryce சொன்னதைப் போல் "The worth of a book is to be measured by what you can carry away from it." இந்த புத்தகத்தில் இருந்து எனக்கு பிடித்த கட்டுரை ஒன்று இங்கே.

குறிப்பு: புத்தகத்தின் அட்டைப்படம் கிடைத்தால் போடலாம் என்று google image searchல் 'எண்ணங்கள் ஆயிரம்' என்று போட்டு தேடிப்பார்த்தேன், முதலில் வந்தது வாரணம் ஆயிரம் சூரியாதான். கடைசி வரை தேடிப்பார்த்தேன், கிடைக்கவில்லை. நேரம் கிடைக்கும் போது ஸ்கேன் செய்து போடுகிறேன். நன்றி.

வாரணம் ஆயிரம் - எக்சலென்ட்

2008-12-14T20:00:00.000-08:00

குழந்தையாக இருக்கும் கதாநாயகன் ஒரே பாடலில் வளர்ந்து இளைஞனாவதை பார்த்து பழக்கப்பட்ட நமக்கு, ஒரு சிறு மனமாற்றத்தைக்கூட 10 நிமிட காட்சியாக காட்டும்போது "படம் ரொம்ப ஸ்லோ" என்ற கமெண்ட் வருவது இயற்கையே. ஆனால் அந்த 'ஸ்லோ' தான் இந்த படத்திற்கு ஒரு கிளாசிகல் டச் தருகிறது. மொத்த டெக்னிசியன்களின் உழைப்பும் ஒவ்வொரு காட்சியிலும் அப்படியே தெரிகிறது.
சூர்யா இந்த கதைக்காக ரொம்பவே மெனக்கெட்டிருக்கிறார். சினிமா ஹீரோக்களை role modelஆகா நினைக்கும் 15 வயதில், தன் அப்பாவை கதாநாயகனாக பார்க்கும் ஒரு மகனின் நினைவலைகள்தான் வாரணம் ஆயிரம். டிப்பிகல் மிடில் கிளாஸ் குடும்பத்தில் பிள்ளைகளை பார்த்து பார்த்து வளர்க்கும் போது இது போன்ற உணர்வுகள் பிள்ளையின் மனதில் உருவாவது இயல்பானதே. படம் ரொம்ப ஸ்லோ, அதிகமாக ஆங்கில வசனங்கள், தேவையில்லாத கிட்நாப் காட்சி என்று படித்த எல்லா விமர்சனங்களும் படம் பார்த்த போது பொய்யாய் போனது. எந்த இடத்திலும் எந்த காட்சியும் துளி கூட எனக்கு உருத்தவுமில்லை போர் அடிக்கவுமில்லை. எக்சலென்ட் பிலிம்.

ஷங்கர் | எந்திரன் | கில் பில்

2008-12-09T01:23:00.001-08:00

சில மாதங்களுக்கு முன் Kill Bill என்றொரு படம் பார்த்தேன். படம் ஆரம்பத்தில் இருந்து கடைசி வரை ரத்தம் ரத்தம் ரத்தம், அப்படி ஒரு முழுநீள action படம். ஒரு பெண் பழிவாங்கும் கதை. படத்தின் இடையில் ஒரு 20 நிமிடம் கதை கார்ட்டூனில் நகரும். கார்ட்டூன் வடிவத்திலேயே பல உச்சகட்ட வன்முறை காட்சிகள் படமாக்கப்பட்டிருக்கும். கார்ட்டூனாய் காட்டாமல் காட்சிகளாக காட்டியிருந்தால் படத்தை வெளியிட தடை விதித்திருந்தாலும் ஆச்சரியப்படுவதர்க்கில்லை. அப்படியொரு ரணகளம். இந்த கார்ட்டூன் யுக்தியைதான் கமல் ஆளவந்தான் படத்தில் சிறிய அளவில் பயன்படுத்தியிருப்பார். இந்த படத்தின் Stunt choreographerஆன Yuen Woo Pingகைத்தான் ஷங்கர் தற்ப்போது தான் இயக்கும் எந்திரன் படத்தின் டீமில் சேர்த்திருக்கிறார். அந்நியன், சிவாஜி என்று தன் கடைசி இரண்டு படத்திலும் action காட்சிகள் ரொம்பவே வித்தியாசமாக தந்த ஷங்கர், அதைக்காட்டிலும் எந்திரன் படத்தில் மிரட்டலாக தருவார் என்று அடித்துச் சொல்லலாம். இதோ Kill Bill படத்தில் இருந்து Yuen Woo Ping இயக்கிய ஒரு சண்டைக்காட்சி. குறிப்பாக சண்டைக்காட்சியின் ஆரம்பத்தில் வரும் பின்னணி இசையையும் சேர்த்து கவனிக்கவும்.

எனக்கென்னவோ ஷங்கரின் வெற்றிக்கு அவர் கைகோர்க்கும் எக்ஸ்சலென்ட் டெக்னிசியன்கள் தான் முக்கிய காரணம் என்று எப்போதுமே தோன்றும்.

கடந்துபோன காற்று

2008-12-03T14:25:00.000-08:00

கடந்த கால நட்புக்களை சற்றே திரும்பிப்பார்க்கிறேன், முறிந்து போன சில உறவுகளை பற்றி நினைத்துப் பார்க்கிறேன், முரண்பாடுகளால் முறிந்துபோனதைவிட, அதிக அன்பால் முறிந்துபோனதே அதிகமாக தெரிகிறது. எவ்வளவுதான் ஆழமான நட்பாக இருந்தாலும் அங்கேயும் சில விஷயங்கள் உரிமை மீறலாகவே கருதப்படுகிறது. அளவுக்கு மீறினால் அமிர்தமும் நஞ்சு என்பது நன்றாக இப்பொழுது புரிகிறது. முறிந்துபோய்விட்டது என்று சொன்னாலும் அவை இன்றும் இதயத்தில் ஒரு சுகமான சுமையாகவே இருக்கிறது. கற்காலத்தில் இருந்தால் கூட தொடர்புகொள்ள முடியாத நிலை என்று நம்மை நாமே சமாதானம் செய்து கொள்ளலாம். இன்றைக்கு அதற்குக் கூட வழியில்லை. இன்டர்நெட்டும் , ஈ மையிலும், எஸ்.எம்.எஸ்சும் இருந்தும் தொடர்பு கொள்ளவிரும்பாத ஒரு தேக்கநிலை ரொம்பவே பாதிக்கிறது. முள்ளை முள்ளால் எடுப்பது போல் நட்பினால் ஏற்ப்பட்ட இந்த சுமையை கூட சில நண்பர்கள்தான் போக்குகிறார்கள்.

Salute to brave heros

2008-11-29T16:33:00.000-08:00

Photo: Major Sandeep Unnikrishnan, Additional Commissioner Ashok kamte, ATS Chief Hemant Karkare, Inspector Vijay Salaskar

Salute to great heros' who lost their life in hunting down the terrorist in Mumbai attack. As a citizen of India, we must stand together to rebuilt what has been destroyed and prove only such incident will make us stronger. Thanks to police, army, NSG, MARCOS and every one who was part of this 60 hour operation.
Also let us salute all other brave officers who laid down their lives in protecting our country.

Constable: Jayawant Patil
Constable: Yogesh Patil
Constable: Ambadas Pawar
Railway Police: M.C.Choudhary
NSG Commando: Gajendra Singh
Inspector: Shasank Shinde
Sub Inspector: Prakash More
Constable: A.R.Chitte
Constable: Vijay Khandekar
Sub Inspector: V.Obale
Sub Inspector: Babusaheb Durgude
Sub Inspector: Nanasaheb Durgude

Cheers ISRO - Historic Event

2008-11-14T14:36:00.000-08:00

Picture courtesy: The Hindu. HISTORY MADE AT 8.31 P.M. FRIDAY: A close-up photograph of the Moon’s surface taken by the video camera of the Moon Impact Probe on Friday (November 14, 2008) as the MIP approached the Shackleton crater after separating from Chandrayaan-1.

My hearty wishes & congratulations to the entire team involved in this project.

Message on Moon:

Some of the intresting messages left on message board of NDTV's "If you could leave a message on moon"

Let there be peace and tranquility on earth and no more wars anywhere.Share all the nature''s bounties without destruction and protect every nature''s creation since it has some pupose. Let human beings abhor greed, hatred and all kinds of fanatism. Protect the weakest and helpless -- Yantrik

This part of moon belongs to JAYADEV. Trespassers will be prosecuted. -- Jayadev

Hello Nila,
my grand mother used to show u and make me to eat the food. now it is the time i will come to you and make eat my grand son or daughter -- Subash

India is not just a nation watching NASA''s space programs, but a competitor, a tough competitor. Want proof? Its chandrayaan. -- prakasanpraveen

M=More
O=Opportunities
O=Opened
N=Now
-- taransbedi

If I should address it to the Moon, I would advise IT not to allow human beings in its territory !! -- Nariman_789

தாடி, மீசை, ரேசர்

2008-11-02T20:10:00.000-08:00

பளபளக்கும் முகத்தில் உதட்டிற்கு மேலே தூசி போல் முடி முளைத்திருக்க கீழே புல் போல் தாடி இருக்க, முகத்தில் ரோமங்கள் எட்டிப் பார்க்க ஆரம்பித்த வயசு முதல் இந்த தாடி மீசையை ஒழுங்குபடுத்துவதில் எனக்கொரு தணியாத ஆர்வம் எப்போதும் உண்டு. அதிலும் முதல் முறை ஷேவ் செய்வதற்காக காத்திருந்ததை ஒரு தவம் என்றே சொல்லலாம் . இளம்வயதிலேயே ஷேவ் செய்வதால் முகமும் முடியும் கரடு முரடாக வளர்வதற்கு வாய்ப்பு உண்டு என்பதால் அப்பா மறுக்க, ஆர்வம் அதிகமானதே தவிர குறையவில்லை. ஒரு வழியாக வெகு நாட்களுக்குப்பின் அப்பா தன்னுடைய சிசரை கொடுத்து ட்ரிம் பண்ண மட்டும் அனுமதித்தார்.

படிப்பதற்காக வெளியூர் சென்றபோது அவர் சொன்ன பல அறிவுரைகளில் ஒன்று, எக்காரணம் கொண்டும் கடையில் ஷேவ் செய்யாதே, அப்படியே செய்ய நேர்ந்தாலும் ரிவர்ஸ் போடாதே என்பதும் ஒன்று. படிக்கும் போது முதல் இரண்டு வருடம் தாடி இல்லாமலும் பின்னர் தாடி மீசை, பிரெஞ்சு மீசை என பலப்பல அவதாரங்கள் எடுத்திருக்கிறேன். எந்த ரேசரை உபயோகப்படுத்தினாலும், அடுத்து இருக்கும் லேட்டஸ்ட் மாடலை வாங்கவேண்டும் என்று எப்போதும் தோன்றும். சிசரில் ஆரம்பித்து எந்த பிராண்ட் ரேசர், பிளேடு, க்ரீம்மையும் நான் விட்டு வைத்தது இல்லை, எந்த ரேசரும் என்னோடு ஒரு வருடத்திற்கு மேல் இருந்தும் இல்லை. ஒன்று உடைந்து விடும் அல்லது ஹோஸ்டலில் எனக்கு தெரியாமல் நண்பர்கள் யாராவது எடுத்து உபயகப்படுதிவிட்டு அதை பாத்ரூமிலேயே வைத்து விடுவார்கள். ஒரு வாரம் கழித்து பரிதாபமான நிலையில் என் கண்ணில் படும். அதற்குப் பிறகும் அதை நான் எப்படி உபயோகப்படுத்துவேன்? எடுத்து அடக்கம் செய்து விட்டு, குறைந்த விலைக்கு வேறு ஒன்று வாங்குவேன். அதிகநாள் உபயோகித்தது 7'o Clock ரேசரும், brushம் தான்.

இந்தியாவில் இருந்து கொண்டுவந்த ரேசர் ஒருநாள் காலை திடீரென மக்கர் பண்ண Gillet Fusion ஒன்று வாங்கினேன். வெகுநாட்களாக எலெக்ட்ரானிக் ரேசர் ஒன்று வாங்கவேண்டும் என்கிற எண்ணம் அவ்வப்போது எழுந்து விலையின் காரணமாக (Rs.1500) அப்பொழுதே மரித்துப்போகும். அமெரிக்கா வந்த ஒரு மாதத்தில், முடி வெட்டிக்கொள்வதர்க்காக சலூனுக்கு சென்ற போது, கத்தியின்றி ரத்தமின்றி யுத்தமொன்று வருகுது என்பதைப்போல் கதியும் இன்றி கத்திரிக்கோலும் இன்றி மிஷினால் ஐந்தே நிமிடத்தில் வெட்டி விட்டு 12 டாலர் கறந்துவிட்டார். முடி வெட்டியவர் ஒரு மெக்சிகன் இளம் பெண் என்பதை தவிர வேறு ஒன்றும் விசேஷமாக சொல்வதற்கில்லை. இப்படி பலமுறை 12 டாலர் கொடுத்த பிறகுதான் தோன்றியது, இப்படி கொடுப்பதற்கு பதில் ஒரு எலெக்ட்ரானிக் ட்ரிம்மர் வாங்கியிருக்கலாம் என்று.

கடைக்கு சென்று பார்த்தால் கிட்டத்தட்ட இருபதுக்கும் மேலான மாடல் இருந்தன. சற்றே குழம்பி எதுவும் வாங்காமல் திரும்பிவிட்டேன். இந்தியாவில் இருந்த வரையில் விளம்பரத்தை பார்த்தே பொருள் வாங்கிய நான் அமெரிக்கா வந்ததில் இருந்து review பார்த்து வாங்கும் பழக்கம் தொற்றிக்கொண்டது. கூகிளில் தேடியதில் Philips Norelco G380 மற்ற மாடல்களைக் காட்டிலும் நாலரை ஸ்டார் வாங்கி முதலில் இருந்தது. Mini shaver, hair clipper, beard & moustache trimmer, nose trimmer, precision trimmer, full size trimmer, cleaning brush, traveling pouch என்று கிட்டத்தட்ட மொத்தம் 10 item கொண்ட இதை 42 டாலர் கொடுத்து ஒரு வழியாக வாங்கிவிட்டேன். கடந்த ஒரு வாரமாக அதைத்தான் பயன்படுத்துகிறேன்.

Brush, scissor, பிளேடு, கிரீம், after shave lotion என்று எதுவும் தேவை இல்லை, நம்ம விஜயகாந்த் (அவர்தாங்க one man army) மாதிரி அனைத்தையும் அந்த ஒரு மிஷனே பார்த்துக்கொள்கிறது. தாடி மீசை மட்டுமல்ல தலைமுடி கூட நன்றாக வெட்டுகிறது. Adjustable head இருப்பதால் முடியின் நீளத்திர்கேற்ப்ப அதை மாற்றிக்கொள்ளலாம். இது போன்ற மிஷின் இந்தியாவில் வராமல் இருப்பது நல்லது, அப்படி வந்து பாப்புலர் ஆனால், முடி வெட்டும் தொழில் நசுக்கப்படுகிறது என்று கண்டன குரல் எழும்பலாம். சரத்குமார் அகில இந்திய சமத்துவ மக்கள் கட்சி சார்பாக நலிவடைந்து வரும் முடிவெட்டும் தொழில் மேம்பட அரசு உதவவேண்டுமென முதலமைச்சரிடம் கோரிக்கை வைக்கலாம். இந்த தொழிலில் உள்ளவர்களுக்கு ஊக்கத்தொகை வழங்கவேண்டுமென நாடாளும் மக்கள் கட்சி சார்பாக கார்த்திக் போராடலாம். இது போன்ற காமெடிகள் அரங்கேற நிறைய வாய்ப்பு உண்டு. அந்த அளவுக்கு மிஷின் சூப்பராக இருக்கிறது. குறிப்பாக சிறு சிறு வெட்டுக்காயங்கள், கீறல்கள் விழுவதற்கு வாய்ப்பே இல்லை. ஷேவ் செய்த பிறகு அறவே எரிச்சல் கிடையாது. பிறர் உதவியின்றி நாமே அனைத்தையும் செய்துகொள்ளலாம்.மொத்தத்தில் வெகு நாட்கள் தேடலுக்குப் பிறகு ஒரு நல்ல ரேசர் கிடைத்திருக்கிறது.

ராமன் தேடிய சீதை - சில நேரங்களில் சில மனிதர்கள்

2008-10-24T16:22:00.000-07:00

நண்பா நண்பா நீ கொஞ்சம் கேளடா
நாமும் ஜெயிப்போம் என நம்பி வாழடா
உனை நீயே தாழ்வாய் பார்க்காதே
அட நீ உன்னிடம் தோற்காதே
எதுவும் முடியும் என்று நினை
நீ எழுந்து நடக்கும் ஏவுகணை

மேலே உள்ள பாடலின் கருத்தே படத்தின் கதை. வாழ்க்கையில் அடுத்தடுத்து நடக்கும் சோகங்களால் நிலைகுலைந்து போய் இருக்கும் ஒருவன் அதை எப்படி எதிர்கொள்கிறான் என்பதை தரமான முறையில் சொல்லி இருக்கும் படம். நெடுமாறன், தமிழிசை, கயல்விழி, செந்தாமரை என முக்கிய கதாபாத்திரங்களின் தூய தமிழ் பெயர்களே ஏதோ ஒரு புதுமையான படம் பார்க்கின்றோம் என்கின்ற உணர்வை தூண்டிவிடுகின்றன. சிறு வயதில் மன அழுத்தம் ஏற்ப்பட்டு சில மாதங்கள் மன நல மருத்துவமனையில் இருக்கிறார் சேரன். திருமணத்திற்காக பெண் பார்க்கப் போகின்ற இடத்தில், பெண்ணிடம் இதை பற்றி முன்பே சொல்ல, அதனால் அச்சப்படும் பெண்கள் இவரை ஏற்க்க மறுக்கின்றனர். திருமணத்திற்கு முன்பு சராசரி பெண்களின் மனநிலமையையும், பல பெண்களால் வெறுக்கப்பட்ட ஒரு கண்ணியமான ஆணின் மனநிலையையும் மாறி மாறி காட்டி உணர்ச்சிகளின் போராட்டமாகவே தொடங்குகிறது படம்.

"வெற்றிபெறுவோம் நிகழ்ச்சியில் காலை வணக்கத்துடன் தோழன் நெடுமாறன். வணக்கம் நண்பர்களே. உங்கள் கைகள் பணியை செய்யட்டும் செவிகள் நிகழ்ச்சியை கேட்கட்டும். இந்த நொடியும் நாளும் வாழ்வில் திரும்ப வராது. ஆகவே செய்வதை மிக சரியாக செய்து விடுங்கள். வெற்றி உங்கள் வீட்டுக் கதவை தட்டி நிற்கும்"

என்று சொல்லும் ரேடியோ ஜாக்கியாக பசுபதி. நெடுமாறான் என்கின்ற தமிழ் பெயருக்கு ஏற்றாற்போல் சுத்தமான தமிழ் உச்சரிப்புடன் கலக்குகிறார். கண்பார்வையற்ற பசுபதிக்கும் கஜாலாவுக்கும் இடையே வரும் காதல் ஆரவாரமான பாடல்களுக்கு நடுவே வரும் ஒரு அழகிய ரிங்டோன்.

சேரனின் வாழ்க்கையில் விமலா ராமன், ரம்யா, நவ்யா நாயர், கிருத்திகா என ஒவ்வொரு பெண் வரும்போதும் இவரைத்தான் கை பிடிக்கப் போகிறார் என்று எண்ண, அது வெறும் கை குலுக்கும் நட்பாகவே முடிந்துபோவது எதிர்பாராத திருப்பம். திருடனாக வரும் நிதின் சத்யா தன் பங்கிற்கு சேரன் பார்க்கும் மூன்றாவது பெண்ணை (கிருத்திகா) தட்டிக்கொண்டு செல்கிறார். அனைவரின் இயல்பான நடிப்புக்கிடையில் நிதின் சத்யாவின் நடிப்பு மட்டும் ஏனோ மிகவும் artificialஆகா தெரிகிறது. டயலாக் டெலிவரியில் timing sense மிஸ் ஆவதால் அதிகம் சிரித்திருக்க வேண்டிய காட்சிகள் கூட சப்பென முடிந்துவிடுகிறது (உ.ம்: ஓட்டபந்தயத்தில் வென்றவுடன் பேட்டி எடுக்கும் காட்சி) .

சப்-இன்ஸ்பெக்டராக வேலை பார்க்கும் நவ்யா நாயரை பெண் பார்க்க போய், லத்தி சார்ர்ஜ்ல் மாட்டி சேரன் அடி வாங்கும் காட்சி செம்ம சூப்பர். அங்கங்கே ஆட்டோகிராப்ஐ நினைவுபடுத்தினாலும் படம் பார்த்து முடித்தவுடன் ஒரு புதிய படத்தை பார்த்த உணர்வே ஏற்படுகின்றது. யதார்த்த நாயகனாக சேரன் என்னதான் அழுது புரண்டாலும் தன்னம்பிக்கை நாயகனாக வரும் பசுபதியே வசீகரிக்கிறார். அனைவரையும் நல்லவர்களாக காண்பித்து, சிலர் செய்யும் தவறைக் கூட, "சில நேரங்களில் சில மனிதர்கள்" என்ற போக்கில் மன்னித்து பிறருக்கு உறுத்தாத ஒரு வாழ்வை படைத்துககாட்டி இருக்கும் அறிமுக இயக்குனர் பாராட்டுக்குரியவரே.

வளரும் குடும்ப அரசியல்

2008-10-22T15:39:00.000-07:00

Picture Courtesy: Idly Vadai & Aol

எண்ணங்கள் ஆயிரம்

2008-10-17T02:18:00.000-07:00

கண்ணதாசன் எழுதிய 'எண்ணங்கள் ஆயிரம்' புத்தகத்தில் இருந்து எனக்குப் பிடித்த கட்டுரைகளில் ஒன்றான 'நான் ஒரு இந்து' கட்டுரை.

நான் ஒரு இந்து.
இந்து என்பதில் பெரும்மைப்படுகிறேன்.
நான் எல்லா மதத்தினரையும் மனமார நேசிக்கிறேன்; ஆனால் இந்துவாகவே வாழ விரும்புகிறேன்.

நான் கடவுளை நம்புகிறேன்; அவனை காட்டியவனை போற்றுகிறேன்: அந்த கடவுளை கல்லிலும் கருத்திலும் கண்டு வணங்குகிறேன்.

ஆன்மா இறைவனோடு ஒன்றிவிடும்போது, அமைதி இருதயத்தை ஆட்சி செய்கிறது.

நாணயம், சத்தியம், தர்மம் இவற்றின் மீது நம்பிக்கை பிறக்கிறது.
நேரான வாழ்கையை இருதயம் அவாவுகிறது.
பாதகங்களை, பாவங்களை கண்டு அஞ்சுகிறது.
குறிப்பாக ஒரு இந்துவுக்கு தம் மத அமைப்பின் மூலம் கிடைக்கும் நிம்மதி வேறு யாருக்கும் கிடைப்பதில்லை.

கடைசி நாத்திகனையும் அது ஆத்திகன் என்றே அரவணைத்துக் கொள்கிறது. "என்னை திட்டுகிறவந்தான் அடிக்கடி நினைத்துக்கொள்கிறான்; ஆகவே அவன்தான் முதல் பக்தன்" என்பது இறைவனின் வாக்கு.
இந்து மதத்தைப்போல் சகிப்புத்தன்மை வாய்ந்த மதம் உலகில் வேறு எதுவும் இல்லை.
நீ பிள்ளையாரை உடைக்கலாம், பெருமாள் நாமத்தை அளிக்கலாம்; மத சின்னங்களை கேலி செய்யலாம்; எதை செய்தாலும் இந்து சகித்துக்கொள்கிறான்.

ஏதோ பரம்பரையாகவே பகுத்தறிவாளனாக பிறந்தது போல் எண்ணிக்கொண்டு, பாத்திரத்தை நிரப்புவதற்காகவே சாஸ்திரத்தை கேலி செய்யும் பகுத்தறிவுத் தந்தைகள் இஸ்லாத்தின் மீதோ, கிறிஸ்துவத்தின் மீதோ கை வைக்கட்டும் பார்க்கலாம்?.
கடந்த நாற்ப்பது வருஷங்களில் ஒரு நாலாவது அதற்கான துணிவு ஏற்ப்பட்டதாக தெரியவில்லை !

பாவப்பட்ட இந்து மதத்தை மட்டுமே தாக்கிக் கொண்டு, அதை நம்புகிறது அப்பாவிகளிடம் ரேட்டு வாங்கி சொத்து சேர்க்கும் பெரிய மனிதர்களைத்தான் பார்த்திருக்கிறேன்.
அவர்கள் பேசுகிற நாத்திகவாதம், அவர்கள் 'குடும்பம் நடத்துகிற வியாபாரம்' என்பதை அறியாமல் வாழ்க்கையையே இழந்து நிற்கும் பல பேரை நான் அறிவேன்.

பருவ காலத்தில் சருமத்தின் அழகு மினுமினுப்பதைப் போல், ஆரம்ப காலத்தில் இந்த வார்த்தைக் கேட்டு ஏமாந்தவர்களில் நானும் ஒருவன்.
நடிகையின் 'மேக்-அப்' பைக் கண்டு ஏமாறுகிற சாரா சரி மனிதனைப் போல், அன்று இந்த வார்த்தை கேட்டு ஏமாந்தவர்களில் நானும் ஒருவன்.
அந்தக் கவர்ச்சி எனக்கு குறுகிய கால கவர்ச்சியாகவே இருந்தது இறைவனின் கருணையே !
என்னை அடிமை கொண்ட கண்ணனும், ராமனும் இன்று சந்திர மண்டலத்துக்கு பயணம் போகும் அமெரிக்காவையே அடிமைகொண்டு, ஆன்மீக நெறியில் திளைக்க வைத்திருகிறார்கள் .
அமெரிக்காவை விடவா ஈரோடு பகுத்தறிவில் முன்னேறிவிட்டது?
வேண்டுமானால் 'பணத்தறிவில்' முன்னேறிவிட்டது என்று சொல்லலாம்.
ஆளும் கட்சியாக எது வந்தாலும் ஆதரித்துக் கொண்டு, தன் கட்சியும் உயிரோடு இருப்பதாகக் காட்டிக் கொண்டு, எது கொடுத்தாலும் வாங்கிக்கொண்டு வாழ்க்கையை சுகமாக நடத்துவதற்கு, இந்த நாத்திக போலிகள் போட்டிருக்கும் திரை, பகுத்தறிவு !
உலகத்தில் நாத்திகம் பேசியவன் தோற்றதாக வரலாறு உண்டே தவிர, வென்றதாக இல்லை. இதை உலகமெல்லாம் இறைவன் நிருபித்துக்கொண்டு வருகிறான்.
அவர்கள் எப்படியோ போகட்டும்.
இந்த சீசனில் வாழ்ந்துகொண்டிருக்கும் சில மனிதர்கள் கோவில்களுக்கு முன்னால் பகுத்தறிவு விளையாட்டு விளையாடிப் பார்க்கலாமென்று கருதுகிறார்கள். இதை அனுமதித்தால், விளைவு மோசமாக இருக்கும்.
நம்பிக்கை இல்லாதவன் கோவிலுக்குப் போக வேண்டாம். நம்புகிறவனை தடுப்பதற்கு அவன் யார்?.
அப்பாவி இந்துக்கள் பேசாமல் இருக்க இருக்கச் சமுதாய வியாபாரிகள் கோவிலுக்கு முன்னால் கடை வைக்கத் தொடங்குகிறார்கள்.
வெள்ளைக்காரனின் கால்களை கட்டி பிடித்துக்கொண்டு, 'போகாதே போகாதே என் கணவா' என்று பாடியவர்களுக்கு நாட்டுப் பற்று எங்கிருந்து வரும்?
தெய்வப் பற்று இல்லாதவர்களுக்கு நாணயம், நேர்மை இவற்றின் மீது நம்பிக்கை எங்கிருந்து வரும்?
இந்த நாலரை கோடி மக்களில் நீங்கள் சலித்துச் சலித்து எடுத்தாலும், நாலாயிரம் நாத்திகர்களைக்கூட காண முடியாது.
பழைய நாத்திகர்களை எல்லாம் நான் பழனியிலும் திருப்பதியிலும் சந்தித்துக் கொண்டிருக்கிறேன் !
ஆகவே, இந்த காரியங்களுக்கு யாரும் துணை வர மாட்டார்கள்.
குறிப்பு: பெரியார் சேலத்தில் நடத்தியது போல் சென்னையிலும் ஒரு ஆபாச ஊர்வலம் நடத்த முயன்ற போது எழுதப்பட்ட கட்டுரை இது. இதை தொடர்ந்து அந்த முயற்சி கைவிடப்பட்டது.
Picture Courtesy: kannadhasan Pathippagam

அமெரிக்கா மியுசியத்தில் அய்யனார் சிலை

2008-08-27T19:22:00.001-07:00

டென்வர் ஆர்ட் மியுஸியம். இரண்டு கட்டிடங்கள், மொத்தம் சேர்த்து 10 தளங்கள் கொண்ட இந்த மியுசியத்தை முழுவதுமாக சுற்றிப்பார்க்கவேண்டுமென்றால் குறைந்த பட்சம் 2 நாட்கள் தேவை. ஒவொரு தளமும் ஒரு குறிப்பிட்ட கலாசாரத்தை பிரதிபலிக்கும் படி இருக்கும். உதாரணமாக மூன்றாவது தளம் முழுவதும் American Indian கலாச்சாரத்தை அடிப்படையாக கொண்டு இருக்கும், அதுபோல் மற்ற தளங்கள் Asian, Western American, Modern & Contemporary, European & American Textiles, Northwest Coast, Pre-Columbian Spanish Colonial என்று பிரித்து வைத்திருந்தார்கள். மூன்றாவது தளத்தில் உள்ள American Indian கேலரியை பார்க்கும் போது கூட அப்படி ஒன்றும் பிரமாதமாக இல்லை. அங்கு இருந்த எல்லாமே நம் நாட்டு பழங்காலப் பொருட்கள்தான். உதாரணமாக சொல்லவேண்டுமென்றால், உணவு பரிமாறும் கரண்டி, தட்டு, ஓலையால் செய்யப்பட்ட கூடை போன்றவைதான். அங்கிருந்த சில பொருட்கள் இன்னும் கூட நாம் பயன்படுத்தும் பொருட்கள்தான் என்பதால் அவ்வளவு வியப்பாக இல்லை.

ஐந்தாவது தளமான Asian கேலரிக்குள் நுழைந்த போதுதான் ஆச்சர்யம் காத்துக்கொண்டிருந்தது. Asian கேலரியில் அதிகம் இருந்தது இந்திய பொருட்கள்தான் அதிலும் குறிப்பாக தமிழ்நாட்டுப் பழங்காலப் பொருட்கள்தான். சிவன், விஷ்ணு, துர்கை போன்ற கடவுளின் அந்தக்கால சிறிய சிலைகள் இருந்தன. ஒவ்வொன்றாக பார்த்துக்கொண்டு வரும்போது, திடீரென கண்ணில் பட்டது அந்த பெரிய அய்யனார் சிலை. பார்த்தவுடன் சற்றே மெய்சிலிர்த்துப்போனேன். அப்படியொரு அருளோடு கூடிய சிலை. சற்றே உணர்ச்சிவசப்படும் நம்மவர்கள் யாரேனும் பார்த்திருந்தால் அருள் வந்து ஆடியிருப்பார்கள். "Rampant horse & Rider, India Madura, Nayak Dynasty, 17th century stone. Charles Baylly Jr. Collection by exchange 1966.14" என்ற குறிப்போடு இருந்தது. இத்தனை கடல் தாண்டி பல மைல்களுக்கு அப்பால் உள்ள நம் கலாச்சாரத்தை, நாம் வழிபட்ட காவல் தெய்வத்தை, சிலையின் கம்பீரம் சற்றும் சிதையாமல் எதன்மூலம் கொண்டுவந்திருப்பார்கள், இதற்க்கெல்லாம் யார் initiative? எப்படி Negotiation நடந்திருக்கும்? என்று அடுக்கடுக்கான ஆச்சர்ய கேள்விகள். God is a circle whose centre is everywhere and circumference nowhere என்பதை தவிர வேறு என்ன பதில் இருக்க முடியும். சில நேரங்களில் நடக்கப்போகும் விஷயங்களை விட நடந்துமுடிந்த விஷயங்களே அதிக வியப்பை தருகிறது. சிவனும் விஷ்ணுவும் துர்கையும் இருப்பதில் வியப்பில்ல்லை, காரணம் அவை இந்தியா முழுவதும் வழிபடும் தெய்வங்கள். ஆனால் அய்யனார் என்பது நம் தமிழகத்தில் அதிலும் குறிப்பாக கிராமப்புறங்களில் ஊருக்கு வெளியே எல்லையில் உள்ள காவல் தெய்வம். அது எப்படி இங்கே? அதுவும் மதுரையில் இருந்து கொண்டுவரப்பட்டது என்ற குறிப்போடு!

ஹும்ம்ம்ம்ம்.... அய்யனார் ஒருபுறம் என்றால் சற்றே திரும்பினால் ஒரு மிகப்பெரிய ஹனுமார் சிலை, மரத்திலேயே செய்யப்பட்ட ஹனுமார் சிலை. மரத்திலே செய்யப்பட்ட கடவுள் சிலையை நான் நம்ம ஊரில் கூட பார்த்ததில்லை. ஆனால் இங்கே இருக்கிறது. அருகில் இருந்த குறிப்பில் Hanumaar என்றே ஆங்கிலத்தில் எழுதியிருக்கலாம் அதை மொழிபெயர்த்து Monkey God என்று எழுதியிருந்ததுதான் சற்று உறுத்தலாக இருந்தது. Monkey God என்பதை மீண்டும் தமிழ்ப்படுத்திப் பார்த்தேன்...சகிக்கமுடியவில்லை. "Monkey God (Hanuman), India, 1800, Wood" என்ற குறிப்போடு இருந்தது. அதேபோல் "Goddess Durga with lion. India, Propably Uttar Pradesh about 950, Sand stone. Gift of Elizabeth B. Labrot in memory of Marjorie Mclnsoch Bwell. 1983.266" என்ற குறிப்போடு மண்ணால் செய்யப்பட்ட ஒரு சிறிய துர்கை சிலை. "Shiva & Parvathy (Uma Maheswara) India, Madhya Pradesh, 1000's, Sand Stone" என்ற குறிப்போடு சிவன் பார்வதி சிலை. "God Shiva & his sacred bull nandhi, central India, Red Sand Stone" என்ற குறிப்போடு நந்தியுடன் கூடிய சிவன் சிலை. அதே போல் ஒரே கல்லில் செதுக்கப்பட்ட விஷ்ணு மற்றும் அவருடைய அவதாரங்கள், அதாவது கல்லில் விஷ்ணுவுடைய உருவம் பெரிதாகவும், உருவத்தை சுற்றியும், கை கால்களுக்கு இடையே அவருடைய அவதாரங்களும் செதுக்கப்பட்டுள்ளன.

அதே போல் இன்னொரு பொருளும் பார்த்தேன், அதை பற்றி நான் சொல்லுகிறேன் அது என்னவென்று நீங்கள் சொல்லுங்கள். ஒரு மிகப்பெரிய உருண்டையான கல், எப்படி அளந்தாலும் அதனுடைய diameter கண்டிப்பாக ஒரே அளவுதான் இருக்கும். இன்றும் காரைக்குடி பக்கம் உள்ள செட்டிநாட்டு கிராமங்களில் கோவில் அருகேவோ அல்லது ஊரணிக்கு அருகிலேயோ அது போன்ற கல்லை பார்க்கலாம். அனேகமாக உடனே எல்லோரும் சொல்லிவிடலாம் அது இளவட்டக்கல் என்று. ஆனால் இந்தப்பொருள் Asian கேலரியில் இல்லாமல் ஏனோ Pre-Columbian Spanish Colonial கேலரியில் இருந்தது. அதை பற்றிய குறிப்பு ஒரு புத்தக வடிவில் அருகில் வைக்கப்பட்டிருந்தது, படிக்க பொறுமை இல்லாததால் வந்துவிட்டேன். ஒரு ஆப்ரிக்காவின் நாகரிகத்தையோ, ஐரோப்பாவின் தொன்மையையோ விளக்கும் படியான மியுஸியம் நம்ம ஊரில் எனக்கு தெரிந்து இல்லை. ஆனால் இங்கே இருக்கிறது. அனைத்து நாகரிகத்தையும் இங்கே பார்க்க முடிகிறது. மியுசியத்தில் மட்டுமல்ல, சாதரணமாக தெருவில் நடந்து போனால் கூட, எதிரே வரும் 10 பேர்களில் குறைந்தபட்சம் 2 மெக்சிகன், 2 சைனீஸ், 2 இந்தியர், 4 அமெரிக்கர்களை பார்க்கமுடிகிறது.

டெமாக்ரடிக் நேஷனல் கண்வென்ஷுன், டென்வர்- ஒரு நேரடி ரிப்போர்ட்

2008-08-26T00:13:00.000-07:00

நான்கு நாள் டெமாக்ரடிக் நேஷனல் கண்வென்ஷுன் டென்வரில் இன்று தொடங்கியுள்ளது. இந்த நான்கு நாள் மாநாட்டின் முடிவில் தான் ஒபாமா அதிகாரப்பூர்வமாக அமெரிக்கா அதிபர் தேர்தல் வேட்பாளராக அறிவிக்கப்பட இருக்கிறார். கிட்டத்தட்ட ஐம்பத்து ஆயிரம் முக்கிய உறுப்பினர்கள் கலந்துகொள்கிறார்கள், பதினைந்து ஆயிரம் ரிப்போர்ட்டர்கள் நிகழ்ச்சியை கவர் செய்கிறார்கள்.
Extended stay hotelகளில் ஒரு நாளைக்கு 30$ ஆகா இருந்த வாடகை இந்த நான்கு நாள் மட்டும் ஒரு நாளைக்கு 260$ ஆகா உயர்த்தப்பட்டுள்ளது. Down town முழுவதும் எங்கு திரும்பினாலும் போலீஸ் தான். பாதுகாப்புகள் மிகவும் அதிகமாக இருக்கிறது, கார், வேன், ஜீப், பைக், சைக்கிள் என்று ஆயுதம் ஏந்திய போலீசார் சுற்றி வந்து கொண்டே இருக்கீறார்கள். எதோ இங்கிலீஷ் படம் பார்க்குற மாதிரி இருக்கு. நான் அறிவாலயம் சென்றிருக்கிறேன். அறிவாலயத்தை சுற்றி என்ன என்ன பார்த்தேனோ அது எல்லாவற்றையும் இங்கும் பார்க்கமுடிந்தது. உதாரணமாக, அறிவாலயத்தில் கலைஞரின் படம், அவர் எழுதிய புத்தகம், அவரை பற்றிய புத்தகம், வாழ்க கோஷங்கள், தி.மு.க கொடி, கட்சி சார்ந்த பொருள்கள் விற்கும் குட்டி குட்டி கடைகள் என நான் அங்கே பார்த்ததை அனைத்தும் இங்கேயும் பார்க்க முடிந்தது. கலைஞருக்கு பதில் இங்கே ஒபாமா அவ்வளவுதான் வித்தியாசம். இங்கே எல்லா பக்கமும் ஒபாமா படம்தான். ஒபாமா படம் போட்ட டி ஷர்ட்கள், ஒபாமாவை பற்றிய புத்தகங்கள், நெஞ்கில் குத்திக்கொள்ளும் batchகள் என சகலமும் உண்டு. நம்ம ஊரு கடற்கரையில் நடிகர்களுடைய படங்கள் அட்டையில் இருக்கும், 5ரூ கொடுத்தால் அதோடு நின்று படம் எடுத்துக்கொள்ளலாம். அதே போல் இங்கே ஒபாமாவின் அட்டைப்படம் இருக்கிறது, ஒரு டாலர் கொடுத்து அதோடு நின்று போட்டோ கூட எடுத்துக்கொள்ளலாம். இங்குள்ள மீடியாக்கள் கூட மெக்கெயினை விட அதிகம் ஒபாமாவையே கவர் செய்கின்றன, தேர்தல் பிரச்சாரம் நம் நாட்டை விட ரொம்பவும் டிசென்ட்டாக நடக்கிறது, தைரியமாக நிருபர்களை சந்திக்கிறார்கள், குறிப்பாக அவர்கள் கேட்கும் எல்லாவிதமான கேள்விகளுக்கும் நேரடியாக பொறுமையாக பதில் சொல்லுகிறார்கள். சில பேட்டிகள் தொடர்ந்து ஒன்னரைமணி நேரம் கூட போகின்றது. அமெரிக்கா அரசியல் பற்றி எனக்கு ரொம்ப தெரியாது ஆனால் பொதுவாக அரசியல் என்பது Oscar Ameringer சொன்ன மாதிரி
"Politics is the gentle art of getting votes from the poor and campaign funds from the rich, by promising to protect each from the other. " என்பது தான் என்னுடைய கருத்து.

வாழ்க....வாழ்க.....

2008-08-24T22:31:00.000-07:00

Photo Courtesy: HumanityAshore

சக்தியொரு பாதியாய்ச் சிவனுமொரு பாதியாய்த்
தர்மத்தில் இணைந்து வாழ்வோம்
கத்திவழி நேர்மையாய்ப் பண்புவழி மேன்மையாய்ப்
பாரெல்லாம் வணங்க வாழ்வோம்!
பள்ளியறை கொள்வதில் பரமனடி சேர்வதில்
பக்கத்தில் பங்கு கொள்வோம்!
பாதாதி கேசமும் சீரான நாயகன்
பளிச்சென்று துணைவி வாழ்க!
படுவதொரு துயரேனும் வருவதொரு சுகமேனும்
பாதியாய்த் துணைவன் வாழ்க!
தாய்வீடு விட்டபின் தன்வீடு தாய்வீடு
என்றெண்ணியே தலைவி வாழ்க!
சமகால யோகமிது வெகுகால யாகமென
சம்சாரம் இனிது வாழ்க!

--கண்ணதாசன்

அரங்கேற்ற வேளை

2008-08-18T10:37:00.000-07:00

எல்லோருக்குமே காலேஜ் என்றாலே ஆட்டம் பாட்டம் கொண்டாட்டம் தான். அதிலும் cultural programs, sports, symposium என்று எல்லாம் ஒன்றாக வந்தால் க்ளாஸ்சுக்கே போகவேண்டியதில்லை, எல்லாமே O.D தான். எங்க காலேஜ்ல வைகோ தலைமையில ஒரு program நடந்துச்சு. பாக்கியராஜ், விவேக், தினேஷ் மூவரும் என்னுடைய ரூம்மெட். நம்மளும் ஏதாவது ஒரு நிகழ்ச்சியில் கலந்து கொள்ளலாமே என்று கூடிப் பேசி நாடகம் ஒன்று போடலாம் என்று முடிவு செய்தோம். எங்க காலேஜ்ல நாடகம், மியுசிக், மிம்மிக்கிரி போன்றவற்றின் பிதாமகன் தான் Sam. Sam தயவினால் இரெண்டே நாளில் கதை ரெடி. கிட்டத்தட்ட 10 கேரக்டர்கள். யார் யார் எந்தெந்த கேரக்டர் செய்வது என்று discussionனில் உட்கார்ந்து வெகுநேரத்துக்குப் பிறகு, முக்கிய கேரக்டர்களை எங்கள் ரூமில் உள்ள நால்வரும் செய்வது எனவும், இரண்டு கேரக்டர்களை பக்கத்து ரூம்மெட் ஆனா விஜய்யும், என் பெஞ்ச் மெட்டான ராஜகோபால் செய்வதெனவும், மீதமிருந்த கேரக்டர்களை ஷங்கர்லால், துளசி மற்றும் ஜுனியர்கள் செய்வதென முடிவானது. இதற்குப் பிறகு எந்தெந்த நபர் என்ன பேசவேண்டும், எப்படி நடிக்க வேண்டும், நாடகத்தின் பெயர் எல்லாமே Samமுடைய பொறுப்பு, காரணம் அவர் தான டைரக்டர் (இப்படி சொல்லித்தான் அவர கவுத்தோம்).

இப்போது நாடகத்தின் பெயர், ஸ்கிரிப்ட், டயலாக் போன்ற பேப்பர் வொர்க் எல்லாம் ரெடி. ட்ராமா ரிகர்சல் என்று சொல்லி H.O.D யிடம் மொத்தமாக நான்கு நாள் O.D வாங்கினோம். ஆனால் ரிகர்சல் என்ற பெயரில் நடந்தவை எல்லாமே கூத்துக்கள்தான். Sam பொறுப்பாக ஒவொரு கேரக்டர்கள் பேசவேண்டிய வசனங்களையும் தனி தனி பேப்பரில் எழுதி அவரவரிடம் கொடுத்தார். ரிகர்சலில், தினேஷ்க்கு எப்படி நடிக்கவேண்டும் எப்படி உச்சரிக்கவேண்டும் என்று Sam சொல்லிக் கொடுத்துக்கொண்டிருந்தார். பாக்கியராஜ் அவனை 'மாமி மாமி' என்று கிண்டல் அடித்துக்கொண்டிருந்தான். அப்படி கூப்பிட்டால்தான் அவன் அந்த கேரக்டர் ஆகவே மாறி நடிக்க முடியும், எல்லாம் ஒரு இன்வால்மெண்டுக்குதான் என்று சொன்னான். கடைசியில் மொத்த ட்ராமா ட்ரூப்பும் அவனை 'மாமி மாமி' என்றழைக்க, கடுப்பான தினேஷ், "போங்கடா நீங்களும் உங்க டிராமாவும்" என்று கோவத்தோடு கத்திவிட்டு வெளியே சென்றுவிட்டான். எவ்வளவு சமாதானம் செய்தும் மீண்டும் நடிக்க மறுத்துவிட்டான். ஒரு வகையில் அவன் செய்ததும் சரியே. ஆகா முதல் நாள் ரிகர்சல் முடிவில் உருப்படியாக எதுவும் நடக்கவில்லை.

தினேஷ் விட்டுச் சென்ற அந்த கேரக்டர்ருக்கு யாரைப்போடுவது என யோசிக்க ஆரம்பித்தோம். மீண்டும் ஆள் பிடிக்கும் படலம் ஆரம்பம் ஆனது. மாமி கேரக்டர் என்பதால் யாரும் சம்மதிக்கவில்லை. அடுத்த நாள் காலையில் ரிகர்சலுக்கு சென்றால் அங்கே மாமி கேரக்டர் வசனத்தை விவேக் பேசிக்கொண்டிருந்தான். "யாருமே கிடைக்கல அதுனால விவேக்க நடிக்க வச்சுட்டேன். அவனும் சரின்னு சொல்லிட்டான்" என்றார் Sam. அப்ப விவேக்கோட கேரக்டர் என்று கேட்க......"அதை சாகடிச்சாச்சு" என்றார். அடப்பாவிகளா overnightல ஒரு கேரக்டர்ஐயே க்ளோஸ் பண்ணீட்டீங்களே என்று நினைத்தேன். முதல் நாள் போல் இல்லாமல் சீரியஸ் ஆகவே ரிகர்சல் நடந்தது. ஓரளவுக்கு எல்லாம் ok ஆனா நிலையில், திடீர் என managementல் இருந்து 5 lecturer கொண்ட குழு ஒன்று ஏற்படுத்தி இருப்பதாகவும் அவர்கள் அனைத்து programமையும் பார்த்து நன்றாக இருப்பதை மட்டுமே மேடை ஏற அனுமதிப்பார்கள் என்று ஒரு தகவல் வந்தது. டான்ஸ் programல் பல பேர் கலந்துகொண்டதால், அனைவரையும் அனுமதிக்க முடியாததால் shortlist செய்வதற்குத்தான் இந்த குழு. நல்ல வேளையாக வேறு யாரும் நாடகம் போடாததால் வேறு வழியின்றி எங்களுடைய நாடகம் 23.02.2002 அன்று மேடையேறியது.

பி.கு: காலேஜ் முடிஞ்சு 5 வருஷம் ஆகுது. நாடகத்தோட பேரு, கதை, கேரக்டர்கள் பெயர் என்று எதுவுமே இப்போது நியாபகத்தில் இல்லை. அரங்கேற்ற வேளை படத்தில் வரும் 'சக்திநாதன் நாடக சபா' மாதிரி பேரு கூட வச்சோம், ஆனா கால வெள்ளத்தில் எல்லாமே மறந்து போச்சு. மழை நின்ற பிறகு தெளிவாய் தெரியும் வானத்தைப்போல் சில விஷயங்கள் மட்டும் நீங்காத நினைவுகளாக எஞ்சி இருக்கின்றன.

Photos:

1. நாடகத்தின் ஒரு காட்சி

2. Director Sam

3&4. Drama Troop

KEYWORDS: P.S.R.ENGINEERING COLLEGE, SIVAKASI, PSREC.

சுதந்திர தின வாழ்த்துக்கள்

2008-08-14T08:55:00.001-07:00

தலை கொடுத்தார் அந்த அனைவருக்கும்
தாயகமே எங்கள் முதல் வணக்கம்
சுதந்திரத்தைக் காத்த அனைவருக்கும்
சொல்லுகின்றோம் எங்கள் முதல் வணக்கம்

An inspired performance

2008-08-13T22:45:00.000-07:00

Congratulations Abhinav, your achievement made every Indian proud.

"I would like to reiterate that everyone who represents India at the Olympic Games has put in years of toil and sweat. I ask the Indian people to support our athletes more. It is fine to celebrate our achievements but it is just as important to keep up the backing when we are not on top of our game." --Abhinav Bindra in his blog.

Best Drunken Conversation

2008-08-06T11:55:00.001-07:00

Picture: Received via mail.

படத்தை பார்த்தவுடன், ஒரு சாராயக் கடையின் வாசலில் பார்த்த இந்த கவிதைதான் நினைவுக்கு வந்தது.

கோதையின் கூந்தலுக்கோ
முல்லை மனம்...
குடிக்கவரும் உங்களுக்கோ
பிள்ளை மனம்...
உத்தரவின்றி உள்ளே வா
சச்சரவின்றி வெளியே போ.

ஆயுதம் செய்வோம் - திரை விமர்சனம்

2008-08-04T17:59:00.000-07:00

1980களில் வந்திருந்தால் ஒரு வேலை மிகப்பெரிய வெற்றிப்படமாக அமைந்திருக்கலாம். இன்றைய சூழலில் ஒரு படம் வெற்றிப்படமாக அமையவேண்டுமானால் ஒன்று அதிநவீன டெக்னிகல் சமாச்சாரங்களுடன் நேர்த்தியான முறையில் வரவேண்டும். அல்லது, யதார்த்தத்தை மீறாமல் ரத்தமும் சதையுமாக சொல்லவேண்டும். சில இயக்குனர்கள் இந்த இரண்டு வகையிலும் சேராமல் ஒரு நாடகத் தன்மையோடு இயக்கிவிடுவதுண்டு, அப்படி வந்த படம் தான் 'ஆயுதம் செய்வோம்'.

காந்தியிசம் என்று சொல்லக்கூடிய அகிம்சையை மையமாக வைத்து கத்தியின்றி ரத்தமின்றிய யுத்தமே நல்ல தீர்வை தரும் என்று சொல்லியிருக்கீறார்கள். ஹீரோவை உயர்வாக காட்டவேண்டுமென்றால் வில்லனை கொடூரமாக சித்தரிக்கும் சராசரி தமிழ் சினிமாவைப்போல், அகிம்சையை உயர்திப்பிடிப்பதற்க்காக வன்முறையை அதிகமாக காட்டியிருக்கீறார்கள். கூடவே இரட்டை அர்த்த வசனம் வேறு. காந்தி மியூசியத்தில் கூட்டத்தை வரவழைப்பதற்கு, மாளவிகாவை வைத்து விளம்பரம் செய்வது மிகவும் அபத்தம். இந்த அபத்தமான காட்சியையும் வசனத்தின் மூலம் சரி என்று சொல்லியிருப்பது இயக்குனரின் திறமையே. அந்த வசனத்தின் ஒரு பகுதி.....

......காந்திய பத்தி நீங்க சொன்னா என்ன, நான் சொன்ன என்ன, அந்த நடிகைதான் சொன்ன என்ன, நல்ல விதையை யார் விதைத்தாலும் நல்ல செடிதான் தாத்தா முளைக்கும். யார் விதைச்சாங்குறது முக்கியமில்ல எத விதைசோங்குறதுதான் முக்கியம்......கடவுளே தெருவுல ஊர்வலம் போகும்போது சப்பரத்துக்கு எதிர்த்தாப்புல கவர்ச்சியா கரகாட்டம் வானவேடிக்கையின்னு வச்சாத்தான் நாலு பேரு வீட்டுக்குள்ள இருந்து வெளிய வந்து வேடிக்கை பாக்குறாங்க, சைலெண்ட்டா போச்சுன்னு வையுங்க சாமி வந்துட்டு போனது யாருக்குமே தெரியாம போயிரும். கடவுளுக்கே பப்ளிசிட்டி தேவைப்படும் போது அதுக்கு equalலா வச்சு கும்புடுற காந்தி தாதாவுக்கு பப்ளிசிட்டி தேவைப்படாத......காந்திய பத்தி எல்லோரும் தெருஞ்சுக்கணும் தான் அவர் படத்தை ரூபா நோட்டுல அச்சு அடுச்சிருக்காங்க. லஞ்சம் வாங்குறவனும் அந்த ரூபாயைத்தான் லஞ்சமா வாங்குறான், அநாதை
இல்லத்திற்கு நன்கொடை குடுக்குறவனும் அதே ரூபாயத்தான் கொடுக்குறான். ...

இந்த வசனத்தை தவிர படத்தில் ஒன்னும் சரியில்லை. வன்முறையை விட்டு ஹீரோ அகிம்சைக்கு மனம் மாறும் காட்சியை இன்னும் யதார்த்தமாக எடுத்திருக்கலாம். மணிவண்ணன், விஜயகுமார், நெப்போலியன், நாசர், சுகன்யா என்று ஒரு கூட்டம் இருந்தாலும் விஜயகுமாரை தவிர எந்த கதாபாத்திரமும் அழுத்தமாக இல்லை. குறிப்பாக என்கவுண்டர் எழுமலையாக வரும் நெப்போலியன் சுத்த வேஸ்ட்.

இப்படித்தான் வாழ வேண்டும் என்று சொன்ன காந்தியின் கொள்கையை, எப்படி சொன்னால் என்ன காந்தியின் கொள்கையைதானே சொல்லுகிறோம் என்று எடுத்திருக்கிறார்கள். குத்துப்பாட்டு, இரட்டை அர்த்த வசனங்கள் போன்றவற்றையும், மாளவிகா, விந்தியா போன்றவர்களையும் தவிர்த்து எடுத்திருந்தால் காந்தியிசத்தை இன்னும் மென்மையாக சொல்லியிருக்கலாம்.

கொசுறு: இன்றைய தேதியில் B & C சென்டரில் நன்றாக ஓடும் படங்கள் சுந்தர்.சி படங்கள்தானாம். இவர் படத்திற்கு மினிமம் கியாரண்டி உண்டாம். இந்த படத்திற்குப் பிறகு அவருடைய சம்பளம் 60 லட்சத்தில் இருந்து ஒன்னேகால் கோடியாக உயர்ந்திருக்கிறதாம்.

எங்கும் எதிலும் பாஸ்வோர்ட்

2008-07-29T17:57:00.000-07:00

கல்லூரியின் ஆரம்பத்தில் எனக்கு இருந்தது ஒரே ஒரு இ-மெயில் முகவரி. ஒன்னே ஒன்னு கண்ணே கண்ணு என்பதால் இரவில் எழுந்தால் கூட பாஸ்வோர்ட் நினைவில் இருக்கும். ஆனால் இப்போது எதற்கெடுத்தாலும் பாஸ்வோர்ட் என்றாகிவிட்டது. என் அலுவலகத்தில் உள்ள ரெஸ்ட்ரூமுக்கு கூட பாஸ்வோர்ட் உள்ளது. அவசரமாக சிறுநீர் கழிக்க வேண்டுமென்றால் கூட பாஸ்வோர்ட் தெரிந்தால் தான் போக முடியும், மறந்துபோனால் யாராவது வரும் வரை அங்கேயே நடை பழகிக்கொண்டிருக்க வேன்டியதுதான். சாதாரணமாக எங்கெல்லாம் பாஸ்வோர்ட் உபயோகப்படுத்துகிறோம் என்று யோசித்து பார்கிறேன்.

1. காலையில் வேலைக்கு சென்றவுடன், என் கம்ப்யூட்டரின்னுள் போக ஒரு யூசர் நேம் பாஸ்வோர்ட்.
2. கார்ப்ரேட் இ-மெயில் மற்றும் client இ-மெயில் ஐடிக்கு தலா ஒரு பாஸ்வோர்ட்.
3. அப்ப்ளிக்கேஷனுள் போக ஒரு பாஸ்வோர்ட்.
4. டேட்டா பேஸ், சர்வர், ரிமோட் லாக்-இன், quick பேஸ், மெட்டா லிங்க் இன்ன பிறவற்றிற்கு ஒவ்வொரு பாஸ்வோர்ட்கள்.
5. ஒரு பேங்க் அக்கௌன்ட் வைத்திருந்தா, அதற்குண்டான ஆன் லைன் லாக்-இன் பாஸ்வோர்ட், transaction பாஸ்வோர்ட், ATM மற்றும் டெபிட் கார்ட் பாஸ்வோர்ட்கள். குறைந்த பட்சம் ஒவ்வொருவரும் இரண்டு அக்கௌன்ட் வைத்திருக்கிறோம்.
6. இது போக ஜி மெயில், யாகூ, குமுதம், டுவிட்டர், at&t மொபைல் அக்கௌன்ட், ரிலையன்ஸ் இந்தியா கால் பாஸ்வோர்ட் மற்றும் SSN நம்பர்.
7. என் இரண்டு Travel baggage பாஸ்வோர்ட்
8. இது போக சில்லரைகளான amazon.com, buy.com போன்றவற்றுடைய பாஸ்வோர்ட்கள்.
9. அப்புடியே அந்த ரெஸ்ட்ரூம் பாஸ்வோர்ட்டையும் லிஸ்டில் சேர்த்துக்கலாம்.

இப்போது வரும் கம்ப்யூட்டர்களில் finger print reader இருப்பதால் அதன் மூலம் அனைத்து தளத்திற்குள்ளும் ஒரு விரலை காட்டிவிட்டு செல்ல முடிகிறது. இது ரொம்ப எளிதாக இருப்பது போல் தோன்றினாலும் மறைமுகமாக இன்னும் பாஸ்வோர்ட்டை மறப்பதற்கே வழிவகுக்கிறது. இதை தொடர்ந்து ஒரு மாதம் உபயோகப்படுத்தி பழகிவிட்டால், பிறகு திடீரென்று பாஸ்வோர்ட்டை நினைத்துப்பார்த்தால் அவ்வ்வ்வ்வ்வ்வ்வ்வ்வ் என்று வடிவேலு மாதிரி கத்தத்தான் முடியும்.

இது எதுக்கு இப்பன்னு கேட்குறீங்களா? போன வாரம் சில confidential fileகளை ஒரு folderரில் போட்டு பூட்டி வைக்க வேண்டும் என்று இணையத்தில் இருந்து ஒரு folder lock 5.8.2 என்ற மென்பொருளை பதிவிறக்கம் செய்து என் கம்ப்யூட்டரிலும் அதை install செய்தேன். முதல் முறை உபயோகிக்கும் போது அது பாஸ்வோர்ட் கேட்க நானும் ஒரு பாஸ்வோர்டை கொடுத்து உள்ளே சென்று சில fileகளையும் வைத்து லாக் செய்தேன். நேற்று அந்த folderரை ஓபன் செய்ய முயன்ற போது இந்த மென்பொருள் வந்து பாஸ்வோர்ட் கேட்க, நானும் யோசித்து ஒரு பாஸ்வோர்ட் கொடுத்தேன். Access denied என்று வந்தது, மீண்டும் இரண்டு முறை முயன்றேன் அதே Access denied மெசேஜ். நான்காவது முறை முயன்ற போது என் கம்ப்யூட்டரை முற்றிலுமாக freeze செய்துவிட்டது. இப்போது நான் restart செய்தால்தான் மீண்டும் வேலை செய்ய முடியும். அதை uninstall செய்ய முயன்றாலும் பாஸ்வோர்ட் கேட்கிறது. இத்தனைக்கும் அனைத்தையும் சில பிரிவுகளாக பிரித்து, ஒரு பிரிவுக்கு ஒரு பாஸ்வோர்ட் என்று தான் வைத்திருக்கிறேன். அப்படியிருந்தும் மறந்து விடுகிறது. டெக்னாலஜி வளர வளர ஒரு புறம் வேலை பளு குறைந்தாலும் இன்னொரு புறம் வேறு விதமாக அதிகரிக்கவே செய்கிறது. சிறு தவறு செய்தாலோ அல்லது சிறு விஷயத்தை மறந்தாலோ பாதிப்புகள் அதிகமாகவே இருக்கிறது.

புத்தக விலை

2008-07-25T17:32:00.000-07:00

ஸ்கூலில் ஆறாவது ஏழாவது படிக்கும் போது தமிழ் துணைப்பாடத்தில் ஒரு எழுத்தாளனை பற்றிய அகிலனின் கதையில் ஆரம்பித்த வாசிப்பு பழக்கம், குமுதம், விகடன், புதிய பார்வை போன்ற புத்தகங்களின் வழியேயும், ஜெயகாந்தன், சுஜாதா, கண்ணதாசன், தி.ஜானகிராமன், பாலகுமாரன், சுரா போன்றோரின் மூலமும் வளர்ந்து இன்று வாசிப்புப் பழக்கம் என்பது மிகப்பெரிய ஆலமரம் போல் என்னுள் வளர்ந்து நிற்கிறது. புத்தக கடை வர வர ஏதோ ஒரு வசிய மருந்து போல் ஆகி வருகிறது. அதிக புத்தகங்களுடன் அடுக்கி வைக்கப்பட்டுள்ள shelfஐ பார்த்தாலே போதை தலைக்கேறுகிறது. வாங்கி இன்னும் படிக்காத புத்தகங்களே நிறைய இருக்க வாங்க வேண்டிய புத்தகங்களின் பட்டியலும் நீண்டுகொண்டே போகின்றன. விலையும் ஏறிக்கொண்டே போகின்றன. பதிப்பாளர்களின் முக்கிய நோக்கம் புத்தகங்கள் மக்களை சென்றடைய வேண்டும் என்பதாக இருக்கவேண்டும். ஆனால் விலையை பார்க்கும் போது அவர்கள் அதில் இருந்து லேசாக தடம் மாறிப் போய்க்கொண்டிருப்பதாக தோன்றுகிறது. புத்தக கண்காட்சியில் ஒவொரு வருஷமும் ஏறிக்கொண்டே போகும் ஸ்டால்களின் எண்ணிக்கையும், மக்கள் கூட்டமும், புத்தகங்களின் விற்பனையும் ஆரோக்கியமான தோற்றத்தை ஏற்படுத்தினாலும் விலையை குறைத்தால் இன்னும் பலரை சென்றடையும் என்பது நிதர்சனமான உண்மை.

விலைவாசி ஏற்றத்தையும், மூலப் பொருளான பேப்பரின் விலை ஏற்றத்தை காரணம் காட்டினாலும் இன்னும் மலிவான விலையில் சில பதிப்பகங்கள் புத்தகத்தை வெளியிட்டுக்கொண்டுதானே இருக்கின்றன. கண்ணதாசன் பதிப்பகத்தின் அனைத்து புத்தகமும் சராசரியாக 50 ரூபாயை ஒட்டியே இருக்கின்றன. கண்ணதாசனுடைய புத்தகங்கள் இன்றைக்கும் 15 ரூபாய்க்கு (எண்ணங்கள் ஆயிரம்) கிடைக்கிறது. ஆனால் இன்றைக்கு பல எழுத்தாளர்களுடைய புத்தகங்கள் சராசரியாக ரூபாய் 150ஐ தொடுகின்றன. கேட்டால் கனமான அட்டை தரமான பேப்பர் என்கிறார்கள், யாருக்கு வேண்டும் அட்டையும் பேப்பரும்? இழை, தட்டு என எதில் பரிமாறினாலும் நான் சாப்பிடப்போவது அதில் உள்ள உணவை மட்டுமே.

அல்லது ஒவ்வொரு புத்தகத்தையும் Low price edition என்று சொல்லி சுமாரான குவாலிட்டியில் சில பிரதிகள் போடுங்கள். வாங்குபவர்கள் தங்கள் வசதி / விருப்பத்திற்கேற்ப எது வேண்டுமோ அதை வாங்கிக்கொள்ளட்டும். சில எழுத்தாளர்கள் மற்றும் பதிப்பகத்தின் புத்தக விலையை பார்த்தாலே கண்ணை கட்டுகிறது. இதை விட கொடுமை, இந்த சூழ்நிலையிலும் தேடிப்போன புத்தகம் கிடைக்காமல் ஏதேதோ புத்தகத்தை எல்லாம் வாங்கி வருவதுதான். சரி, இவ்வளவு விலை விற்கிறதே வாங்குவதை குறைத்துக்கொள்ளலாம் என்றால் அது கனவிலும் முடியாத காரியமாக இருக்கிறது. இன்னும் சொல்லப் போனால் வாங்க வேண்டிய புத்தகத்தின் பட்டியல் நீளுகிறதே தவிர குறைந்த பாடில்லை. வாங்க வேண்டிய பட்டியலில் தற்போது இருக்கும் புத்தகங்கள்.

தப்புத் தாளங்கள் -- சாரு நிவேதிதா.
ஊருக்கு நல்லது சொல்வேன் -- தமிழருவி மணியன்
படித்தேன் ரசித்தேன் -- கல்கி
கிழக்கு தூரமல்ல, அடிக்கல் -- ஜோ.மல்லூரி
புதுமைப்பித்தன் பற்றி -- இளசை மணியன்.
கடலோடி -- நரசய்யா
என் அன்புக் காதலா -- பாலகுமாரன்
ஒரு புளியமரத்தின் கதை -- சுந்தர ராமசாமி
மலர்மஞ்சம் -- தி.ஜானகிராமன்
etc.,
பட்டியலில் எக்சற்றாவை நன்றாக கவனியுங்கள். அடுத்த முறை சென்னை செல்லும் போது குறைந்தபட்சம் இந்த லிஸ்டில் இருந்து ஒரு 5 புத்தகங்களையாவது வாங்க வேண்டும். இதில் கடலோடியும், கிழக்கு தூரமல்ல புத்தகமும் நான் எங்கு தேடியும் கிடைக்கவில்லை. கிடைக்காத காரணத்தாலோ என்னவோ அதன் மீதான என் மோகம் அதிகரித்துக்கொண்டே போகின்றன. ஆக மோகம் இருக்கும் வரை தேடல் இருக்கும், தேடல் இருக்கும் வரை நல்ல படைப்புகள் வந்துகொண்டே இருக்கும். ஆனால் விலை?

சென்னையில் கால் ஆட்டோ (ஷேர் ஆட்டோ அல்ல)

2008-07-19T18:24:00.000-07:00

சென்னையில் கால் டாக்ஸி போல் இப்போது கால் ஆட்டோ அறிமுகமாகி உள்ளது. கேட்ஸ் இந்தியா என்கின்றன நிறுவனத்தின் கீழ் பல ஆடோக்கள் சென்னை முழுவதும் கடந்த மூன்று மாதங்களாக இயங்குகின்றதாம். ஆட்டோ கட்டணம் கிலோ மீட்டருக்கு ரூ. 6 + கால் சென்டர் கட்டணம். கேட்ஸ் இந்தியாவின் விஷேசம், ஆட்டோ உங்கள் இடத்திற்கு வந்த பிறகே மீட்டர் போடப்படும். மீட்டர் சரியாக இருக்கும் என்பதற்கு கேட்ஸ் இந்தியா உத்தரவாதம். போன் செய்தால் போதும் உங்கள் இடத்திற்கே ஆட்டோ வரும்.

இவர்களுடைய முகவரி

Gates India

104, Rajagopalan Street,

Valasaravakkam,

Chennai 600087.

web: http://www.chennaicallauto.com/

mail: gatesindia@gmail.com
ஆட்டோ ஷேரிங் என்கின்றன திட்டமும் இவர்களிடம் உண்டு. அதாவது இந்த திட்டத்தின் கீழ் ஒரு ஆடோவுக்கு மூன்று நபர் மட்டுமே அனுமதி. கிலோ மீட்டருக்கு அதே 6 ரூபாய் (மூவரும் பிரிதுக்கொள்ளலாமா என்று சரியாக தெரியவில்லை). அலுவலகம் செல்பவராக இருந்தால் அலுவலகம் செல்லவேண்டிய நேரம், எங்கிருந்து எங்கு செல்கின்றிர்கள் என்ற விபரத்தை 4344 4344 என்கின்றன எண்ணுக்கு தொடர்புகொண்டு பதிவு செய்துகொள்ளுங்கள். தினமும் நிம்மதியாக சென்று வரலாம். இந்த திட்டம் வெற்றி பெற்றால், ஒரு நிறுவனத்தின் கீழ் அனைத்து ஆடோகளும் இயங்குவதால் ஆட்டோ ஓட்டுனரிடம் ஒரு profesionalism இருக்கும் என்று நம்பலாம். மீட்டருக்கு சூடு வைக்கும் கள்ளத்தனம் இருக்காது, பேரம் பேசுவது, சண்டை போடுவது போன்றவற்றிற்கு இடம் இருக்காது. மின்மடல்லில் என் நண்பர் சதீஷ் அனுப்பிய செய்தியே இது, நான் இன்னும் பயணம் செய்து பார்க்கவில்லை. பயணம் செய்தவர்கள் தங்களுடைய அனுபவத்தை பகிர்ந்துகொண்டால் மற்றவர்களுக்கு உபயோகமாக இருக்கும்.

நீங்களும் நானும்தான் பொறுப்பு

2008-07-17T18:33:00.000-07:00

பிரபலங்களை வைத்து நடந்த ஒரு நீயா நானா நிகழ்ச்சியில் பேராசிரியர் அத்துவான் பேசியது

இந்த மாதிரியான கூட்டங்கள்ல நாம பேச வேண்டிய தலைப்புகளை கொஞ்சம் மாற்றி வைக்கணும். கடந்த 10 ஆண்டுகள்ல 125000 விவசாயிகள் தற்கொலை பண்ணியிருக்காங்க, மூணு வேலையும் டைனிங் டேபிள்ல எத வச்சு சாப்புடுரோமோ அவுங்க சாப்புடல, ஒரு மணி நேரத்துக்கு 2 பேரு 3 பேரு விவசாயிகள் இந்தியா பூர தற்கொலை பண்ணிக்கிட்டு இருக்காங்க, அத பத்தி இந்த நாட்டுல debate இல்ல, இந்த mediaயால headlinesல இல்ல. இதே சென்னைல 21ஆம் நூற்றாண்டுல நாம செல்போனையும் இண்டெர்நெட்டையும் பத்தி பேசிக்கிட்டு இருக்கும் போது, மலம் அள்ளக்கூடிய தமிழனை பார்த்துக்கிட்டு இருக்கோம். எத பார்த்து பெரும்மையா இருக்கும்? அத வேண்டாம்முன்னு ஒரு தீர்மானம் போட நம்மலால முடியலையா. இன்றைக்கு 6.5 கோடி மக்கள் நாம இருக்கோம், பிரான்ஸ்ல 6 கோடிதான் இருக்காங்க, இத்தாலில 6 கோடிதான் இருக்காங்க, நம்ம தேச வருமானத்த விட அவுங்க வருமானம் அதிகம், ஒரு சின்ன மாநிலத்த விட அவுங்க சின்னம், இன்றைக்கு அங்க இருக்க equality ஏன் இங்க இல்லாமபோச்சு, ஜாதிய கட்டிக்கிட்டு அலுவுறோம் education is commercialized, religion is politicalised, commerce is vulgarised, politics is criminalised, criminals are glorified, womens are commodified, childrens are laborised, society is standardise, iam shocked and surprised.

என்று சொன்னார். அனைவர் மனதிலும் உள்ள நியாயமான ஆதங்கம் தான்.......ஆனால் யாரை குறிப்பிட்டு குற்றம் சொல்ல முடியும்? இந்த நிலைமைக்கு காரணம் நாம்தான். நீங்களும் நானும்தான்.

வி மிஸ் யு ரகுவரன்

2008-07-04T20:57:00.000-07:00

குடி, போதை, விவாகரத்து எல்லாவற்றையும் தவிர்த்து ஒரு நடிகராக இவர் மீது எனக்கொரு அலாதிப் ப்ரியம் எப்போதும் உண்டு. தொடர்ந்து படங்கள் நடிக்காத போதும், தனக்கென ஒரு ரசிகர் வட்டத்தையும் தமிழ் திரையுலகில் ஒரு தனி இடத்தையும் ஏற்படுத்திக்கொண்டவர். மக்களால் அதிகம் ரசிக்கப்பட்ட ஒரு தமிழ் வில்லன் நிச்சயம் இவராகத்தான் இருப்பார். பெரிதாக அலடிக்கொல்லாமல் இயல்பான நடிப்பே இவரது ப்ளஸ். இன்றைக்கும் ரஜினிக்கு ஏற்ற ஒரு பவர்புல் வில்லன் ரகுவரன்தான். குணசித்திரம், வில்லன் என எல்லாவற்றிற்கும் பொருந்தும் ஒரு அருமையான முகம். ஹீரோக்களை தவிர்த்து மற்ற நடிகர்கள் தங்கள் வயதிற்கேற்ற கதாபாத்திரங்களையே தேர்ந்தெடுப்பார்கள் அல்லது கிடைக்கும். இதற்க்கு ஒரே விதிவிலக்கு ரகுவரன்தான். ஒரே காலகட்டத்தில் ஒரே நடிகருக்கு சமவயதுள்ள தோழனாக, அண்ணனாக, அப்பாவாக நடித்திருப்பார். 'நிலாவே வா' படத்தில் விஜயின் வயதை ஒட்டிய கதாபாத்திரத்தில் வருவார், 'நேருக்கு நேர்' படத்தில் விஜயின் அண்ணனாக வருவார், 'செல்வா' படத்தில் விஜயின் அப்பாவாக நடித்திருப்பார். ஒரே நேரத்தில் இப்படி நடிப்பதை மக்கள் அவ்வளவு எளிதாக ஏற்றுக்கொள்ள மாட்டார்கள்.

நடிகர்களுக்கு வாய்ஸ் மாடுலேஷுன் ரொம்ப முக்கியம், இவருக்கு அது இயற்கையாகவே அமைந்துபோனது வரம். இதற்க்கு சிறந்த உதாரணம் 'புரியாத புதிர்' படத்தில் இவர் சொல்லும் 'I know....I know'. அண்ணா நகர் முதல் தெரு, அஞ்சலி, செல்வா, ஆஹா, பாட்ஷா, முதல்வன், அமர்களம், ரன், போன்ற படங்களை பார்க்கும் போது, எவ்வளவு அழகான நடிகரை நாம் இழந்திருக்கிறோம் என்பது புரிகிறது. கொஞ்சம் சுதாரிப்பாக வாழ்ந்திருந்தால் இன்னும் பல உயரங்களை தொட்டிருக்கக்கூடியவர்......இப்போது வரும் பல படங்களில் உள்ள சில கேரக்டர்களை பார்க்கும் போது, இதெல்லாம் ரகுவரனிடம் கொடுத்திருந்தால் கலக்கியிருப்பார் என்று தோன்றுவதை தவிர்க்க முடியவில்லை. வி மிஸ் யு எ லாட் மேன்.

மிஷ்கின் | நந்தலாலா | அழகிய குயிலே

2008-06-24T17:38:00.000-07:00

நந்தலாலா பற்றி மிஷ்கின்...

"இந்த படம் நான் பண்ணுறதுக்கு காரணம், இரண்டு வருஷம் நான் நிறைய கஷ்டப்பட்டேன், நிறைய ஹீரோக்கிட்ட போய் கதை சொல்லி தூக்கி எறியப்பட்ட ஒரு கதை. ஒரு ஹீரோ பையனை வைத்து 45 நாள் train பண்ணி, எல்லாமே readyயாகி, இளையராஜா கிட்ட போய் பாடல் கம்போஸ் பண்ணி, ஷூட்டிங் போறப்ப கிழ விழுந்து டிராப் பண்ணுன படம். இப்ப எனக்கு நிறைய offer வந்துருக்கு, அஞ்சாதே வெற்றிக்கு பிறகு நிறைய producer's வந்து பேசுனாங்க, இப்ப நான் அந்த sideல போயிட்டு பண்ணுனா, என் வாழ்க்கைக்கு ரொம்ப நல்லது, இந்த growth fastடா இருக்கும், என்னுடைய economic growth fastடா இருக்கும், ஆனா நந்தலாலா ஒரு மூலையில கிடக்கும். நான் ஒரு பெரிய்ய ஹீரோவுக்கு படம் பண்ணி win பண்ணுன பிறகு நந்தலாலாவை திரும்பி என்னால பார்க்கவே முடியாது. அதுக்கப்புறம் ஒரு நாள் வந்து, என்கிட்டே அழகான ஒரு கதை இருந்துச்சு நான் வந்து அதை மிஸ் பண்ணிட்டேனு வாழ்நாள் பூரா சொல்லிக்கிட்டு இருக்குறத பெரிய போலித்தனம்னு நினைக்கிறேன்."

கடைசி மூணு வரிய கொஞ்சம் நல்ல படுசுப்பாருங்க, மறைமுகமா யார சொல்லுறாருன்னு புரியுதா? எனக்கு புரியுது. புரியாதவுங்க திரும்ப ஒரு தடவ இந்த பதிவோட தலைப்பை பார்க்கவும்.

L.K.G - கடைசி பெஞ்ச் பசங்க...

2008-06-21T18:31:00.000-07:00

Boy1: மச்சான் நான் ரொம்ப அப்செட்டா இருக்கேண்டா..
Boy2: ஏண்டா, வீட்ல எதுனா ப்ராலம்மா?
Boy1: இல்லடா நேத்து சிலேட்டு வாங்க ஸ்பென்சர் போயிருந்தேண்டா, அங்க ஒரு செம்ம பிகரு, சும்மா ஒன்ற வயசு இருக்கும், அவுங்க அம்மா மடியில படுத்துக்கிட்டு வாய்ல விரல வச்சுக்கிட்டு என்ன பார்த்து ஒரு லுக்கு விட்டுச்சு பாரு! ஐயோ....
Boy2: அப்புறம் என்ன ஆச்சு..............
Boy1: அப்புறம் என்ன......எங்கப்பன் அத பார்துட்டு பொறாமையில என் தலையில நறுக்குன்னு ஒரு கொட்டு வச்சான். கோவத்துல ரெண்டு நாளா cerelac கூட சாப்புடறது இல்ல....
Boy2: இந்த அப்பனுங்களே இப்படித்தான் பொறாமையில அலைவானுங்க.....நீ கவலைப்படாத மச்சான் நாளைக்கு அந்த பொண்ண தொட்டில்லோட தூக்கிருவோம்.

குறிப்பு: மின்னஞ்சலில் வந்தது.

கலைஞர், ஞாநி, சினிமா....

2008-06-20T19:24:00.000-07:00

அரசியல் சாணக்கியன் என்றால் அது கலைஞர் என்பது உலக தமிழர்கள் அறிந்த ஒரு விஷயம். இப்போது பா.ம.கவை கூட்டணியில் இருந்து விலக்கியிருப்பது அவருடைய அரசியல் தந்திரத்திற்கு மேலும் ஒரு எடுத்துக்காட்டு. பா.ம.க கூட்டணியில் இருந்தால் எப்படியும் வரும் நாடாளுமன்ற தேர்தலில் அதிக இடம் கேட்டு நெருக்கடி கொடுக்கும், அ.தி.மு.கவும் பா.ம.கவை இழுப்பதற்கு அதிக முயற்சி எடுக்கும். இந்த நிலையை நன்றாக பயன்படுத்திக்கொண்டு பா.ம.க எப்படியும் சென்ற முறையை விட இந்த முறை அதிக சீட் வாங்கி வளர்சிகானும் என்பதை மனதில் வைத்து இப்போது அதை கூட்டணியில் இருந்து விலக்கியிருக்கீறார் கலைஞர். பா.ம.கவுக்கு இப்போது அ.தி.மு.கவுடன் கூட்டணி வைப்பதை தவிர வேறு வழியில்லை. ஆனால் ஜெயலலிதா கொடுக்கும் சீட்டை வாங்கியாகனுமே தவிர சென்ற முறையை விட அதிக இடம் வாங்க முடியாது. கலைஞருடைய இந்த மூவ், பா.ம.க வை demanding sideல் இருந்து receiving end க்கு கொண்டுவந்தது என்பது மட்டும் உண்மை.

ஓ...பக்கங்கள் தொடரை முன்பு ஆனந்த விகடனிலும் இப்போது குமுதத்திலும் எழுதிவரும் ஞாநி, இரண்டு மாதமாக குமுதம் வெப் டி.விகாக ஞாநி பேசுகிறேன் என்ற நிகழ்ச்சியின்
மூலமாக பேட்டியும் எடுத்துவருகிறார். ஓ...பக்கங்களை பொறுத்த வரையில் எந்த விஷத்தை பற்றி ஞாநி எழுதினாலும் அதை படித்து முடிக்கும் போது நாம் அவருடைய கருத்துக்கு தலையாட்டும் நிலைக்கு வந்து விடுவோம். அந்த அளவுக்கு வீரியத்துடனும், புள்ளிவிவரங்களுடனும், சான்றுகளுடனும் அவருடைய எழுத்துக்கள் இருக்கும். இதனாலேயே அவருக்கு கிடைத்த பல கோடி ரசிகர்களில் நானும் ஒருவன். தற்ப்போது அவர் எடுக்கும் பேட்டியை பொறுத்த வரையில், பொதுவாழ்க்கைக்கு வந்தவர்கள் பலதரப்பட்ட கேள்விகளையும் சந்தித்தாகவேண்டும் என்ற முனைப்போடு பலர் கேட்க தயங்கும் கேள்விகளை கேட்பது பாராட்டுக்குரியது. ஆனால் சில நேரங்களில் பங்கேற்ப்பவருடைய personal விஷயங்களில் அதிகம் தலையிடுவது பார்க்கும் நமக்கு சற்று அருவருப்பாகவே உள்ளது. உதாரணத்திற்கு, எழுத்துசித்தர் பாலகுமாரனுடனான நேர்கானலில், "நீங்கள் இரண்டு மனைவியோடு ஒரே வீட்டில் வாழ்கிறீர்கள் அதேபோல் உங்களுடைய மனைவி இரண்டு கணவனோடு அதே வீட்டில் வாழ நினைத்தால் அனுமதிப்பிர்களா?" போன்ற கேள்விகளை தவிர்த்திருக்கலாம். அதேபோல் இயக்குனர் அமீர் பேட்டியில், நான் பிடித்த முயலுக்கு மூன்றே கால் என்ற ரீதியில் பருத்திவீரனை மோசமான படம் என்ற விமர்சனத்தையும் ஏற்றுக்கொள்ள முடியவில்லை. மொத்தத்தில் இது வரை அவர் எடுத்துள்ள நேர்கானலில் அவருடைய கேள்விகளுக்கு தயங்காமல் திறமையாக பதில் சொன்னவர் அமீர் மட்டுமே. அந்த வகையில் இந்த வார பூச்செண்டு இயக்குனர் அமீருக்கு. ஏதோ தன்னை ஒரு அறிவு ஜீவி மாதிரி நினைத்துக்கொண்டு பலரிடமும் நேர்கானலில் கேனத்தனமான கேள்விகளை கேட்கும் ஞாநிக்கு இந்த வார குட்டு. சுருக்கமாக, ஞாநி பேசாமல் எழுதினால் மட்டும் போதும்.

நேற்று என் வீட்டு அருகில் உள்ள ஹோட்டலுக்கு சென்றபோது அங்கே இருந்த புக் ஒன்றில் இந்த வாசகத்தை பார்த்தேன்.

"If pro is opposite to con, then what is the opposite progress?
Congress!"

பார்த்தவுடன், இந்த வாசகம் மட்டும் B.J.P கையில் இப்போது கிடைத்தால், வரும் நாடாளுமன்ற தேர்தலில் Congressக்கு எதிராக பயன்படுத்துவார்களோ என்று தோன்றியது.

சிவாஜி, தசாவதாரத்தை போல் இப்போது தயாரிப்பில் இருக்கிற அனைத்து முன்னணி ஹீரோ மற்றும் இயக்குநர்களுடைய படங்களுமே மிகுந்த எதிர்பார்ப்பை ஏற்படுத்துக்கிறது அல்லது ஏற்படுத்தப்படுகிறது. ஹீரோக்களுடைய கெட்-அப் மட்டுமே ரசிகர்களுடைய பல்சை
எகிறவைப்பதற்கு போதுமானதாக இருக்கிறது. சிவாஜியும் தசாவதாரமும் இவ்வளவு எதிர்பார்ப்பை ஏற்படுத்தியதற்கு காரணம், ரஜினி மற்றும் கமலுடைய வித்தியாசமான கெட்-அப்பில் வந்த புகைப்படம் மட்டுமே. முன்பு கமல் மட்டும் செய்துவந்த விஷயத்தை, இப்போது ஏறக்குறைய எல்லா நடிகர்களுமே செய்ய ஆரம்பித்துவிட்டார்கள். என்ன, விக்ரமும் சூர்யாவும் மிகவும் நேர்த்தியுடன் கெட்-அப் மாற்றும் போது தங்களுடைய உடம்பையும் மாற்றுகிறார்கள் மற்றவர்கள் கெட்-அப் பை மட்டும் மாற்றுகிறார்கள். அந்த வகையில் எதிர்பார்ப்பில் உள்ள படங்களாக ரஜினியின் குசேலன், விக்ரமின் கந்தசாமி, சூரியாவின் வாரணம் ஆயிரம், பாலாவின் நான் கடவுள், செல்வராகவனின் ஆயிரத்தில் ஒருவன் ஆகிய படங்கள் உள்ளன. என்ன தான் எதிர்பார்ப்பிக்குரிய படமாக இருந்தாலும் கதை சரியில்லை என்றால் ஓடாது என்பதிற்கு பல உதாரணங்கள் இருக்கின்றன. ஆகா இந்த ஹிட் லிஸ்டில் இருக்கும் படங்களில் எத்தனை படங்கள் சிவாஜி ஆகப்போகின்றன எத்தனை படங்கள் பீமா ஆகப்போகின்றன என்பது படம் ரிலீஸ் ஆனால் தெரிந்துவிடும்.

மனதில் பச்சக் என்று ஒட்டிக்கொண்ட கவிதைகள்

2008-06-14T09:59:00.000-07:00

வலையுலக நண்பர்கலுக்கு ப்ரியனின் கவிதைகள் எந்த அளவிற்கு அறிமுகம் என்று எனக்கு தெரியவில்லை. ஆனால் எனக்கு நேற்றுத்தான் அறிமுகம். எதையோ இன்டர்நெட்டில் தேடும்போது தற்செயலாக அவருடைய வெப் சைட்ஐ பார்க்க நேர்ந்தது. படித்தவுடன் மனதில் பச்சக் என்று ஒட்டிக்கொண்ட இரண்டு கவிதைகள் கீழே.

தள்ளி நின்றே
கும்பிடு!
இறங்கிவந்து கட்டிக் கொடுக்கச் சொல்லி
அடம்பிடிக்கப் போகிறான்
அய்யனார்!
#

நான் ஒரு பக்கம்
உன் உடைந்த
கண்ணாடி வளையல் துண்டுகள்
ஒரு பக்கம்!
சமனாகி விடுகிறது
காதல் துலாபாரம்!

அவருடைய வலைத்தளத்திற்கு சென்றால் உங்களுக்கு டபுள் treat நிச்சயம். ஒன்று அவருடைய கவிதைகள் மற்றொன்று அந்த வலைத்தள டிசைன். website design சூப்பர்!.

தசாவதாரம் விமர்சகர்களுக்கு ஒரு வேண்டுகோள்

2008-06-11T19:09:00.000-07:00

விமர்சனம் செய்யும் பலரும் கதையை முழுவதுமாக சொல்லிவிட்டு பிறகு விமர்சனத்தை தொடங்குகிறார்கள். குறிப்பாக படத்தின் திருப்புமுனையாக உள்ள முக்கியமான காட்சிகளைக்கூட அப்பட்டமாக சொல்லுவது அடுத்து படத்தை பார்ப்பவர்கள்ளுக்கு சுவாரஸ்யத்தை குறைக்கும் என்பதை நினைவில் கொள்ளவேண்டும். உதாரணத்திற்கு கில்லியில் விஜய், த்ரிஷாவின் கழுத்தில் கத்தி வைக்கும் காட்சியாகட்டும், ரன் படத்தில் மாதவன் சப் வேயில் பயந்து ஓடுவது போல் ஓடி அந்த சட்டரை மூடும் காட்சியாகட்டும், அந்த காட்சியை சொல்லாமல் சுவாரஸ்யம் கூடும் முறையில் நம் விமர்சனம் அமைந்தால் நன்றாக இருக்கும். இது எதுக்கு இப்போன்னு கேட்க்குறிங்களா? தசாவதாரம் படம் ரிலீஸ் ஆகப் போகுது, விமர்சனம் என்ற பெயரில் யாரும் கதையை முழுமையாக சொல்லவேண்டாம் என்ற வேண்டுதளுக்குதான் இந்த பதிவே.

ஒரு பத்திரிக்கை விமர்சனம் எழுதுவதற்கு கூட ஒரு வாரம் ஆகலாம், ஒரு நாளேடு விமர்சனம் செய்வதற்கு ஒரு நாள் ஆகும், சேட்டிலைட் டி.வி விமர்சிப்பதற்கு கூட அறை நாள் ஆகும், ஆனால் நம் வலையுலக நண்பர்கள் படம் பார்த்த ஒரு மணி நேரத்தில் எழுதும் விமர்சனம் பல ஆயிரக்கணக்கான பேர்களை உடனே சென்றடைகிறது, அதனால்தான் இந்த வேண்டுகோள்.

இந்த படத்தின் வெற்றிக்கு நம்மால் முடிந்த ஒரு சிறு முயற்சியாக இது இருக்கட்டும், ப்ளீஸ்ஸ்ஸ்ஸ்ஸ்ஸ் .

தன்னம்பிக்கை டானிக்

2008-06-09T19:33:00.000-07:00

மனதி லுறுதி வேண்டும்,
வாக்கினி லெயினிமை வேண்டும்;
நினைவு நல்லது வேண்டும்,
நெருங்கின பொருள் கைப்பட வேண்டும்;
கனவு மெய்ப்பட வேண்டும்,
கைவசமாவது விரைவில் வேண்டும்;
தனமும் இன்பமும் வேண்டும்,
தரணியிலே பெருமை வேண்டும்.
கண் திறந்திட வேண்டும்,
காரியத்தி லுறுதி வேண்டும்;
பெண் விடுதலை வேண்டும்,
பெரிய கடவுள் காக்க வேண்டும்,
மண் பயனுற வேண்டும்,
வானகமிங்கு தென்பட வேண்டும்;
உண்மை நின்றிட வேண்டும்.
ஓம். ஓம். ஓம். ஓம்.

போன்சாய் மிருகங்கள்

2008-05-12T11:55:00.000-07:00

இந்த படத்தில் இருப்பது ஒரு அழகான கற்பனை. இது கற்பனையாக இருக்கும் வரை ரசிக்கலாம். இதுவே உண்மையாக நிகழ்ந்தால்? நிகழும். இப்பொழுது இல்லாவிட்டாலும் வரும் காலத்தில் இது நிகழும். ஒரு க்ளோனிங் சாத்தியப்படும் போது இது முடியாதா என்ன.

இனி வரும் காலத்தில் உயிர்களை படைக்கும் திறமை கடவுளிடம் மட்டுமே இருக்கப்போவதில்லை. அப்படியே இருந்தாலும், கடவுளால் படைக்கப்பட்ட இரண்டு உயிர்களை, உயிர்களின் குணாதிசியங்களை கொண்டு இன்னொரு உயிரை மனிதன் நிச்சயம் படைப்பான். சுமாராக 50 ஆண்டுகளுக்கு பிறகு இதுபோன்ற கோழியை பார்க்கலாம், பசுவின் உயரத்தில் நாயின் குணங்களுடன் யானையை பார்க்கலாம், வீட்டிலும் வளர்க்கலாம். போன்சாய் மரங்களைப்போல் போன்சாய் மிருகங்கள் என்று ஒரு பட்டியல் உருவாகும். கல்லூரிகளில் இதற்கென ஒரு படிப்பு வரும். இப்படி ஒரு நிலை வரும்போது 'நன்றி உள்ள நாய்' என்று அடையாளம் காட்டக்கூட ஒரு நாய் இருக்காது. அனைத்து உயிரினங்களும் தன் அடையாளத்தை இழந்து விசித்திரமாய் காட்சியளிக்கும். அப்போதும் இதை ரசிப்பதற்கென ஒரு கூட்டம் இருக்கும், எதிர்ப்பதற்கு ஒரு கூட்டம் இருக்கும். எதையும் கண்டுகொள்ளாமல் இன்னும் வேகமாய் விங்ஞானம் போய்க்கொண்டே இருக்கும்.

தேவையா இந்த பில்ட்-அப்

2008-05-11T11:21:00.000-07:00

டைரக்டர் தரணி எனக்கு 'குருவி'க்காகச் சொன்னது சின்ன அவுட் லைன். 'கில்லி'யில் என்னை பெரிய உயரத்துக்கு ஏத்திவிட்டவர்... உடனே சரின்னு சொல்லிட்டேன். சில கூட்டணி தப்பு பண்ணவே பண்ணாது. அதில் ஒண்ணு... விஜய் தரணி த்ரிஷா!'' -- த்ரிஷா Dec 2007.

ஒரு சில படங்களில் நடிக்கும்போது, அந்த படங்கள் மிகப்பெரிய வெற்றி அடையும் என்று எனது உள்ளுணர்வு சொல்லும். படத்தின் வெற்றி குறித்து ஒரு நம்பிக்கை இருக்கும். அந்த நம்பிக்கை பெரும்பாலும் சரியாக அமையும். `குருவி' படத்திலும் அந்த நம்பிக்கை எனக்கு ஏற்பட்டது. -- விஜய்

‘‘ட்ரிபிள் கில்லி எதிர்பார்க்கிறோம் தரணி!’’ என்று சொல்லித்தான் தரணியிடம் பேச்சுவார்த்தையே ஆரம்-பித்தார்களாம். ‘‘அசின், த்ரிஷா, ஸ்ரேயா என மூவருள் ஒருவரையோ அல்லது மூவரையுமேவோ கமிட் செய்து-கொள்ளுங்கள். ரஜினிக்கு ‘பாட்ஷா’ போல விஜய்க்கு இந்தப் படம் அமைய வேண்டும்!’’ என்று சொல்லியிருக்கிறார் உதயநிதி.

இந்த படம் வெளிவந்த பிறகு, அடுத்த இளையதளபதி யாருனு தான் எல்லோரும் பேசுவாங்க -- தரணி

இந்த படத்துக்காடா இவ்வளவு பில்ட்-அப் கொடுத்தீங்க?

நீயா? நானா? -- க்ளாசிக்கல் டாக் ஷோ

2008-05-06T11:13:00.000-07:00

மெகா சீரியல்களில் சிக்கிக்கிடந்த மக்களை வெளியே கொண்டுவந்த பெருமை விஜய் டி.விக்கு உண்டு. சீரியல்களை குறைத்து டாக் ஷோக்களை அறிமுகப்படுத்தி இளைஞர்களின் கவனத்தை தன் பக்கம் இழுத்துக்கொண்டது. காப்பி வித் அணு, லொள்ளு சபா, காதலிக்க நேரமில்லை, மதுரை, கனா காணும் காலங்கள், மதன்ஸ் திரைப்பார்வை, ஜோடி No 1 என்று பல அருமையான ப்ரோக்ராம் இருந்தாலும் எனக்கு ரொம்ப பிடித்தது நீயா? நானா? தான். இந்த நிகழ்ச்சியின் பெருமையே, எந்த டி.வியும் இது வரை காப்பி அடிக்காததுதான். காப்பி அடிக்க முடியாததுதான்.

இந்தளவு ஹிட் ஆனதிற்கு காரணம் நிகழ்ச்சியில் கலந்துகொள்பவர்களை மிகவும் கவனமாக தேர்ந்தெடுப்பதும் அதன் anchor கோபிநாத்தும் தான். ஒரு தலைப்பை எடுத்துக்கொண்டு, அதற்கு ஒரு அழகான விளக்கம் கொடுத்து, இருதரப்பையும் சுருக்கமாக அறிமுகப்படுத்திவிட்டு விவாதத்திற்குள் நுழைவதும், கண்ணா பின்னாவென்று பேசாமல், எடுத்துக்கொண்ட தலைப்பின் உட்பிரிவுகளை பற்றி நுணுக்கமாக பேசும்போது என்னையும் அறியாமல் ரசிக்க ஆரம்பித்துவிடுகிறேன். முடிவை சொல்லாமல் விடுவது பலருக்கு ஒரு குறையாகவே உள்ளது. முடிவை சொல்லுவதற்கு இது ஒன்றும் பட்டிமன்றம் அல்ல. இருதரப்பு கலந்துரையாடல்களை கேட்ட பின்பு நாமே ஒரு நிலைப்பாட்டை எடுதுக்கொள்ளவேண்டியதுதான். கோபிநாத்தும் வெறும் டாபிக் உடன் வராமல் கொஞ்சம் ஹோம் வொர்க் / ரிசர்ச் செய்திருக்கிறார் என்பது அவர் பேசுவதில் இருந்தே தெரிகிறது. ரொம்ப நல்லா பண்றிங்க கோபிநாத். எழுத்தாளர் சுஜாதாவை நீங்கள் பேட்டி எடுத்ததை பார்த்தேன், அதுவும் ரொம்ப நல்லா இருந்தது.

KEYWORDS: NEEYA NAANA GOPINATH, GOPINATH, NEEYA NAANA

அடுத்த உலக நாயகன்?

2008-05-05T12:55:00.000-07:00

சூரியாவின் சமிபத்திய போட்டோக்களை பார்க்கும் போது, சம்பளத்தை மட்டும் கோடிகளில் வாங்கிவிட்டு எவ்வித உழைப்பும் இன்றி நடித்து புகழ் பெரும் காலம் மாறிவருகிறது என்று தான் தோன்றுகிறது. ஒரு படத்திற்கு ஒவ்வொருவரும் எவ்வளவு மெனக்கெடுகிறார்கள் என்பதை உன்னிப்பாக கவனிக்க தொடங்கிவிட்டார்கள். வெறும் முடியை மட்டும் நீளமாக வளர்த்தும், சிறிதாக வெட்டியும், தாடி வளர்த்தும் இனி ரசிகர்களை கவர முடியாது. கந்தசாமி படத்தில் விக்ரம்மும், அயன் படத்தில் சூரியாவின் உழைப்பும் நிச்சயம் பேசப்படும். அடுத்த சூப்பர் ஸ்டாருக்கு பலர் போட்டி போடும் வேலையில், இவர்கள் இருவர் மட்டுமே அடுத்த உலகநாயகனுக்கு போட்டி போடுகிறார்களோ என்று தோன்றுகிறது.